بسم الله الرحمن الرحيم
اللهم صل على محمد وعلى آله وصحبه أجمعين
افرحوا يا جماعة المهندس رزق من غبور كلمنى بخصوص الشكوى
انا طبعا قولتله ان قطع الغيار غالية جدا
الراجل طلب اننا نروح ونقعد نتكلم معاه،، ايه رايكم؟؟؟
عرض للطباعة
بسم الله الرحمن الرحيم
اللهم صل على محمد وعلى آله وصحبه أجمعين
افرحوا يا جماعة المهندس رزق من غبور كلمنى بخصوص الشكوى
انا طبعا قولتله ان قطع الغيار غالية جدا
الراجل طلب اننا نروح ونقعد نتكلم معاه،، ايه رايكم؟؟؟
والله انا موافق
فى انتظار باقى ردود الاعضاء
انا كمان موافق مقالكش امتى؟؟؟
انا اساسا معبى من الموضوع دة
لا يا أبوحميد مقالش امتى ،،، انا قولتله هاخد راي اصحاب الشكوى ونرجع نكلمك
هو ادانى رقمه لو حد حب انه يكلمه،،، بس انا شايف اننا لازم نروح بنفس العدد اللى راح فى الشكوى يعنى لما يلاقى 10 قدامه وكل واحد بيتكلم من ناحية اكيد هيعمل حساب الحاجات دى
انا اقولك ممكن يعملوا معاكوا ايه
ممكن ياخد ارقام عربيتكوا و ارقام الشاسيه و يعملها نسبة خصم معينه فى كل مرة تيجى فيها التوميل
يعنى يعملكوا نسبه خصم على قطع الغيار و المصنعيات و كده
بس مفتكرش انه ممكن ينزل اسعار قطع الغيار للناس كلها
مهو احنا لازم يبقى كلامنا واحد و نتفق
طيب يا حودة ظبط معاد وقولنا عليه
أولا كل الشكر لكل الزملاء الأفاضل اللي شاركوا وبعتوا الميل وكانوا بيتفاعلوا معانا ، والحمد لله وصلنا لمرحلة كويسة ، بس لازم مانفرطتش فيها ونتقل كده عشان مايضحكش علينا :))
فكرة انه يعرض علينا انه يعمل خصومات لينا ويسيب الناس التانية على نفس حالها ؟ معلش يعني فكروني تاني كده هو كان ايه الهدف من اننا نبعت الميل اصلا ؟؟ :grin54:
أكيد مش الهدف اننا ناخد خصومات وحال العربية يفضل واقف زي ماهو في السوق ، لما تيجي تبيعها تلاقي سعر إعادة البيع ضايـع ، تلاقي محدش عايز يشتريها ، ممكن تاخد خصومات دلوقتي ، وبعد كده في موديلات تانية او كمان سنة او اتنين ترجع نفس مشكلة قطع الغيار تاني ، برضه عندنا شكوى من الإهمال و ردائة المعاملة في مراكز الصيانة ، ليه العربية مش قادرة تنافس وتكتسح السوق وليه مافيش خطة تسويق أفضل من كده ؟ نقطة سعر العربية كمان ، العربية اصلا مبالغ في سعرها مقارنة بالكماليات اللي فيها مع سعر نفس العربية بكماليات اكتر وأعلى في دول تانية ؟ زي ماكنا شفنا العربية بتبقى 2500 سي سي مش 1600 وفيها أنظمة زي DCS و Traction Control و bluetooth , BOSE sound system , GPS, 6 AirBags , heating seats, Adaptive Xenon headlights,
كل ده والعربية بره تمنها يعمل حوالي 25 الف او 26 الف دولار ، وهنا بتتباع من غير الكماليات دي و 1600 سي سي وتمنها 27 الف دولار (162 الف جنيه)؟؟؟؟ مش معقول الجمارك والضرايب تعمل كل ده !! العربية بسعرها ده مع الكماليات اللي فيها هنا في مصر مش بتخلي الناس تبصلها او تقبل عليها
مش عايزنهم يضحكوا علينا ويدونا حاجة "تسكتنا" (مش عايز أقول رشوة :grin54: ) وننسى المشكلة الحقيقة للعربية ، ياريت كلنا نفتكر احنا كنا عايزين نبعت الشكوى ليه من الأساس ،
وزي ماوحدنا كلامنا في الميل اللي اتبعت لليابان ، تعالوا نوحد كلامنا قبل مانروح المقابلة معاهم في غبور، كل واحد يقول مشكلته ، ونرد على بعض ونحط نفسنا مكان غبور لو سمع مننا المشاكل دي ممكن يرد يقول ايه ؟ عشان يبقى النقاش معاهم مثمر، لأن أكيد هايظبطونا وهايكلونا في الكلام ، دي شغلتهم :grin54:
الرسالة الرئيسية : العربية سوقها وااااقف ليه ؟؟ مافيش عليها إقبال من الناس ليه ؟؟ والدليل سعر إعادة البيع المنخفض !! سعر إعادة البيع هو أقوى مؤشر لنجاح خطة تسويق العربية !!! أزاي غبور يكسب ثقة الناس في العربية دي؟؟ ازاي تخليني اشتري مازدا وانا راضي ومش مقلق ؟؟ مش بالكلام الحلو ، لازم يكون بأرقام و حقايق على أرض الواقع.
عايزين حلول تخلي مازدا دي تبقى منتشرة زي السيراتوا كده كل 10 متر تلاقي منها اتنين :grin54: ،
وده مش هايحصل إلا لو الناس وثقت فيها وحست انها تستاهل الفلوس اللي بتدفع فيها ( مش معنى كده ان العربية وحشة) بس عوامل زي عدم ثبات اسعار قطع الغيار والتفاوت الكبير فيها ، سعر إعادة بيع منخفض، خدمة عملاء على مستوى غير محترف كل ده بيقلل من نجاحها، بنفس الأسعار دي ممكن نجيب عربية أحسن ، أو أوحش بس لتوكيل معاملته أفضل و بلاقي معاه راحة بالي !
مشكلة زي مشكلة الانترا بتاعت مهندس ياسر المهدي ، بجد خلتني أقفل من غبور كتوكيل مع اني بعشق المازدا !! لكن لما الاقي مهندسين يلعبوا في العربية ويبهدلوها وهي لسه زيرو كده !!! ماتطلبش مني أثق فيك كتوكيل !
والكلام ده مش كلام ساذج ، ده كلام في صميم صفقة البيع والشرا لأي عربية !!! اي حد فينا لما يسمع ان عربية عليها مشاكل مع انها ممكن تكون كويسة ،أو التوكيل فيه مشاكل ، بيقفل من العربية وبيكون مقلق يشتريها مهما كانت كويسة !
أنا عايز الناس مثلا تمسك كل الشكاوي اللي قلتها دي ، ويحطوا نفسهم مكان غبور ويردوا عليا ويحاولوا يفحموني ( نعمل simulation للمقابلة ) :grin54:
ما هو ده برضه ما ينفعش يا عمرو احنا لازم نعمم الموضوع علشان الكل يستفيد
طبعا لازم يكون كلامنا موحد
المشكلة انى مسافر يوم الخميس وهاجى السبت بليل ان شاء الله
حاول تيجى يا عمرو ده القعدة مش هتبقى حلوة من غيرك
يا جماعة احنا لازم نتفق على كلام واحد والكل يتمسك برأيه،،،، ولازم لم نروح هناك اكيد هنقابل ناس كتير معاهم مازدا نقولهم احنا بنعمل وهنعمل ايه
وكل ما يكون العدد كبير واحنا بنقابل مندوب غبور هيكون أحسن وهيعرف ان الموضوع مش سهل
لو حد قابل حد فى الشارع او وهو بيشترى قطع غيار يقوله ويعرفه ويحاول يخليه يجى المقابلة
على فكرة كمان المهندس رزق وانا بكلمه قولتله على المنتدى وقولتله ان الموضوع ابتدى من هنا من نايل موتورز اللى ليه الفضل بعد المولى عز وجل فى اللى احنا وصلنا ليه لان من غير نايل موتورز عمرنا ما كنا هنتجمع ابدا
والراجل عرض عليا انه يبقى موجود ويكون عضو فى المنتدى علشان يرد على اى اسئلة او شكوى
كمان قالى بخصوص الشكوى : واحد لسه مشترى العربية من 5 أيام ليه عامل شكوى
قولتله تضامناً معانا وحس انه هيقابل مشكلة فى شراء قطع الغيار
طبعا معرفش يرد عليا
انا نفسى اعرف من اللى مشترى العربية من 5 ايام وعمل معانا الشكوى والله راجل 10/10 وكفاءة
تمام انا معاكم و انا اتكلمت معاه اكتر من نص ساعه و هو بيحاول يأكد ان قطع الغيار سعرها نزل و بقيت فى مستوى قطع غيار هيونداى ماتركس و طبعا انا قولتله ليه قطع الغيار ملهاش سعر مواحد و كل واحد ليه سعر و طبعا قالى ان قطع الغيار البره مضروبه وانا قولتله انا هجبلك معايا فلتر هواء و تقولى ده مضروب ولا اصلى ز
وطبعا انا ان شاء الله معاكم فى اى حاجه
بغض النظر عن موضوع اننا نروح غبور طبعا انا نفسى اشوفكم كام
ايهاب حبيب قلبى اللى واحشنى جدا
هيما صديقى العزيز
أحمد بايونير
عمرو
الجزار
مازدا فان
ماندو
أمين سرور
طبعا مع حفظ الالقاب ويارب مش اكون نسيت حد
ايوة كده الواحد ابتدى يحس بالونس فى القسم بدل ما هو كان عامل زى الكهف
انا بداد احس بالانشكاح
كدة القسم بدا يفوق
والفضل بعد ربنا يرجع لحودة البرنس واحشنى والله
عايزين فعلا نركز على الاسعار وتوافر القطع عندهم كمان
وياريت فى اى وقت نحدد المقابلة دى
يا هيما الفضل لله طبعا وبعد كده نايل موتورز وبعد كده محمد اللى كتب الموضوع وبعد كده باقى الاعضاء اللى ساهموا فى كتابة الشكوى واللى اشتركوا بفاعلية فى الموضوع وانا ليا كل الشرف انى اتعرفت على الناس الجميلة دى هنا ويارب تكون معرفة خير يارب
تصدق هيبقى منظر جميل لما 10 اعضاء معاهم 10 عربيات لمازدا وماشين ورا بعض على الطريق والله حاجة تفرح بجد
انا مع الصديق العزيز مازدا فان
اولا ان نأخد خصومات انا بعتبرها رشوه ....................................
اه رشوه عشان نسكت على حق اصحابنا
الشكوى كانت بسبب 1- قطع الغيار
2- الخدمة
3-مبعات السيارة و الغش فيها
4- الاهتمام ب هيونداى عن مازدا و دا المواضيع ال ح نتكلم عليها
و حنمكس المهندس رزق نتكلم معاه بكل احترام و بس انا شايف ان مهندس الصيانه مش هوا اليلبسها لوحد لالالالالالالالا
دا كمان قسم المبيعات و و رئيس مجلس اداره غبور
لازم يعرف هوا كمان
اتقلوا يا بشر احنا هنروح سوا بس لازم نتقابل و نتكلم قبلها ظبطوا بقى و انا معاكم فى اى حاجة
البرنس ماندوا هو اللى شارى العربية جديد و غيظ فى المهندس بقى طلبات ماندو قبلنا كلنا ,امما الاعتصام و التصعيد و قطع ظريق ابو رواش
يالا يرجاله عايزين نتفق على مواضيع مهمه و نجمع اسعار من السوق و خبرات سابقه فى مراكز الخدمه ياعنى الراح غبور يقول ايه الكويس عنده و ايه الوحش علشان يبقى معانا ملف كامل نتكلم عنه
طيب يبقى محور الكلام هيكون بالترتيب كالتالى
1- قطع الغيار ( ودى اللى بيهتم بيها اى عميل فى مصر لو لاقى ان قطع الغيار متوفرة واسعارها مناسبة اكيد العربية هيكون عليها اقبال)
2- الخدمة ( ودى شاملة مصاريف المصنعيات وجودة الخدمة نفسها)
3- مبيعات العربية ( يتهيالى يا محمد هيكون رده ان الموضوع ده خاص بادارة التسويق والبيع)
انا يتهيألى اننا لو ركزنا على اول نقطتين وححقنا فيهم اللى احنا عاوزينه اوتوماتيك هتلاقى النقطة رقم 3 اتظبطت واتعدلت وحدها
100 100
انا هسافر يوم الخميس اللى جاى ده للاسف،،، ومحمد مسافر الاسبوع اللى جاى،،، يبقى انتم تعملوا المقابلة يوم الخميس او الجمعة او السبت اللى جاييت دول موافق 14او 15 او 16 ،،،، لان محمد كان صاحب الموضوع وهو احق واحد انه يحضر المقابلة مع باقى الحبايب
بس تبقوا تحكولى بالتفصيل الممل عملتوا ايه
ماينفعشى يا حودة لازم تيجى يا باشا
1- قطع الغيار انا رأى ان نعمل ذى دراسه او جدول بأسعار قطع الغيار ال موجوده فى فى سمارت و غبور و سونستا و تكون بالكود نمبر بتاع قطع الغيار نفس الصناعة ( اليابان ) و نقارن ما بنهم عشان عمو غبور مايخدناش فى الكلام
2- الخدمة لازم ان يكون كل حاجه مكتوبه فى الورق و مختومه ان ايه ال عملوا فى العربيه انا بالنسبه لى انا ماضى عقد 3 سنين سيرفس مجانى و مابخدش حاجة و لا ورق ولا اعرف ايه ال تم فى العربيه
لازم يعملوا كاميرات نشوف العربية و هيا بيتعمل ليها الصيانة
ساعات العمل بالصيانة لا تتعدى الساعة الواحد ذى توكيل تويتا فى السعودية
3- المبيعات و خدمه ما بعد البيع و الاكسسوارات تكون رخيصه فين الجى بى اس بالنسبه لى الهاى لين البلد مسموح بيها و احنا هنا لا !
- لازم نكون مجمعين كل المعلومات و نواجه عمو غبور عشان ما يثبتناش فى الكلام
ولا ايه رايكوا
و لو الحجات دى جاهزة نروح على طول
انا اتصل بي المهتدس رزق
أنا من اسكندرية بس مش حاقدر اجي
بلغوني بس ايه الأخبار
على بركة الله يا جماعة انا معنديش مشكلة فى نهاية الاسبوع ده
رجال المازدا
والله كلى سعادة بما يحدث الان وبتزيد سعادتى كل ما اقرأ تعليق لحد فيكم وكان نفسى أكون معكم بس للأسف انا من اسكندرية وظروف شغلى .... يعنى المهم ان شاء الله لما تحددوا ميعاد اكيد هنعرف وان شاف ان فكرنا كلنا متقارب ويسير نحو الهدف ان شاء الله
فقط اريد ان اؤكد ان المشكلة ليست مشكلة 10 او 1000 المشكلة مشكلة كل مالكى المازدا 3 واللى هايقابلو مندوب غبور(لهم كل الشكر والتقدير) هايكونوا مندوبين عن كل ملاك المازدا فى مصر لإن مشاكلنا كلنا واحدة
وخدوا بالكم من حاجة مهمة فى ناس كتير من رواد المنتدى المازدوية يدخل يقرأ ولا يشارك وقد يكون وجهة نظره (كبر دماغك) يعنى شبه يأس من سؤ الوضع لكن مع الوضع الحالى اكيد اكيد ناس كتير هتشارك
ولو تطور الوضع مع غبور بشكل سلبى (لا قدر الله) فى المستقبل سهل جدا نجمع اعداد كبيرة مننا انا مستعد أوقف أى مازدا 3 اشوفها فى الشارع وآخد منه البيانات اللى نحتاجها وكل الناس هترحب ده احنا فى مرار ...
المهم ربنا يوفقنا وان شاء الله فى خير كبير لنا
مع عظيم تحياتى لكم احبابى جميعاً .
كلام جميل
رجاء شخصى يا جماعة
ياريت فى نهاية كل يوم السادة الاعضاء يدخلوا يشوفوا ايه اللى حصل فى موضوع الشكوى علشان يبقى الكل عارف ايه اللى حصل ووصلنا لحد ايه ووقفنا لحد فين،،، ولو فى حاجة جديدة ولو صغيرة ياريت نكتبها. يمكن حد من غبور يتصل تانى بأى حد فينا نبقى عارفين كلنا احنا وصلنا ايه ويكون الرد جاهز فى اى وقت ويكون نفس الرد موجود عندنا كلنا.
وشكراً
يا جدعان لازم نتقابل و نتمجلس سوا علشان نتفق و كلامنا يكون واحد و منظم ميكونش شكلنا و حش و اول مرة نشوف بعض هناك!!!!!!!!