سياسيون: البرادعي وحمزة تدفع لصدام دموي بين الشعب والجيش

**hobiko** · 11-07-2011 10:28 AM

المشاركة الأصلية كتبت بواسطة enas75

............
النقد نقد حتي لو اي كلام .....لو متردش عليه حيثبت في دماغ الناس .......وبعدها مهما تمت محاولات لرد هذا النقد حتكون متاخره
انا بعد ما كنت بفكر فيه علي اساس انه افضل الوحشين ...كل يوم اجد منه ومن مؤيديه نوع من التعالي علي اي نقد من الاخريين....وفي بعض الاحيان سخريه غير مفهومه....والادهي ان اللي هما بيعملوه من رفض النقد من مبدا( ده شغل مجانين) بيطلبوه من الاطراف الاخري السياسيه ولازم يقدمولهم تفصيل واعتذارات وهما من حقهم ينقدو الاطراف الاخري بدون ان يكون لهم حق الرد...وده حيسحب من رصيده لدي الكثيرين
دي فئه من الشعب المصري اذا كان البرادعي شايف نفسه اكبر منهم ..وافضل...اذا هو لا يستحق ان يحكم هذه البلد ...لو من اولها حيتعامل بمبدا ولا حعبركم....تقدر تقولي يفرق ايه ساعتها عن النظام السابق بتاع(خليهم يتسلو)
...................
لكن لو كنت مش عارف ترد علي النقد ده وضع تاني......

أى نوع من أنواع النقد ؟؟؟؟؟ النقد القائم على مهاجمة البيوت و الأسر و الأعراض و الدين و العلاقة بين العبد و ربه ...... ولا النقد القائم على اتهامات العمالة و الخيانة و العلاقات المشبوهة بالخارج ..... ولا النقد القائم على تلبيس الراجل اى مصيبة و السلام ...... ولا النقد القائم على جريدة اشتهرت دائما و أبدا بالكذب و التضلبل

يا سيدتى الفاضلة .......

لو كل كلب عوى ألقمته حجرا ...... لصار الحجر مثقال بدينار

المشاركة الأصلية كتبت بواسطة otefa

أسمحلي هو مين ألي ماشي ومعارض شرس للديمقراطية ؟
مش هو والشلة ألي معاه
أتفضل أعمل الموضوع عن أي مرشح ترى حوله شبهات ياما أتكتبت مواضيع عن مرشحين أسلاميين وأتناقشنا بمنطق فيها وبدون أسلوب تهكم من مؤيديهم
أنما البرادعي مؤيديه لم يستطيعو الى الأن في أي موضوع ذكر لما يؤيدونه أكثر من عواطف جياشة تجاهه
ده غير البرادعي بيتدخل في ما لايعنيه ويتجاوز أنه مرشح للرئاسة ده عايز يمشي نظام البلد على مزاجه وبدون أي صفة رسمية
مرة مجلس رئاسي
مرة وثيقة فوق دستورية وووووو

الغريب جدا ..... انك دائما ما تهاجم كل التيارات و كل الناس ..... ما عدا التيار الدينى بالطبع ....... و تنسى او تتناسى ما يقوم به تيار الأسلام السياسى

أذا كان البرادعى مش من حق يعمل و ثيقة فوق دستورية ...... طب ليه من حق الأخوان يدعوا الأحزاب العلمانية و اليبرالية الملحدة الشريرة ...... عشان بتفقوا على مبادىء الدستور ؟؟؟؟؟؟

و ليه الأخوان بيتحالفوا برضه تانى تحالف انتخابى مع الأحزاب الليبرالية العلمانية الملحدة الشريرة ؟؟؟؟؟؟

ما تبص لتيارك الأول بعد كده ..... علق على بقية الناس

البرادعى لما قال مجلس رئاسى ...... كان أول واحد عرف ان المجلس العسكرى ده ما فيش منه امل

البرادعى لم يخالف الديموقراطية أبدا ...... و لكن أى حد بيكرهه بيقى عايز يهاجم و خلاص

زى الفيديو اللى حضرتك كنت حطه و سألتك كذه مرة انت مقتنع بيه فعلا و لا لأ عشان أرد على الفيديو

بس حضرتك تهربت من الأجابة ....... فا ماتتهمش أنصار البرادعى بأنهم هما اللى بيهربوا

**A.Saad** · 11-07-2011 10:41 AM

أى نوع من أنواع النقد ؟؟؟؟؟ النقد القائم على مهاجمة البيوت و الأسر و الأعراض و الدين و العلاقة بين العبد و ربه ...... ولا النقد القائم على اتهامات العمالة و الخيانة و العلاقات المشبوهة بالخارج ..... ولا النقد القائم على تلبيس الراجل اى مصيبة و السلام ...... ولا النقد القائم على جريدة اشتهرت دائما و أبدا بالكذب و التضلبل

تصرفاته فى اسرته هتكون نفس تصرفاته فى الشعب
علاقته بالخالق دى حاجة بينه وبين ربنا
لكن بتبين ضميره ورقابته على ذاته فى غياب اى رقيب بشرى
اتهامات العمالة للخارج برده هتبين حرصه على وطنه ولا حرصه على كرسيه
ولو مش مهمة يبقى علاقة مبارك باسرائيل وامريكا وتضحياته علشانهم متهمناش وعلى ما اذكر انه كان بيضحى بشعبه مش بحد تانى
يعنى مش عايزين نفضل الاضحية

**TFSI** · 11-07-2011 11:29 AM

المشاركة الأصلية كتبت بواسطة a.saad

تصرفاته فى اسرته هتكون نفس تصرفاته فى الشعب
علاقته بالخالق دى حاجة بينه وبين ربنا
لكن بتبين ضميره ورقابته على ذاته فى غياب اى رقيب بشرى
اتهامات العمالة للخارج برده هتبين حرصه على وطنه ولا حرصه على كرسيه
ولو مش مهمة يبقى علاقة مبارك باسرائيل وامريكا وتضحياته علشانهم متهمناش وعلى ما اذكر انه كان بيضحى بشعبه مش بحد تانى
يعنى مش عايزين نفضل الاضحية

ذ

و الله حاجة جميلة جداً إن الناس اللى عندها ضمير هى المتدينة فقط طيب ما تشوفوا حكومات أوروبا وأمريكا الملحدة وشوفوا الناس بتاخد حقوقها إزاى اللى عاش هناك يعرف كويس أنا بأتكلم عن إيه والحاكم مش محتاج جلابية ونقاب عشان يبقى بيتقى ربنا . والله الواحد إتفقع من النوعية ديه من الكلام وسيبكم ممن المظاهر الخادعة ديه . على فكرة أنا مسلم وملتزم دينياً لكن ما بحبش الكلام اللى ما لوش أى أساس

**A.Saad** · 11-07-2011 11:32 AM

المشاركة الأصلية كتبت بواسطة tfsi

ذ

و الله حاجة جميلة جداً إن الناس اللى عندها ضمير هى المتدينة فقط طيب ما تشوفوا حكومات أوروبا وأمريكا الملحدة وشوفوا الناس بتاخد حقوقها إزاى اللى عاش هناك يعرف كويس أنا بأتكلم عن إيه والحاكم مش محتاج جلابية ونقاب عشان يبقى بيتقى ربنا . والله الواحد إتفقع من النوعية ديه من الكلام وسيبكم ممن المظاهر الخادعة ديه . على فكرة أنا مسلم وملتزم دينياً لكن ما بحبش الكلام اللى ما لوش أى أساس

المتدين مش شرط يلبس جلابية قصيرة ويربى دقنه
المتدين هو من التزم بما احله الله وحرمه وبس
بغض النظر عن انه لابس ايه
يؤدى الفروض ويعامل الناس كما امره الرب
ممكن جدا تاجر يصلى ويصوم ويحج لكن غشاش
ممكن موظف كل صلاة فى المسجد لكن مرتشى
ده مش متدين

**TFSI** · 11-07-2011 11:42 AM

نيجى بقى لوجهة النظر السياسية طيب ما كل الأطياف إديت فرصة للجيش 5 شهور عملوا إية ولا حاجة :

أمن ما فيش .

قتلة الشهداء براءة (ما شاء الله على العدل)

وزراء فاسدين (براءة)

رئيس مخلوع قاعد فى الأمان و البييس وما فيش حاجة إتحركت ضده

العادلى بييس برده .

95% من وزراء الحزب الوثنى

فلوس ما فيش ومش هاترجع .

طيب فىن اللى إتعمل كلها حاجات سلبية يبقى مين اللى بيولع فى البلد ولمصلحة مين

السياريو كبير بس ربنا معانا النظام لسه ما وقعش وقدامنا 5 سنسن على الأق عشان ننضف اللى فاضل دى ثورة مش شوية إعتصامات وإحتجاجات .

**TFSI** · 11-07-2011 11:45 AM

المشاركة الأصلية كتبت بواسطة otefa

أسمحلي خدعونا فقالو ما أحلاها الحياة الغربية هي النموذج السوبر ألي مافيش بعده ويحتذى بيه
http://www.nilemotors.net/nile/232038-a.html

إسمحلى أنا

أولاً مال موضوع السفيرة عزيزة بالكلام اللى أنا بأقولة

ثانياً مال أصلاً النموذج الغربى بالكلام اللى أنا بقولة . هو أى تعويم للمواضيع وخلاص

**ahmed2y** · 11-07-2011 12:30 PM

المشاركة الأصلية كتبت بواسطة otefa

أسمحلي خدعونا فقالو ما أحلاها الحياة الغربية هي النموذج السوبر ألي مافيش بعده ويحتذى بيه
http://www.nilemotors.net/nile/232038-a.html

ايوة اية دخل موضوع السفيرة فى الحضارة الغربية

انتو بتتريقو على اية ولا بتنقدو اية الحضارة الى حضرتك بتقول عنها انها مش عجباك دى هى العملت الجهاز الى حضرتك قاعد عالية دالوقتى وبتتكلم من خلالة وللاسف كل الاسف فعلا كان نفسنا يكون اختراع اسلامى عربى ولكن للاسف