اقتباس المشاركة الأصلية كتبت بواسطة hobiko مشاهدة المشاركة
اللى راكب المترو و مش عاجبه الثورة ...... من جموع الشعب الغفيرة

فيهم كام واحد فكر يثور على الأوضاع ؟؟؟؟

فيهم كام واحد فكر يثور على وضعه هو جوه المترو ؟؟؟؟

فيهم كام واحد فكر يثور على الروتين و البيروقراطية اللى فى مجمع التحرير اللى كان من الممكن تقعده شهور عشان يخلص ورقة ...... عشان دلوقتى يزعل أوى على قفل المجمع يومين تلاتة ؟؟؟؟؟؟

الموضوع ده بيفكرنى بحكاية حكاها عمرو قطامش ......

تبقى راكب فى الميكروباص اللى المفروض أجرته جنيه و نص ...... تفاجىء بالسواق المستغل الواطى ..... بيغلى الأجرة ل 4 جنيه عشان الوقت بليل متأخر

يعترض عمرو على الأستغلال بشده و يقول الميكروباص مش حيطلع بالسعر ده ...... يفاجىء عمرو ب 12 راكب تانى مش عاجبهم أعتراضه ...... و يسمع كلام من نوعية

حرام عليك ..... عايزين نروح ...... مش عاجبك انزل ...... العطلة دى على حساب مين ..... منكو لله خربتوا الميكروباص ..... وقفتوا حالنا الله يوقف حالكم

ينزل عمرو من الميكروباص احتجاجا و تمسكا برأيه ...... بس يفاجأ ان الراكب رقم 13 اللى ما فتحش بقه

ست كبيرة عجوزة ..... مش معاها ال 4 جنيه و اضطرت تنزل من الميكروباص ...... بس فى نفس الوقت ماعندهاش الجرأة انها تعترض

يقف عمرو يبص للميكروباص ..... اللى ناس كتير ما صدقت انه نزل ...... و طلعت تجرى تلحق تركب مكانه و مكان الست الكبيرة ......

يكبر الموضوع فى دماغ عمرو و يقول لأ ...... أنا ماحدش حيستغلنى

و يقرر ياخودها مشى لحد البيت

معنى كلامك ان الثورة الشعب مش موافق عليها من الاول واغلب الناس مشاركتش
اوت دى منك يا جميل