عايز احط كاربون فايبر ساعدوني ياناس

**cogy** · 12-07-2011 10:48 AM

بقالي فترة بشوف الكاربون فيبر دا علي العربيات بتجنن عاجبني جدا

بس انا عندي عربية متواضعة 125 لونها برتقالي بس العربية ماشية ميت فل وعشرة مع ان الناس مكرهاني في شكلها بس عايز اغير شكلها علي قد ماقدر وموضوع الرش وتغيير اللون مشكلة فرن وهتصرف كتير وانا علي قد الحال

فكرت احط كاربون فايبر علي الكبوت والشنطة والسقف اية رايكم وتكلفتوة هتبقي كام خامة كويسة كدا ولون كويس يمشي علي البرتقاني

ياريت تساعدوني والي عملوة يقولي علي مشاكلوة او عيبوة

وتكلفتة هتبقي كام ويتعمل فين ومحدش يقولي المرور بقي هحاول احط لون مع البرتقاني

**hko** · 12-07-2011 02:43 PM

فكك من كلام الناس العربية ال125 عربية جميلة مع اللي يحافظ عليها بص ياباشا اعمل السقف والكبوت والشنطة كاربون لزق مش فايبر عشان الفايبر غالي واللزق بيبقي شبة الفايبر بالظبط و النضيف بيكون اسمة كاربون 3d والشغل دة هيكلفك حوالي 300جنية
بس المرور هيدايقك ونصيحة مني بدل ماتدفع 300جنية وتتمسك في لجنة ويشلوهولك وتبقي رميت 300 جنية في الارض استني لحد قبل الفحص بتاعك واعملة وروح المرور واثبتة في الرخصة وفيم بالمرة واثبتة بردة في الرخصة وكدة لعربية شكلها بقي مية مية ولما ربنا يرزق تروح ترش العربية بصلي وهايبقا في الرخصة برتقاني عادي وتجنط جنط 15 حلو كدة العربية بقي ملهاش حل

**cogy** · 12-07-2011 10:40 PM

شكرا يازعيم انا كل الي كنت اقصدوة الكاربون الي كل العربيات عاملاة بس لو لزق عادي ارخص من كدا مش مشكلة هيكون احسن وحكاية المرور محدش بيبص انا جايب العربية بقالي 8 شهور محدش بص وقالي طلع الرخصة الا مرة واحدة بس ومحدش بيدقق