الموضوع: المجلس العسكري: كل الخيارات مفتوحة في التعامل مع المعتصمين في ميدان التحرير

المشاركة الأصلية كتبت بواسطة otefa

أمال عندك ثقة في مين ؟
أنا وغيري كثير برضه مابنثقش غير في الله ومن بعده المجلس العسكري
ونتائج الأستفتاء تشهد أن ده رئي الأغلبية
ألي الأقلية مصممة ولاتنفك من المحاولات للأنقلاب على شرعية الأستفتاء والأعلان الدستوري الشرعية الوحيدة في الدولة
سيبك من أحلام مجلس رئاسي مدني علشان ده شبه مستحيل يتحقق نفسي الناس نبقى واقعية وتقدم قيم الديمقراطية والشرعية على الرغبات الشخصية
الحق (الشرعية الدستورية) أولى أن يتبع
تحياتي

أنا بثق فى تلاتة بعد ربنا ....... المجلس العسكرى مش واحد منهم

انا برضه و غيرى كتير أوى ...... ماعندناش ثقة فى المجلس العسكرى ...... خالص

و رأيى ان لازم نفضل نضغط عليه عشان ينفذ مطالب الثورة

بعدين الأستفتاء ده ...... اللى كل شوية تتشدق بيه ........ مافيهوش أى حاجة ليها علاقة بالمجلس العسكرى

هاتلى مادة واحده كانت مكتوبة فى الأستفتاء ....... فيها كلمة المجلس العسكرى

كل الأمتيازات و الصلاحيات المجلس العسكرى اداها لنفسه ....... فى الأعلان الدستورى

حتى تاريخ الأنتخابات المجلس العسكرى هو اللى حدده و لم يتم الأستفتاء عليه من الشعب ...... فى الأعلان الدستورى

و بعدين يمكن كان فيه ماده فى الأستفتاء ....... بتقول اننا بنفوض المجلس العسكرى فى كل حاجة ...... وأنا ما خدتش بالى


بص حاقولك على حاجة ...... الأستفتاءات ليست استطلاعات رأى ....... لأن بمنتهى البساطة ...... كل واحد بيصوت لأسبابه و أرائه هو الشخصية ...... يعنى ممكن بسهولة جدا و ده حقيقى على فكرة ...... اتنين قالوا نعم و كل واحد عنده سبب غير التانى ...... و اتنين قالوا لأ و كل واحد ليه سبب غير التانى

عشان أنا شايف ..... أى حد عايز يمشى رأيه فى أى حاجة يمسك فى الأستفتاء

و أنا مش مسئول ان كل واحد راح يصوت ...... و هو حاطط فى دماغه فكرة معينة

أخر حاجة أنا عمرى ما طالبت بمجلس رئاسى ...... مع انى شايف المجلس العسكرى مش نافع ببصلة

و همسه فى أذن حضرتك ....... بلاش تأليه للحاكم أيا كان ...... ده اللى بيجبنا ورا