الموضوع: عاوز الحل بسرعة جزاكم الله خيرا

السلام عليكم

عندى مشكلة انا لسة متعلم السواقة عن قريب واشتريت عربية سيات 124 موديل 77

والمشكلة ان العربية عصايا الفتيس بتاعتها تقيلة فى الغيارات دائما عاوزة قوة فى التعامل معها ولما بدى الغيار الثالت وبهدى وعاوز ارجع للتانى الاقية بيعاكس معاية وساعات يشتغل ويدى التانى بس باسمع صوت عالى فيه وكأنه بيرعش دية اول مشكلة

المشكلة التانية انى بسمع كل شوية بس مش دائما خاصة مع النقل بين الغيارات زى صوت كأن حد بيخبط على حلة ( زى طقطقة ) بسمعها من تحت ساعات عند النقل بين الغيارات وساعات بسمع الصوت ده لما بهدى بالفرامل بس مع المطبات او بهدى بالفرامل جامد وادى الأول مع المطبات بس مش عارف منين وناس تقولى من الشكمان فيه خرم وناس تقولى من الكردان عاوز زور


المشكلة التالتة انى بلاقى الماكينة بتاخد وبتدى ( تعلى وتوطى ) تحت رجلى من عند البزين فيها زى تنتيشة كده

المشكلة الرابعة انى الرداتير بتاع العربية كل اما بفتح الغطاء بتاعه بلاقى الماية اللى خارجة منه فيها زى ما يكون تراب وبعد ثوانى بتنظف وتخرج ماية نظيفة بس المشكلة دية على طول كل ما بفتح الغطاء بلاقيها مع انى بدى ماية نظيفة للعوامة اللى بتدى للرداتير



المشكلة الأخيرة انى جيت ادور العربية الصبح بعد ما سبتها 3 ايام مركونة مع انى مغير المبينة علقت شوية ومادارتش فى الأول وبعدين دارت بس لقيت لمبة الدينامو اللى هى بيبقى عليها رسمة زى شكل حجارة قلم لقيتها كل شوية بتضيىء وتطفى مش على طول بس كل مثلا ربع ساعة او نصف


ارجوا اعطائى تفاصيل الحل بالتفصيل التام لإنى مبتدأ فى السواقة وعاوز اعرف ايه اللى فى عربيتى بالضبط علشان لما اروح للميكانيكى ميشتغلنيش