المشاركة الأصلية كتبت بواسطة ghazy12
بصراحة... موضوع صباع اللواء الفنجري ده سطحي جداااا و تافه و بـااايخ و دمه تقيل
و مالوش اي معنى ولا لازمة, و يخليك تحس ان المجموعة دي شوية عيال صغيرة !!!
يعني ايه رفع صباعه في وشنا و بيهددنا, و احنا مش بنتهدد !!!!!!! ايه الكلام الفاضي ده !!!!
الموضوع تحول لاعتراض لمجرد الاعتراض مش اكتر بعيداً عن اي عقلانية او سبب حقيقي واقعي, و ده
في حد ذاته مصيبه لان بالشكل ده الموضوع هيبقى عشوائي و هيحصل مهاااااازل في الانتخابات اللي جايه !!!
حد يقولهم و يعلمهم لان من الواضح انهم محتاجين يتعلموا من الأول العيب و الغلط ايه و مايتعملش,
و بلاش شغل عيال صغيرة و استهتار و تجاوز في حق ناس شرفاء و في قادة الجيش المصري
اللي هو في الآخر جيشنا لاسباب تافهه و سطحية و مالهاش اي معنى و لا تعتبر اسباب من الاساس...
لو ثبت على اي قائد من قيادات الجيش حاجه, ساعتها نقول و نتكلم, لكن حتى الآن لا يعلم نواياهم إلا الله,
و ده لواء في الجيش, و طبيعي جداااا يكون اسلوبه بيتسم بالصرامة و الوضوح و القوة و دي حاجه ماتزعلش !!
عايز تنتقد... انتقد بأدب و احترام و بدون تهكم او تجريح في حد, و لازم يكون عندك سبب منطقي لنقدك ده !!
ده رأي الشخصي بصراحة, و بعتذر عن عصبيتي لكن بصراحة الموضوع حارق دمي من امبارح...