الموضوع: تكييف الشاهين ماله وما عليه

السلام عليكم ورحمة الله وبركاته
دى تجربتى مع تكييف الشاهين
انا معايا شاهين 2004 كربراتير موتور 1400 سى سى
التكييف كنت مركبه من حوالى 4 سنوات ب 2700 جنيه بالظبط نوعه ساندن يابانى
اول ماركبته كان 100100 يمكن علشان مكنتش متعود عليه
بعد كده العربيه كانت بتسخن لما اشغله وبالذات فى الطرق السريعه
بعد كده بقت بتسخن وهى فى الزحمه
سلكت الردياتير وغيرت المياه والحمد لله السخونه فى الزحمه راحت
بقى فاضل مشكله السخونه فى الطرق السريعه
غيرت مروحه الردياتير بمروحه ردياتير تمبرا لان تبريدها افضل بكتير من بتاعه الشاهين الاصلى
والحمد لله المشكله بتاعه السخونه فى الطرق السريعه راحت
ملحوظه :انا شايل ترموستات الكوعه من زمان ومركب ترموستات الحراره الاصلى بتاعه العربيه(الترموستات العاليه)
بالنسبه لكفاءة التكييف بقى
بصراحه اديله على الاقل 75%
بس بيأثر على سحب العربيه وبيكون ملحوظ لو العربيه فيها ناس كتير (4 او 5 اشخاص)
غير كده بصراحه انا معجب بأداءه اوى الحمد لله
طبعا بيزود استهلاك البنزين
بس لو فى اى استفسار انا فى الخدمه


م/ محمد مصطفى