الترتيب المناسب لكورسات الشبكات

**cyborg_ift** · 10-07-2011 02:13 PM

ما هو أفضل ترتيب لأخذ كورسات في الشبكات من واقع خبرة الأعضاء

**Usama Nagi** · 10-07-2011 03:25 PM

حسب انت خريج ايه و عايز تشتغل في ايه

عامة الموضوع منقسم لقسمين:

1- خبير تكنولوجيا معلومات server administration

و ده بيركز اكتر علي السوفت وير اللي بيقوم الشبكات من سيرفرات و حوائط نارية و خلافه

الكورسات المقترحة:

CCNA + Microsoft courses MCITP و ده يبقي انت مركز مع سيرفرات ميكروسوفت و دا مطلوب بس مش قوي ارخص في التكلفة و اسهل في الأمتحان و ممكن تكمل كمان كورسات لباقي انواع سيرفرات ميكروسوفت

CCNA + linux administration courses و كده انت بتركز علي سيرفرات لينكس و دا مكلف لو هتاخد شهادات دولية و اصعب شوية و لكن مطلوب جدا و مجال جديد شوية في مصر

عامة مش لازم تاخد cisco CCNA بس لو خدتها معاهم بتحسن ال cv جامد

2-مهندس شبكات network administration

و ده مفضل اكتر لخريج هندسة "مش لازم" و ده بيركز اكتر علي الهاردوير المكون للشبكات

و من اهم التراكات فيه

cisco CCNA + CCNP و ده متخصص شبكات عامة و ده منتشر اوي

cisco CCNA + CCNA security + CCNP security و ده متخصص امن شبكات مجال جديد و مطلوب بس مكلف لأنك يا اما تذاكر مع نفسك يا تحضر كورسات مكلفة

cisco CCNA + CCNA voice + CCNP voice و ده متخصص شبكات نقل صوت عن طريق الأنترنت مجال جديد و مطلوب بس مكلف لأنك يا اما تذاكر مع نفسك يا تحضر كورسات مكلفة بس مطلوب اقل من الsecurity .

و في مجالات اخري بس متخصصة قوي و مش مطلوبة بكثرة بس اللي بيشتغل فيها بيبقي متضبط "بتبقي نصيب او ممكن مع الخبرة و الشركة اللي بتشتغل فيها"

**cyborg_ift** · 11-07-2011 01:14 PM

طب لو مجال الدراسه بعيد اساسا عن الهندسه

يعني اخويا خريج اداب انجليزى بس نفسه يخش المجال ده فبعد ما يخلص الكورسات ديه هيقدر يشتغل ولا لازم يبقا خريج هندسه

**medododo** · 11-07-2011 01:21 PM

المشاركة الأصلية كتبت بواسطة cyborg_ift

طب لو مجال الدراسه بعيد اساسا عن الهندسه

يعني اخويا خريج اداب انجليزى بس نفسه يخش المجال ده فبعد ما يخلص الكورسات ديه هيقدر يشتغل ولا لازم يبقا خريج هندسه

مش لازم ولا حاجة نص اللي شاغلين في it مش خرجين هندسة وربعهم واخدها دراع وخبرة من غير كورسات
توكل علي الله وخد الكورسات اللي قالك عليها الزميل الفاضل وربنا يكرمك إن شاء الله

**cyborg_ift** · 11-07-2011 03:13 PM

ربنا يبارك فيك

**ShaDy MiGo** · 11-07-2011 03:34 PM

فعلا زى ماقال medododo ان كتيير من اللى شغالين فى it بعيد عن هندسة ...
ال it دلوقتى بقى اى حد بيخش فيه ...يعنى انا فى كليخ حاسبات ومعلومات ولما بروح اخد كورس فى اى حتة بلاقى اللى فى هندسة او حاسبات 2 او 3 والياقى مليات مختلفة
اهم حاجة الخبرة والممارس هى اللى بتفرق مع الواحد جامد
وربنا يوفقق

**cyborg_ift** · 11-07-2011 04:23 PM

ربنا يبارك فيك

**Usama Nagi** · 11-07-2011 05:57 PM

المشاركة الأصلية كتبت بواسطة cyborg_ift

طب لو مجال الدراسه بعيد اساسا عن الهندسه

يعني اخويا خريج اداب انجليزى بس نفسه يخش المجال ده فبعد ما يخلص الكورسات ديه هيقدر يشتغل ولا لازم يبقا خريج هندسه

المشاركة الأصلية كتبت بواسطة bluemaneg

1- خبير تكنولوجيا معلومات server administration

و ده بيركز اكتر علي السوفت وير اللي بيقوم الشبكات من سيرفرات و حوائط نارية و خلافه

الكورسات المقترحة:

CCNA + Microsoft courses MCITP و ده يبقي انت مركز مع سيرفرات ميكروسوفت و دا مطلوب بس مش قوي ارخص في التكلفة و اسهل في الأمتحان و ممكن تكمل كمان كورسات لباقي انواع سيرفرات ميكروسوفت

CCNA + linux administration courses و كده انت بتركز علي سيرفرات لينكس و دا مكلف لو هتاخد شهادات دولية و اصعب شوية و لكن مطلوب جدا و مجال جديد شوية في مصر

عامة مش لازم تاخد cisco CCNA بس لو خدتها معاهم بتحسن ال cv جامد

يبقي زي ما انا قلت دول انسب طريقين وهو حسب ميزانيته يختار احسن طريق

وفي طريق تالت و هو انه ياخد كورسات في Oracle Database Administrator و Oracle DB developer و دي بقي في مراكز بتدرسها كمنح في حدود 4000 جنيه ده غير الأمتحان الدولي اللي مش لازم يقدمله في الأول ممكن يشتغل بالدراسة بس لغاية لما ربنا يكرمه و يكون فلوس الأمتحان