بـس للتوضيح عفشه 2010 مختلفه عباره عن ملتي لينك 2011 torsion beam
عرض للطباعة
الف مبروووووووووووووك ياباشا وربنا يديك خيرها ويكفيك شرها وماشاء الله العربية جمييلة
وانا حاسس ان الالنترا الجديدة العربيات اللى في الاول دي زي بتاعتك هتبقى جميلة
وبعد كده غبور هيبدا يعك
انا جايب فيرنا موديل 2004 من سنة 2004 واحنا في السعودية
للعلم اسمها اكسنت هناك وماشاء الله الى الان بعمل بس صيانة ليها والسيور والحاجات دي فقط
ومقلتش لا وسافرت بيها فكل الاماكن بس بعد كده عرفت ان فيرنا دلوقتي غير اول انتاج 2004 وكده
فربنا يديك خيرها ويكفيك شرها ان شاء الله
في البدايه احب اقولك اخي العزيز
الف الف مبروك عليك العربيه وربنا يديك خيرها يارب ويكفيك شرها يارب ويحفظهالك ويحميهالك من العين
ثانيا احب اقول للناس الي بتقول كوري وهندي وتايواني الناس دي مجربوش وميعرفوش وبيهاجموا وبس وانهم متعودين ع الياباني والكلام القديم بتاع زمان ده ومش هدخل ف النقطه دي علشان ميبنش علياه اني بهاجم او بدافع عن عربيتي الي انا راكبها الي هي كوري برده
علي النقيض تماما احب اقولك اخي العزيز المالك الجديد للعربيه الاكتر من رائعه هيونداي النترا 2012
انا لو ادفعلي فلوس اركب اغلي عربيه فالعالم حتي لو الماني ومفيهاش abs في ظروف طرقنا وسواقينا العسل اللوز الي في بلدنا الحبيبه انا اقولك بكل صراحه واصرار وعدم تردد ولو للحظه انا مركبهاش وارجوك متعتبرش ان كلامي نقض لمجرد النقض او لاني معايا اختها وبدافع عنها او الكلام ده
شوف الفيديو ده وكبر دماغك من اللغه بس شوفه من اوله لاخرة
‪Freios ABS - teste Bosch‬‏ - YouTube
وبعد ما تشوف الفيديو تعالا بقا هحكيلك موقفين مماثلين بالظبط بين عربيني الكيا الي فيها abs و عربيه اخويا ال شيفروليه الافيو الي مفيهاش abs وياريت محدش يقولي بتقارن ايه بايه انا بقارن بالتقنيه نفسها
كنت راكب جمب اخويا وقبل ما يقرب مطب 5 عربيات ورا بعض واحنا العربيه قبل الاخيرة خدت بالي من البهايم الي بتفرمل بغباء قدام قلت لاخويا حاسب قام وقف ع الفرامل ولما حس انها خلاص كسر الديروكسيون بحركه عفويه جدا لم تستجب معاه انها تتحرك علشان طبعا مفيش abs ولما ملقاش استجابه ولانه سواق قديم وخبرته عاليه شال رجله من علي الفرامل علشان تبدا تستجيب وتتحرك بعيد
طبعا ده ابسط مثل لاهميه عوامل الامان الي هي المفروض في بلدنا العزيز تبقا اساسيات مش مجرد كماليات وحاجات بلعب فيها علشان اعلي هامش الربح بتاعي انا ك تاجر او ك توكيل او ك موزع واجازف بارواع اهلنا الي مننا ف بلدنا الجميل واكاد اجزم ان لولا ستر ربنا وتمرس اخي في السواقه كان زماننا مدعوكين وسوري ف الفظ لو يضايق كان زمانا خبطنا ف النص نقل الي قدامنا والسيدان الي ورانا خبطت فينا كمان خساير بالجمله
موقف اخر حصل لي انا بعربيتي بقا علي طريق المنصورة المحله للي يعرفه علي اول كوبري الجامعه العلوي وانت رايح المحله تريلا علي يميني وانا بجري من علي شماله وبعديه فجاه البيه الي المفروض انه سايق تريبا وعارف ان ف تقاطع زي ده بتخرج عربيات من المخرج وتدخل طلعه الكوبري ف الطبيعي انه يمسك شمال مش يمين المهم لقيت المعلم جه علياه جامد جدا جدا جدا مع اني مكلكسله ومرعشله ومعرفه اني داخل والله كان هيركب فوقي وكان زماني مفعوص العربيه بتاعته المقطوة لعبت يمين وشمال والله انا اتشاهدت وقتها ولولا الفرامل ال abs
الي خلتني اقدر اتحكم ف اني ابعد عنه شويه بشويه وقوة الفرامل وعدم انها زحفت كان زماني في عداد المتوفين
في النهايه احب اكون وصلت وجهه نظري ومتكونش وصلتلك رساله اني بنقدك نقد هدام او كده لان والله انا نفسي نتكاتف كلنا ونقدر نوصل لحل مع اي جهه ان الكماليات دي تبقي اساس لاننا مع كل مرة بنركب العربيات الي مفيهاش العوامل دي بنخاطر بحياتنا وحيات اهالينا الي بيكربوا معانا
وربنا يباركلك فيها يااااارب ويديك خيرها ويكفيك شرها
واحب افكر كل الي هيقرا مشاركتي دي اني راكب كوريي ومش بهاجمه علشان حاجه السيراتو والالنترا اخوات ف الرضاعه اساسا
بجد كلام موزون جداً
وانا رحت اتفرجت عليها امس فى معرض
للحق ان الخامات كصاج بقت افضل بكتير عن قبل كده
لكن فى الداخل الخامات تقريباً واحده او اتحسن بسيط
لكن مشكلة الهيونداى والكورى انه بينزل عشر فئات لكل عربية
ازاى وبأى عقل اشترى عربية ب 130 الف جنيه وما فيهاش فرامل abs ولا ايرباج واحد
ازاى ؟
انا علطول بركب فرنساوى
بجد ناس محترمة بس احنا اللى مش فاهمينها او واخدين فكرة عنهم سيئة
الناس بتنزل عربية واحده تقريباً
فيها كل حاجه
ولا يقولك مانيوال ولا بدون جنوط ولا بدون مش عارف ايه
العربية بتنزل فيها كل شئ تتخيله
وان كان سعر اعادة بيعهم سيئ ولكن برضه الكورى لما ينزل عشر فئات
واجى انا ابيع عربيى الأعلى فئة
عند البيع فى المستعمل محدش بيسال ولا بيهم حاجه
ممكن بس تتباع بسرعه لكن السعر تقريباً بيبقى واحد لكل الفئات
يبقى اللى خسر أكثر اللى جاب فئة أعلى والعكس صحيح
وكفاية انك تبقى راكب عربية ب 150 الف جنيه
وفى واحدة زيها ماشية جنبك بالظبط ب 120 الف
ده حاجه بتضايقنى جداً
انا شايف ان غبور بيشتغل على اننا شعب بنشترى وخلاص المهم الشكل وخلاص
لكن العيب مش فيه
العيب فينا اللى بنجرى نشترى جرى