بـيـان للمجلس الاعلى للقوات المسلحة منذ لحظات

**AmAhmed** · 13-07-2011 06:40 PM

مش معقول يا جماعة نبني الرأي علي الامثلة الفاسدة من التاريخ .. لان في المقابل هناك امثلة صالحة و ناجحة

و مش عايزين نعمل فيلم Minority Report حيث يقبض علي المتهم قبل ان يقوم بالجريمة من الاصل و استباقا للاحداث

**khaloooda** · 13-07-2011 07:14 PM

من حق الجيش يهدد ويضرب بيد من حديد كمان
ده بقي اسمه استهبال وقلة ادب
ايه
اللي في التحرير هما اللي بيفهموا في مصلحة البلد والباقي معيز
احنا قرفنا
اي حد بيحاول يعطل مصلحة حكومية او يغلق طريق عام او يهدد باي حاجة تمس مصلحة البلد واقتصادها
من حق الجيش يفرمه

كفاية بقي

هو لو نزل الجيش واعلن الاحكام العرفية وضرب بالنار وقالكو معلش ما هي كل ثورة ولها ضحاياها
واذا كانت الحسبة بين مصلحة فرد او مجموعة ومصلحة البلد
تبقي مصلحة البلد
يبقي كويس
؟؟؟؟؟!!!!!!!!!

شوية شباب لسه بياخدوا مصرفهم من اهاليهم
فجأة عينوا نفسهم اوصياء علي البلد
بكل مافيها
بكل طبقاتها وفئاتها

اتحدي اتحدي اتحدي اتحدي اتحدي اتحدي اتحدي اتحدي
ان واحد فيهم درس سياسة او قانون
اللي بيتكلموا دلوقتي في السياسة والقضاء والمحاكمات وغيره

ارحمونا بقي

عايزينا نلغي الاعلان الدستوري عشان شوية ناس شافو التورتة هضيع من ايديهم
من غير ما يكون ليهم نصيب

ارحمونا
البلد لو وقعت مش هتلاقوا من التورتة دي حاجة
هتلاقو خراب ودمار

وهتبص حواليك مش هتلاقي ناس كتير من اللي انت شايفهم مليين الميدان دلوقتي من غير ذكر اسماء

لكن ناس كتييييييييير اوي مجهزة شنطها

الحكاية ظبطت
ادينا قاعدين
الموضوع فكس

تذكرة الطيارة في جيبي
وعلي بره عدل

ربنا ينتقم من كل غبي
قادر يا كريم

**otefa** · 13-07-2011 07:40 PM

أيه ياخلودا الكلام الجامد ده أنت عايز تزعل الثوار المعتصمين في الميدان وألي لا بيقفلو مجمع التحرير ولا بيقطعو طرق في العين السخنة
لا مالكش حق الصراحة
تقبل تحياتي وربنا يزيح الغمة عنا

**wael17** · 13-07-2011 07:47 PM

المشاركة الأصلية كتبت بواسطة khaloooda

من حق الجيش يهدد ويضرب بيد من حديد كمان
ده بقي اسمه استهبال وقلة ادب
ايه
اللي في التحرير هما اللي بيفهموا في مصلحة البلد والباقي معيز
احنا قرفنا
اي حد بيحاول يعطل مصلحة حكومية او يغلق طريق عام او يهدد باي حاجة تمس مصلحة البلد واقتصادها
من حق الجيش يفرمه

كفاية بقي

هو لو نزل الجيش واعلن الاحكام العرفية وضرب بالنار وقالكو معلش ما هي كل ثورة ولها ضحاياها
واذا كانت الحسبة بين مصلحة فرد او مجموعة ومصلحة البلد
تبقي مصلحة البلد
يبقي كويس
؟؟؟؟؟!!!!!!!!!

شوية شباب لسه بياخدوا مصرفهم من اهاليهم
فجأة عينوا نفسهم اوصياء علي البلد
بكل مافيها
بكل طبقاتها وفئاتها

اتحدي اتحدي اتحدي اتحدي اتحدي اتحدي اتحدي اتحدي
ان واحد فيهم درس سياسة او قانون
اللي بيتكلموا دلوقتي في السياسة والقضاء والمحاكمات وغيره

ارحمونا بقي

عايزينا نلغي الاعلان الدستوري عشان شوية ناس شافو التورتة هضيع من ايديهم
من غير ما يكون ليهم نصيب

ارحمونا
البلد لو وقعت مش هتلاقوا من التورتة دي حاجة
هتلاقو خراب ودمار

وهتبص حواليك مش هتلاقي ناس كتير من اللي انت شايفهم مليين الميدان دلوقتي من غير ذكر اسماء

لكن ناس كتييييييييير اوي مجهزة شنطها

الحكاية ظبطت
ادينا قاعدين
الموضوع فكس

تذكرة الطيارة في جيبي
وعلي بره عدل

ربنا ينتقم من كل غبي
قادر يا كريم

+1111111
الغريب ان كل مشاعر الغضب اللي عند غالبية الشعب المصري تجاه معتصمي التحرير مش مأثرة فيهم خالص...ولا الهوا
يا أخي ده الاحساس نعمة!!!

**زهير فكري** · 13-07-2011 10:30 PM

انا شايف انه بيان قوي وواضح , و لا يحمل اي تهديد سوي من يريدون الفوضي و ( التلكيك ) تحقيقا لأهداف خافيه , وحق الشهداء والمصابين ان شاء الله هيخدوه في الدنيا قبل الآخره .

**meza** · 14-07-2011 03:28 AM

يا بتوع الإستقرار الإستقراااااااااااااااااا اااااار الإستقراااااار ...

بتفكرونى بأيام أحمد شفيق لما كنتوا بتنادوا إننا نديله فرصته و حرام و مينفعش! و البلد كانت هتروح فى داهية ...

مع الإختلاف فى الوضع الحالى, عصام شرف رجل محترم و مواقفه لحد دلوقتى مع الثورة لكن هذا لا يمنع إنه ممكن ميكونش مناسب للمرحلة دى لأنه ليس بالقوة المنشودة و لو حسينا إنه مش هينفع هنطالب بإقالته ... صلاحياته منتقصة بسبب المجلس العسكرى .. و كله هيبان أكتر فى التغييرات الجديدة فى الحكومة.

المشاركة الأصلية كتبت بواسطة khaloooda

من حق الجيش يهدد ويضرب بيد من حديد كمان
ده بقي اسمه استهبال وقلة ادب
ايه
اللي في التحرير هما اللي بيفهموا في مصلحة البلد والباقي معيز
احنا قرفنا
................

واحد صاحبى أول إمبارح قاللى نفس الكلام ده ... بس السبب كان إنه راح المجمع يخلص ورق سفر و لقيه مقفول و إتبهدل فى الشمس يومها .. زعل أوى و قرر إن بتوع التحرير وحشين و فضل يهاجمهم لما كلمنى.
و واحد تانى بس ده كان زمان كان واخد موقف شديد جداً عشان كان راجع من عند خالته و وقف 6 ساعات على كوبرى أكتوبر ..
و واحد تالت معجبوش عشان الدورى كان هيتأجل! :d

ناس كتير واخده مواقف معاديه بسبب موقف حصل معاهم و ضايقهم.

------- معقول لسه مش مدركين إن البلد فى ثورة؟!!!!

**khaloooda** · 14-07-2011 04:26 AM

بس انا محصلش معايا اي موقف
انا بتكلم في العموم

ده احنا من جهلنا
بقينا بنفتي في كل حاجة
كل حاجة
سياسة - اقتصاد - قانون - دين ....

بنصدر احكام علي ناس ونتهم ناس بالباطل زور

عمر حد فينا فكر يحط نفسه مكان المجلس العسكري ( انا مش بدافع عنهم - بالعكس ليه موقف منهم من ساعة ما بدأت الثورة بس مش وقت الكلام فيه دلوقتي )
يحط نفسه مكان النائب العام
انا مشفق علي اي قاضي ينظر اي قضية من قضايا المتظاهرين او الفساد

الادلة : مفييييييييييييييش ادلة
لكن الثوار عايزين دم
طب يعمل ايه
ضغط عصبي ونفسي غير عادي

نفسي اللي في الميدان يفكروا شوية
ويبطلو جرعة الحماس الثوري دي

فوقوا

الجيش لو قرر يرجع الحكم عسكري 100% وكأننا ادام ثورة 1952 ثانية
محدش هيقدر يقف ادامه

وهيعملها بدعوي الحفاظ علي مصلحة وامن البلد اللي فعلا بقت معرضة للخطر
وهنتعاطف معاه

يارب استر
يارب يفهم الغبي
يارب يفهم

**khaloooda** · 14-07-2011 04:30 AM

وبعدين انا عاوز افهم
العيال دي بتجيب الفلوس دي منين
بيسافروا بره بدعوي مطالعة تجارب الدول المتحضرة في الديموقراطية
وبيعملوا اجتماعات
وبياخدوا ندوات ومحاضرات

ده كاه منين
واذا كان بتمويل خارجي
نعرفه
امريكي - اوروبي - اسرائيلي ....
المهم نعرفه

عايشين حياتهم في الميدان
خيام - اكل - شرب ...

عاوزين نعرف الفلوس دي منيييييييين

انا مش بتهم حد ومحدش يقولي نفس النغمة اياها بتاعة ده كلام الفلول وايام مبارك واللغة دي

انا مش بتهم حد

بس في ناس كتير واولهم 6 ابريييييييييييييييييييييي يييل

انا واحد من الناس شاكك فيهم بشكل غير عادي

حد يفهمنا
ويكسب ثواب

**wael17** · 15-07-2011 02:10 AM

المشاركة الأصلية كتبت بواسطة meza

واحد صاحبى أول إمبارح قاللى نفس الكلام ده ... بس السبب كان إنه راح المجمع يخلص ورق سفر و لقيه مقفول و إتبهدل فى الشمس يومها .. زعل أوى و قرر إن بتوع التحرير وحشين و فضل يهاجمهم لما كلمنى.

طيب و لو راجل عجوز ولا ست كبيرة جايين من بره القاهرة و جايبين اجرة السفر بالعافية عشان يخلصوا مصلحة في المجمع...

المشاركة الأصلية كتبت بواسطة meza

و واحد تانى بس ده كان زمان كان واخد موقف شديد جداً عشان كان راجع من عند خالته و وقف 6 ساعات على كوبرى أكتوبر ..

طيب و لو في عربية اسعاف جنب صاحبك واقفة 6 ساعات..او واحدة ست بتولد...او عربية فيها اطفال من غير تكييف...أكيد مش كل الناس علي كوبري اكتوبر رايحة تزور خالتها

ماتزعلش مني...بس كلامك فيه استخفاف شديد بمصالح الناس و كأنهم مش مهمين و وقتهم و مشاعرهم بلا قيمة و الثورة بقت أهم من الشعب نفسه

المشاركة الأصلية كتبت بواسطة meza

معقول لسه مش مدركين إن البلد فى ثورة؟!!!!

لا والله كل الناس عارفة ان كان فيه ثورة جميلة سلمية اسقطت نظام ديكتاتوري و العالم كله اتكلم عنها بس للأسف اتحولت لفوضي و تصفية حسابات و بدأ الشعب يكرهه الثورة و الثوار

**meza** · 15-07-2011 02:26 AM

أنا مقولتش إن وقف المصالح ده حاجة كويسة؟! .. طب ما والدى خسر كتير جداً فى البورصة الأيام اللى فاتت
بس أنا مقتنع إننا لازم نضحى مؤقتاً عشان نوصل للأحسن.

مصر لسه مش على الطريق الصح .. و لو سلمنا القضية للجيش ولا للحكومة دلوقتى يبقى كل اللى إتعمل هيضيع و الوطنى هيرجع تانى بشكل جديد و الشهداء دول يبقى دمهم راح هدر ... ساعتها محدش فينا هيسامح نفسه.

ده أقل القليل من المطالب لسه متحققش .. محاكمة عادلة لرئيس بهدل البلد على مدار 30 سنة مش عارفين نوصلها و قاعد فى مستشفى معزز مكرم و مفيش محاكمة بدأت أصلاُ .. يبقى فين العدل و فين المطالب اللى إتحققت ... و إزاى أقعد فى بيتى مطمن بعد كل ده!

الموضوع: بـيـان للمجلس الاعلى للقوات المسلحة منذ لحظات

LinkBack

أدوات الموضوع

عرض

-

-

-

-

-

المواضيع المتشابهه

الصفحة الرسمية للمجلس الأعلى للقوات المسلحة

المجلس الاعلى للقوات المسلحة يرد على الشائعات

الصفحة الرسمية................. للمجلس الأعلى للقوات المسلحة

القائد الاعلى للقوات المسلحة حيبقى مين ؟

الكلمات الدلالية لهذا الموضوع

المفضلات

المفضلات

ضوابط المشاركة