الموضوع: تغيير بلى العجل للمازدا 3 - نصائح هامة

السلام عليكم يا شباب

طبعا انتو عارفين انى من كام يوم كدة نزلت دمشق اشترى حاجات كتير للعربية -- من ضمن الحاجات دى كانت بلى العجل الامامى
البلية الواحدة ب 425 جم
بس فى حاجة يا شباب لازم تتاكدوا منها -- البلى فى منو نوعين -- نوع اية بى اس و نوع من غير اية بى اس
لازم تركزوا اوى فى النقطة دى و طبعا مينفعش يركب ولا اس كية اف و لا اى حاجة تانية الا للعربيات الى من غير اية بى اس اصلا

النوع الاية بى اس دة يا شباب عشان تفرقة بيبقى فى ناحية زى ماجنيتيك اريا كدة العادى مش بتبقى فية الحتة دى و الماجنيتيك اريا دى مش عشان الاية بى اس بس -- دى كمان بتدى اشارة لعداد السرعة (الكيلومتر فى الساعة) من غيرها العداد دة مش هيشتغل و لمبة التشيك الصفراء هتنور و لمبة الاية بى اس الحمراء هتنور و لمبة فرامل اليد الحمراء هتنور -- و هتبقى الدنيا ملعلعة فى التابلوة عندة

المهم الى حصل ان الميكانيكى العبقرى بتاعى ركب البلية الجديدة بالعكس يعنى خلى الناحية الى فيها الماجنيتيك جوة الصرة فطبعا التابلوة لعلع عندى
قمنا واخدين العربية و جرى على محمد عسكر فى الحرفيين يا عم حصل كزا و كزا و عايزين نحط العربية على الجهاز -- قالك ملهاش لزمة جهاز -- كدة الاية بى اس باظ و مينفعش تعمل فية حاجة لازم تجيب شمعدان كامل استيراد بالصرة و البلية و الحساسات من اى حتة و تركبوا كلة

طبعا انا لما سمعت البؤ دة -- جاتلى حالة من العته و قعدت اضحك ضحك هستيرى -- و قمت واخد العربية و مروح .

الكلام دة كان يوم السبت الى فات -- يوم الاثنين الى هو امبارح بعد الشغل قمت واخد العربية و راجع للعبقرى بتاعى تانى و قلتلة بص هى كدة كدة خربانة -- فك الشمعدان كلو فى النحيتين و هاتو

قام فكوا و جابو جوة الورشة قلتلة عايزين نفك البلية من الصرة تانى بس بمنتهى الحنية عشان متبوظش -- قعدنا نفك فيها بتاع 4 ساعات -- بالباكم بقى و الشحم لحد لما طلعت سليمة الحمد لله قمت فاكك الماجنيتيك اريا من البلى القديم و مركبوا فى الجديد بدل الى فيها الى باظ طبعا -- و قمنا مركبينها تانى -- هب العربية دارت و اللمبات كلها طفت -- طلعت اجرب العربية اشوف البلى باظ من الفك و التركيب و لا اية ظروفو -- لقيتو الحمد للة محصلوش اى حاجة ..

توتة توتة فرغت الحدوتة

انا بس حبيت اقولكو على التجربية اللطيفة دى عشان محدش يتحط فى الموقف دة بعد كدة
و بردو عشان ميكانيكية كتير و من ضمنهم مركز خدمة معتمد مش بيغير بلى عجل جديد بيقولك هات الشمعدان استيراد عشان الاية بى اس بيبوظ -- الكلام دة مش صح هو المشكلة انك تلاقى البلى الاية بى اس و دة نادر شوية ملقتوش عند حد غير العالمية بس -- و بردو لما تشتغل فى العربية لازم توديها عند حد فاهمها جدا حتى لو هتغير بوجيهات -- عشان مواقفها بتخليك تجيلك ارتكاريا.

ملحوظة صغنططة
الشمعدان كامل تمنة ما بين 1000 الى 1200 جم (استيراد الناحية الواحدة).
الصرة جديدة فاضية تمنها 375 جم

معلش يا فروزن اصلى من الهرم