محتاج نصيحة اخ

**cupooo** · 12-07-2011 01:35 AM

محتاج نصيحة علشان تايه في حوار العربية
بعد تفكير عميق اجيب ايه قررت اني ادور على هيونداي coupe
بس انا محتاج اي حد يعرف عنها حاجة يفدني
يعني قطع غيار عفشة ماتور ..... الخ :]

و شكراااااا

**HOSSAM99** · 12-07-2011 02:42 AM

معظم قطع غيارها عفشه و موتور مشتركه مع موديلات هيونداي التانيه
المشكله في قطع غيار البودي و الصالون (و دي مش مؤثره)

**cupooo** · 12-07-2011 03:01 AM

يعني في محلات بتبيع قطع الغيار الخارجية و هي اسعار القطع دي غالية ولا عادية ؟؟؟؟

**HOSSAM99** · 12-07-2011 03:51 AM

من كلام ملاك العربيه إن قطع غيارها الخارجيه (بودي و صالون) نادره نسبيا .. لكن ممكن تتوفر في التوكيل
و طبعا غاليه بالنسبه للهيونداي و يا ريت كنت أعرف أسعار كنت أفدت حضرتك

**masterzmind** · 12-07-2011 05:44 AM

مبرووووووووووووووووك يا باشا وربنا يكفيك شرها يا رب ويديك خرها .......... هوة الفتيس 6 سرعات ولا 4 وشكراااااااااا

**حماده المصري** · 12-07-2011 07:49 AM

الكوبيه انضف عربيات هيونداي في السوق

قطع غيارهابالنسبه للموديل الي بعد 2007 نادره نسبيا وغاليه اوي طالما توكيل

بس في اكيد ناس شغالين في الكوبيه بس هتلاقيهم قليليين انا رايي اسال على قطع غيارها الاول التجار في شارع دمشق او التوفيقييه واطمن واشتري علطول

**cupooo** · 12-07-2011 02:46 PM

شكرااااااااااااااااا :]
بس المشكلة ان كل الي بيتباع بيكون ماشي في حدود 70000 يعني اغير حجات فيها و انا بدور على موديل 2005 عشان في حدوود امكانياتي و هنزل اسأل بردو بس لو حاد معاه وحده يا رييت يفدنا اكتر ....

**حماده المصري** · 12-07-2011 03:38 PM

لو قصدك على الكيلوهات 70 الف كيلو مش مشكله اهم حاجه السيور والبلي بتاع السيور

فيه سير كاتينه وبليتين ليه وسير دينامو وليه بليه ممكن متتغيرش وسير تكييف وبليه شداد تكييف وسير باور

هي دي اهم حاجات المفروض تكون بتتغير على 60 الف ف ممكن تلاقي صاحب العربيه غيرهم وممكن يكونوا مش متغيرين تعمل حسابك تغيرهم وبرضو على حسب حاله السيور ممكن مش كلها يتغير بس اهم حاجه سير الكاتينه والبلي بتاعه وبعده سير الدينامو سير الباور لو تعبان هتلاقيه بيصفر لما تلف الدركسيون

غير كده العفشه بتتجرب لو كويسه يبقى تمام

وعموما 70 الف كيلو مش كتير في المشي خالص

**cupooo** · 12-07-2011 04:26 PM

شكراا لييك
الفكرة اني عاوز عربية متعبش فيها اول لما اجبها يعني اعيش بيها سنة من غير مرووح لميكانيكي و كدة
و ياريت لو حضرتك تعرف اسعار السيور دي كام تفدني بيها

**حماده المصري** · 12-07-2011 09:17 PM

على حسب المكان الي هتشتري منه بس ممكن كل دول يتجابو ب 500 جنيه على ما اعتقد

وزي ما وضحت لحضرتك كل 60 الف كيلو السيور بتتغير ف احتمال كبير تكون السيور متغيره لو جبت عربيه ماشيه فوق 60الف وبالتالي مش هتحتاج تغير حاجه

وباقي العفشه بتبقى على التجربه غير كده مفيش اي حاجه تانيه ممكن تتصرف على العربيه اليوزد بس تشوف حاله الكاوتش