الحمد لله على كل شئ !! انا قبل ما اتكلم واقول اي حاجة انا بس كنت عايز اشكر الأعضاء كلها اللي اتصلت بيا عشان تطمأن عليا ولكن الحمد لله مش انا اللي عملت الحادثة العربية كانت مع اهلي وهمة واقفين في الإشارة سواق تاكسي كاسر الإشارة في ميدان الجامع راح خابط العربية بالباين عندوا في وش العربية عندنا !! ولكن اللحمد لله الفوانيس خرجت سليمة !! والكبوت اتلوح سنة والرفارف سليمة ولكن الإكصدام هوا اللي اتبهدل بصراحة والشبكة كمان !! الحادثة حصلت يوم الخميس ..
كلمت السمكري ( صاحبة العربية هيا اللي اصرت على السمكري ده ) مش عارف ليه بصراحة مع اني حاسس انه غالي جدا جدا جدا !! بس الحق يقال العربية رجعت احسن من قبل الحبطة كمان !!!
هوا تم تغير الشبكة بـ واحدة بـ 350 جنيه من الحرفين انا معرفش سعرها الأصلي يبقى كام ولكن انا كنت مستعجل فجبت اي حاجة اللي لقيتها قدامي يعني بصراحة ملفيتش كتير ولكن الإكصدام السمكري اصر انه يترش وانه حرام اجيب اكصدام جديد ( معرفش تمن الجديد بكام ) وفيه كام حتة صغيرة مرمرة في الكبوت اتعملوا بس رفض انه يرش الكبوت وقالي حرام ترش كبوت عشان الحتة الصغيرة دي !! وللأسف انا معرفتش الصور العربية قبل ما اوديهالوا عشان تحكموا ولكن الصور دي بعد العربية ما خرجت من عنده ولكم الحكم !!
اذا فالموضوع كان قايل نايم كله على بعضه انا اديت السمكري 1200 جنيه عمل هوة كل حاجة !! مش عارف هل الثمن مبالغ فيه ولا الثمن كويس !! ولكن انا بقول والله !! انا كلمته جه خدها من تحت البيت وقعدت عنده خميس وجمعة وسبت وجبهالي النهاردة الصبح على الركوب يعني انا ولا شوفت ولا عملت وهوا قام بالفلم كله .. منتظر رأي حضراتكم ...


بس الصورة دي للأسف حرف الكبوت كان معووج فيها زي ما انتوا جييفين ولكن الكاميرا الريزوليوشن بتاعت الموبايل صعيفة جدا وعايزة حد يكون دقيق عشان يبقى واخد باله من اللي فيها ..




هنا بقى لما الكبوت اترحل من الخبطة بتاع نصف سم حك في الرفرف وتنى الشفة بتاعته ولكن برضه اترممت ومترشتش !!



والله لو عايزين رأيي انا لو كانت دي عربيتي كنت ها ارش اي حتة فيها محتاجة مرمرة ملعون ابو سعر اعادة البيع انا راكب عربية اتهنى وانبسط بيها مش اخاف منها لما اجي ابيعها !! وكنت ها ارش الحتة دي من الرفرف والكبوت ومش فارق معايا سعر اعادة بيع !!! لأنه حرام اركب عربية كلها مرمات وخبطات لمجرد كلمة لما اجي ابيعها !!