موضوع بعيد عن اللانوس خالص ... بس بعد اذن الاداره توافق عليه .... ياريس 2008

سلام عليكم ورحمه الله وبركاته .... انا عضو هنا في المن
ى بتاع الدايو بس ربنا كرمني وبقى معايا ياريس جمب اللانوس .... وواجهتني بعض المشاكل ياريت تساعدوني بحلها بخبراتكم وباللي يعرفه اي حد انا ...ملاحظ فيها شويه حجات كده وعايز ارائكم :
اولا : الدبرياج بيفصل تحت اوي وانا عايز اخليه يفصل فوق ... هل في حاجه ممكن اعملها فيه بنفسي عشان اظبطه ولا لازم اروح لميكانيكي ؟؟؟؟؟؟
ثانيا : لما بكون ماشي بسرعه فوق 70 او 60 وافرمل بلاقي العربيه بترعش واحس انها هتفصل خالص بس مبتفصلش .....والرعشه دي مش رعشه الطنابير ... انا عارف رعشه الطنابير ... دي زي ما يكون واحد شال رجله من على الدبرياج وساب العربيه .. اعتقد فاهمين قصدي ؟؟ ده عيب ايه ؟؟؟؟

ياجماعه محدش رد عليا ليه ؟؟؟ انا سبت الموضوع في منتدي تويوتا بقاله يومين محدش عبرني ... قولت اجيبه هنا .. حتى هنا كمان محدش هيعبرني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

طيب اتأكد من ان طنابير مش ملوحه ياعني شكل الطنبور سليم ومافهوش حاجه ده بالنظر بس اما يتحط على مخرطه يبان انه ملوح بفرق مليي او اتنين وده ممكن اللي يكون عندك وده بيعمل الرعشه او ممكن يكون الخزنه بتاعت الفرامل بتاعت ال العجله اليمين او الشمال بايظه

بالنسبة للدبرياج : فهي فعلا بتفصل تحت أوي .. عشان كده شيل الدواسة اللي في الأرض أو هات دواسة رفيعة جدا في تخانتها.
أنا اعرف ناس غيرت طقم دبرياج على 30 ألف كيلو بسبب الموضوع ده- كان متوصي أوي بالدواسات -اشترى أتخن حاجة أول ما استلم العربية.
موضوع ظبط الدواسة - عند ميكانيكي- منصحكش بيه ؛ لان عندك 3 أو 4 خلوصات في بدال الدبرياج لازم يكونوا ضمن حدود معينة.

بالنسبة للرعشة أثناء الفرملة : طالما انت استبعدت الطنابير - فهل العربية فيها abs ؟

الرعشة بتاعة الفرامل غالباً عيب سيرفوا اكشف عليه وعلي الخرطوم الواصل بينه وبين الموتور وخلي بالك اي تنفيس في هذا الخرطوم من كوليه مثلاً يعمل العيب الي بتشتكي منه

ياجماعه عيب الفرمله ده مش بتترعش ... العربيه بتبقى هتبطل ... بس مش دايما .... احيانا .... مش رعشه طنابير خالص انا متأكد والعربيه مفيهاش ايه بي اس
وبالنسبه للدبرياج انا اساسا شايل الدواسات خالص ... بس المشكله في الزحمه بتتعبني ورجلي بتتعب اوي ... فخلاص كده المشكله اتحلت باني هوديها لميكانيكي
ايه بقى عيوب الياريس التانيه اللي ملحقتش اكتشفها وانتو تعرفوها ؟؟؟؟؟؟؟؟؟؟؟؟؟؟؟؟؟؟؟؟