احمد شفيق في حفل تخريج دفعة جديدة من الكلية الجوية

**otefa** · 10-07-2011 11:49 PM

شوفو الموضوع الكارثي ده والمؤامرات ألي كثير مش عايزين يصدقوها وألي هدفها حاجة من 2 على المدى القصير
-أفساد الثورة وحلم الديمقراطية والأصلاح
-تطاحن فئات المجتمع وأنهيار الداخلية والجيش........خراب

http://www.nilemotors.net/Nile/232038-a.html ("آنا باترسون "سفيرة جهنم فى مصر - إستمتعوا .... فالأسوأ قادم)

**Dojuar** · 11-07-2011 12:02 AM

المشاركة الأصلية كتبت بواسطة otefa

ههههه ياهندسة م.أحمد dojuar
فلولي قديم وأكيد بيهزر ياباشا

فلولي بعض الأوقات...لكن متسق دائما مع نفسي

المشاركة الأصلية كتبت بواسطة م.احمد زكريا

اكيد بيتكلم بلسان الناس التانيين

بيهزر اكيد

هزار هادف

المشاركة الأصلية كتبت بواسطة sharafconsult

أعتذارى للمهندس أحمد لشكى فى كلامه

وتحياتى لك يا اوتيفا للتوضيح

أنا الي بعتذر اني أزعجتك

المشاركة الأصلية كتبت بواسطة axel

طب تسمحلي ارد انا عليك

سيادتك هو هيجي ميري ليه احنا بنقول قائد القوات الجوية سابق مش حالي
و البدلة سيادتك تعتبر عهده بتتسلم

و نظرا لأنه قائد القوات الجوية سابقا و حاصل ع لقب قائد شرفي
يبقي اعتقد من حقه يحضر و ده المعروف

و مازالت مش شايف اي مشكلة في الموضوع انه يحضر
الناس بس اللي بتحب تولع الدنيا هم اللي مسكوا فيها لازم نخلي بالنا من اللي بيولعوها بدل ما نروح ننفخ معاهم في النار و نصب بنزين

شكرا على التوضيح لهم

**wael17** · 11-07-2011 12:26 AM

المشاركة الأصلية كتبت بواسطة sharafconsult

بغض النظر عن أنه قائد سابق للقوات الجويه

أحمد شفيق معاه لقب القائد الشرفى للقوات الجويه

يعنى مكانه بجوار تالت رتبه فى الترتيب ( بروتوكول الاقدميات )

مش مكانه بين باقى قادة القوات الجويه السابقيين اللى مكانهم فى الصفوف الخلفيه

وياريت ما تقومش خناقه ليه معاه اللقب ده وغيره لأ

شكرا علي التوضيح
دلوقتي عندنا موضوع فيه 50 مشاركة بيناقش ازاي المجلس العسكري يسمح لشفيق بحضور حفل تخرج القوات الجوية و اتحدي ان اي واحد من المعترضين يعرف المعلومات اللي حضرتك قلتها عن البروتوكولات العسكرية...و رغم الجهل بتلك البروتوكلات بقي من حق الجميع الاعتراض لمجرد الاعتراض....يعني الناس بقت بتتكلم في اللي ما تفهمش فيه و كل واحد فاكر نفسه فاهم كل حاجة و نظرية المؤامرة بقت منتشرة بصورة مستفزة
ده مثال لحاجات كتير بنشوفها دلوقتي سواء في الاقتصاد و السياسة و القضاء...كل واحد بيتكلم و هو مش فاهم هو بيتكلم عن ايه...كله عمال ينقل و خلاص اي حاجة يحس انها بتثبت وجهة نظره...و خد بقي رغي و جدال و خناقات للصبح في المنتديات و الفيسبوك و مواقع الاخبار...هو ده بقي حال البلد دلوقتي

المشاركة الأصلية كتبت بواسطة axel

سيادتك هو هيجي ميري ليه احنا بنقول قائد القوات الجوية سابق مش حالي
و البدلة سيادتك تعتبر عهده بتتسلم

نفس الكلام...اللي معترض انه مش لابس ميري ما يعرفش قواعد الزي في الجيش بس هو حب يعترض و خلاص...حقه؟ الوطنية و الثورية بتتقاس دلوقتي بالاعتراض علي اي حاجة

المشاركة الأصلية كتبت بواسطة abogogo

تاريخ صاحب الضربة الجوية اللى فتحت باب الحرية ...!!!! (التحق بالقوات الجوية في العريش، في 13 مارس 1950.............

لو بتتقاس بكده ... حسني ماحضرش ليه ؟؟

مش فاهم ايه وجه المقارنة بين حسني و شفيق؟
حسني مبارك محبوس احتياطيا علي ذمة قضية هايحضر ازاي؟ يا ريت تقولي لو سمحت!

شفيق مش محبوس و لم يتم ادانته في اي قضايا

**Dojuar** · 11-07-2011 12:41 AM

أنا لما جبت سيرة اللبس الملكي..كنت بهزر و الله

**som3aa** · 11-07-2011 01:06 AM

مش فاهم ايه وجه المقارنة بين حسني و شفيق؟
حسني مبارك محبوس احتياطيا علي ذمة قضية هايحضر ازاي؟ يا ريت تقولي لو سمحت!

شفيق مش محبوس و لم يتم ادانته في اي قضايا

شفيق لم يتم التحقيق معاه و يظهر ان الملفات هتفضل فى الدرج كتير .
مبارك تم التحقيق معاه و حبسه احتياطيا و لم يدان. هو اتحبس بعد التحقيق معاه

عموما هقترح على حضرتك اسامى تانية ترشحها للرئاسة فى عمر سليمان و عاطف عبيد و فاروق حسنى و عائشة عبد الهادى و سامى عبد العزيز سكرتير الرئيس و فى طبعا ناس تانية كتير تنفع

**wael17** · 11-07-2011 01:14 AM

المشاركة الأصلية كتبت بواسطة som3aa

عموما هقترح على حضرتك اسامى تانية ترشحها للرئاسة فى عمر سليمان و عاطف عبيد و فاروق حسنى و عائشة عبد الهادى و سامى عبد العزيز سكرتير الرئيس و فى طبعا ناس تانية كتير تنفع

بس انا ما طلبتش من حضرتك ترشح لي اسامي للرئاسة.
لما احتاج مرشحين للرئاسة هابقي استشير حضرتك.

**wael17** · 11-07-2011 01:18 AM

المشاركة الأصلية كتبت بواسطة dojuar

أنا لما جبت سيرة اللبس الملكي..كنت بهزر و الله

انا عارف والله انك كنت بتهزر و كلامي مش موجهه لحضرتك بس لو ماكنتش قلتها هزار اكيد كان في حد هايتفتق ذهنه و يقولها بجد عشان يفحمنا و يثبت نظرية المؤامرة
و ممكن حد بعد شوية يحلل الصورة و يطلع ان المشير كانت بيبتسم لاحمد شفيق و نستنتج من كده ان الجيش هايساند شفيق في الانتخابات...و يالا بينا علي الميدان الثورة بتضيييييييع

**Dojuar** · 11-07-2011 11:46 AM

اتفضل يا سيدي

بدوي: شفيق يتقرب للمشير

كتب – أحمد حمدى:

وصف الدكتور ثروت بدوى الفقيه الدستورى، ظهور الفريق أحمد شفيق فى احتفالات تخريج دفعة جديدة من الكلية الجوية بجوار المشير محمد حسين طنطاوى القائد الأعلى للقوات المسلحة بمحاولة دعم شائعات ترشحه لرئاسة الجمهورية.

وأضاف بدوى فى تصريخات لـ"بوابة الوفد" أن شفيق حاول رسم صورة جديدة أمام الشعب توضح قدرته على العمل العام من خلال استناده على قادة الدولة فى هذه المرحلة.

وانتقد بدوى استمرار المجلس العسكرى فى إقامة احتفالات ومراسم بالية ليس لها مثيل فى أى بلد ديمقراطى، فضلا عن عدم وجود سند دستورى أوقانونى لإقامتها قائلا :"المجلس العسكرى يضيع الوقت دون النظر إلى الأعباء الضخمة التى تقع على كاهله".

http://www.alwafd.org/index.php?opti...#axzz1RgV9xwqr

**elbeheri** · 11-07-2011 11:52 AM

مش بارتاح للراجل ده بتاع البنبون

**yahyanaabil** · 11-07-2011 12:00 PM

قبل ما نتكلم ونشوف احمد شفيق ده كويس ولا وحش على اساس الجرايد وبرامج التوك شو نسأل الناس اللى يفهموا فى مجالهم على سبيل المثال ليا واحد صاحبى دفاع جوى قالى انه راجل مش فاهم حاجه ومطارات القاهره فيها عيوب كتير بس احنا بننبهر من الشكل الخارجى للمطار وخلاص عشان الناس اللى فلقانا بانجازاته الرهيبه محسسنى انه عمل مطار هيثرو مثلا

الموضوع: احمد شفيق في حفل تخريج دفعة جديدة من الكلية الجوية

LinkBack

أدوات الموضوع

عرض

-

-

-

-

-

-

المواضيع المتشابهه

100 سنة تخريج اول دفعة من مدرسة كلية رمسيس للبنات (منقول)

«مازدا» تستدعي دفعة جديدة من سياراتها

وصول دفعة سيراتو جديدة

دفعة جديدة للكارينز فى التوكيل

الكلمات الدلالية لهذا الموضوع

المفضلات

المفضلات

ضوابط المشاركة