الموضوع: احمد شفيق في حفل تخريج دفعة جديدة من الكلية الجوية

+1111111
بس برده لازم نراضي " الثوار" ما يصحش ان شفيق اصلا يخرج من بيته مراعاة لمشاعر الثوار و الشهداء كمان
و بعدين ده المفروض يتعدم هو كمان بالمرة...مش موقعة الجمل حصلت في عهده...يتعدم ليه لأ؟ كفاية حكاية البونبوني اللي مزعلة الثوار منه....و نعدم العيسوي كمان....مش عارف نعدم مين تاني بس اللي الثوار شايفينه مدان لازم يتعدم فورا...و اقترح ان في كل محكمة يبقي جنب كل قاضي اتنين من الثوار عشان نضمن تنفيذ مطالب الثورة و المحاكمات تبقي قائمة علي الشرعية الثورية

معلش انت بتقول ايه؟
مش هو كان رئيس وزراء ايام المظاهرات ؟؟؟ كان فين يوم موقعة الجمل و ليه مامرش الجيش و الشرطة بمنع البلطجية و قال ايه طالع يقول مكنتش اعرف اصل فى ناس كلمتنى بليل قالولى انت فين قولتلهم ايه الموضوع !!!!!!!!!!!!! عيب الكلام دا و رئيس الوزراء لحد بليل مكانش عارف ان فى بلطجية فى التحرير

تانى حاجة هو مش قال هيوزع بنبونى؟؟؟ و لا الناس بتفترى عليه

تالت حاجة فين البلاغات اللى متقدمة ضده حصل فيها ايه و مركونة فى انى درج دلوقتى و لا سقطت لما هو اتقتل فى حرب 73؟

رابع حاجة فين قائد القوات الجوية اللى مسك من سنة 2002 لحد النهردة ؟؟؟؟؟؟؟؟؟؟؟؟ مش قاعد ليه جنب وزير الدفاع و رئيس الاركان و ليه شفيق اللى قاعد؟؟

اخر سؤال معلش هو حضرتك من الجماعة بتاعت احنا اسفين يا ريس؟