الموضوع: ضباط الشرطة يتظاهرون أمام "الداخلية" اعتراضا على قرار "شرف"

المشاركة الأصلية كتبت بواسطة mmamdouh

مسلسل الخروج من خطاء الى خطاء اكبر... (مع مراعاه التجديد على راى النيابة)

عدم ايقاف الضباط المتهمين خطاء... مينفعش ابقى متهم و بمارس وظيفتى عادى و استغل منصبى الوظيفى فى تضليل العدالة او تعطيلها او ترتيب اوراقى... صحيح مش كل متهم مذنب... لكن للضرورة احكام عشان تحقيق العدالة

اقالة الضباط خطاء اكبر... لان المتهم برىء حتى تثبت ادانتة... و اللى حيطلع برىء من المحاكمة (و لازم نتقبل ان فيه ناس حتطلع براءة) حيكون بالفعل مظلوم لانة اتفصل بدون ذنب

فى انتظار الخطاء التالى.....

Mmamdouh

+111111111111111
طبعا النقاش الداير محترم جدا واتمنى انو يبقى موسع على نطاق مصر كلها ويكون بالصوره دى بالرغم من البعض بيتصيد للأخرين الكلام ولكن دعونى اقول لكم
خلاف وجهات النظر بيننا من الطبيعى جدا وذلك لأختلاف الأجيال
فالوتم حصر للشباب المؤيد لما يفعله الثوار سنجدهم فى شريحه عمريه تتراوح من 20 ال 30 سنه
وان البعض الأخر من مؤيدين الأستقرار وعدم القيام بمظاهرات للتعبير واعتصامات فى شريحه عمريه تتراوح من 30 الى 40
وذلك يوضح فرق الأختلاف الفكرى والعمرى وماتربى عليه كل جيل فا مع احترامى للجيل السابق تعود على السير بجوار الحيط والتخوف من المجهول وعدم حب المخاطره عكس شباب الجيل التالى الذى يتلذذ بالمخاطرات والصعوبات ولا يجد حرج فى البوح بما يدور فى عقله وذهنه دون اى مبررات
وانادى كلا من الجيلين الأجتماع والتوافق لكى نصل لبر الأمان وعشان دا يحصل لازم يبقى فى شفافيه واحترام كل طرف للأخر والحوار بدون تعصب وعدم الأصرار على الرأى وتقبل الرأى الأخر والا خسرنا جميعا ما نحن فيه فا الجيل الأكبر سنا يعتقد ان هؤلأ مجموعه من الشباب المنقادين وراء بعض الأشخاص ذو المصالح الخاصه (ولا أنكر ان هناك فئه من هذا النوع ولكن ) ليس كل الشباب هكذا فهناك شباب كثيرون لهم رؤيتهم وفكرهم ومثقفين لأبعد الحدود وقادرين على التحكم والقياده ولكن ما يقوم به الجيل الاكبر بالبلدى كدا (شوية المفاعيص دول هيمشونا زى ما هما عايزين ) وهى دى ملخص المشكله العامه فى مصر وعلى فكره كلامى مش موجه للناس هنا بس لأ كلامى موجه لكل الناس للأعضاء وغير الأعضاء ولكل عضو جديد هيدخل ولكل واحد عايش معنا فى مصر
مشكلتنا ان كل واحد فينا معتقد ان هو وجماعته هو اللى صح ومشكلتنا عدم التواصل والعمل على سد الفجوه بين الأجيال حماس الشباب مطلوب وتعقل الكبار مطلوب ولو أجتمع كلا منهم سوف نصل لنتيجه لما لا نبدأ نحن بهذا ونحاول نشر هذا الفكر بيننا ونتفق على ان يكون هدفنا الأول مصر
ونقصى كل منا عقله الباطن الذى يدفعه دائما بأن الأصغر منه لا يصلح للقياده
ليه مانعترفش ان عشان يبقى فى امان يبقى لازم يبقى فيه عدل
ليه منعترفش ان عشان يبقى فى استقرار لازم يبقى فى شفافيه ووضوح
ليه مصرين على التعتيم ومياعه الأمور
ليه مصرين على نهج هو كدا وأذا كان عاجبكم
ليه مصر ين على لغة الأجندات ومبدأ التخوين وسياسات القطيع
ليه منقعدش على طاوله واحده ونوحد أفكارنا ونربطها ببعضها
اقسم بالله لو تم هذا بنسبه 70% من شرحه المجتمع لسيرتفع شان مصر وشعبها فى اقل فتره زمنيه
ولكى يسود لابد من الأستماع جيدا للصغار لأنهم معروف عنهم الأصرار والعند ورغبة ايصال الفكر والصوت ولو التفتنا اليهم سنقطع الطريق على من يستغلونهم لتحقيق مصالح شخصيه واجندات خاصه
ولكن سياسه الأقصاء وعدم الوضوح والمماطله واسلوب لو الذراع والفر والكر لن يصل بنا لنتيجه مرضيه فا كما مطلوب من الصغار الأستماع للكبار وأرأهم مطلوب من الكبار الأستماع واخذ الفكار وتطويرها وتنميتها فى ارض الواقع ولكن
ما أراه ان كل من يتولى السلطه فى بلدنا هذا تتحول أذنه لودن من طين وودن من عجين وتأخذه العزه ويعتقد بأن بأصغأه للصغار سيجعله مسخه الجميع افيقو جميعا قبل ان تضيع مصر
واعذرونى ان كان كلامى غير مرتب او منمق اوموضح فى صورة نقاط لأنى اكتب عن ما اشعر به من مشكله موجوده من قديم الأزل وهى سبب ما نحنه فيه وسنظل فيه ان لم نتدارك الخطاء ونعود الى رشدنا
تحياتى للجميع
أخوكم / محمد مصطفى

المشاركة الأصلية كتبت بواسطة nevozaky

بارك الله فيك .اؤيد حضرتك فى الراْى مع الاختلاف البسيط فى بعض النقاط.

وفيكى يافندم واحب اقولك ان الختلاف هو بداية النجاح فى ظل النقاش المحترم وأبدا الأرأ والأفكار
وتنميتها للوصول للهدف الأسمى وهو مصلحة الجميع والتوافق

بصى يافندم كل واحد مننا بيجي عليه وقت مابيسمعش غير نفسه لكن ممكن بعد فتره تلاقيه حاسب نفسه ووصل لأن نهجه مكنش مظبوط ويحاول يرجع للطريق السليم ودا اللى بتمناه من ربنا ان الكل يراجع نفسه ويقعد يتكلم مع نفسه بالعقل ويرتب افكاره وطريقته فى تقبل الرأى والرأى الأخر وحتى ان لم تتفق الأراء لا ندخل فى سكه الفرقه ومعادة بعضنا لبعض والأصرار على المهاجمه ومحاوله أظهار كل طرف لأن رأيه هو الصواب وانا اولكم