يااخوانا كفايه تراشق بالاتهامات والتلمحيات ما بين السطور وادعوا لمصر ان الايام اللى جايه تعدى على خير
عرض للطباعة
يااخوانا كفايه تراشق بالاتهامات والتلمحيات ما بين السطور وادعوا لمصر ان الايام اللى جايه تعدى على خير
رابط المشاركة
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة horas3000 http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif
بص يا زعيم
من الاخر كده
انا كل ما بشوف، اسمع، اقرا حاجه عن الثوره و البلد و اللي بيحصل فيها بفتكر البيت ده
إنما الأمم الأخلاق ما بقيت... فإن هم ذهبت أخلاقهم ذهبوا
و مصر (و العالم كله بصراحه) في الفتره اللي فاتت من سيئ الي اسوء في موضوع الاخلاق ده
و اللي بيحصل ده نتيجه طبيعيه للانحطاط ده للاسف
فاحنا بجد محتاجين ثوره علي نفسنا
محتاجين نسموا باخلاقنا و تصرفاتنا و الاهم من ده اننا نخلي مصلحه البلد اولي من مصالحنا الشخصيه
و لو وصلنا لده صدقني اكتر من نص مشاكل البلد هتتحل لوحدها و بالامكانيات الموجوده
http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
ايييييييييييييييييه اللى بيحصل ده
دى بقيت فوضى و الله العظيم
بتقولو ديموقراطيه .. و فى نفس الوقت بترفضو المناقشه و عرض الرأى و الرأى الاخر وبتخونو اى حد معترض معاكم فى الرأى او بيحاول يطبق القانون
و انتو اصلا مشتتين و أراكم نفسها مش موحده و فاكرين نفسكم ايد واحده
و نتيجه لعدم توحدكم مش عاوزين تتقيدو باى قانون ... و بعد كده تقولو ديموقراطيه
يعنى عاوزين اعدام لكل الظباط بدون النظر لمحاكمتهم اصلا
فى جميع المناقشات اللى خضتها سواء على النت او فى الواقع .. كلهم بيفترضو فساد المحاكم لمجرد عدم الحكم بالاعدام و كأن اعدام الظباط شئ من الديهيات
و مش عاوزين تتناقشو فى مدى صعوبه اثبات التهم عليهم اصلا !!!!
حضرتك طبعا تقصد الاخوان المسلميين ... انا مش من الاخوان لكن ملاحظ ان الاخوان هى الجهه الوحيده المؤيده للثوره و فى نفس الوقت بتحاول تلتزم بالشرعيه
طبعا انتو اعتبرتو التزامها ده نفاق للمجلس العسكرى
و هو من البدايه ليه المجلس العسكرى اتحول من "منقذ الثوره و الراعى لها" الى "أمتدادا لفساد مبارك"
لأن ببساطه المجلس العسكرى بقى هو الحاكم (حاكم يعنى بيحكم بالقانون )
يعنى بياخد وقت لجمع الادله فى محاكمة الفاسدين (يبقى ده تباطؤ)
يعنى ممكن بعض الفاسدين ياخدو براءه (يبقى ده كوسه و امتداد للفساد )
الشاب االثورى اللى قابلته امبارح فى المترو كان بيقول "كل الثورات اللى حصلت قبل كده ماكنشى ليها مطالب - كانت الثوره بتعمل بتنفذ بالجزمه - لكن احنا بنطلب كأننا بنشحت و ده ضعف "
طبعا هو مارضيش حتى يمسع ردى على الجزئيه دى ... بس ردى هو " هل للثوره دى قياده اصلا علشان تتحدث عنها - كل الناس ليها مطالب مختلفه و فيه اللى ممكن تتحقق و فيه اللى لا بدليل ائتلافات الثوره اللى سمعت اخر رقم ليها انها عدت 400 ائتلاف و فيه بعض الائتلافات بيبقى عدد افراداها 5 وبس !!!"
ونتيجه "دكتاتوريه الثوار" مش عاوزين اى جهه تتطبق القوانين .. و مفترضين دايما فساد الحاكم "اى حاكم " لمجرد انه بيطبق القانون و مش بطبق "دكتاتورية الثوار"
و بالاسلوب ده برضه حتكرر لما تحصل انتخايات للرياسه و ينتخب اى حد من المرشحين ... حيطلعو انصار المرشحين الاخرين لأن النتيجه مش عجباهم
و اظن ده حصل بعد الاستفتاء و رغم من انى قولت "لا" بس احترم النتيجه النهائيه حتى لو كانو الاخوان استغلو جهل بعض فئات الشعب و "دحكو عليهم" زى مابيقولو
و احدى الامثله الصارخه لذلك هى اللى حصل الناهرده لما انزال اللواء طارق المهدى عضو المجلس العسكرى من على منصة التحرير ومغادرته للميدان بعد فشله فى الحديث للمعتصمين .ورفع صور ظباط 8 ابريل المعتقلين فى السجن الحربى
رغم اننا لو راجعنا اللى عملوه حنلاقيه خطوه مرفوضه فى اى جيش من جيوش العالم لأن اللى اتعمل ده بيدعو لإنشقاق فى الجيش و ده تصرف غير مسؤل بالمره حتى لو كان الجيش مليان فساد
و علشان كده هما معظمهم من الرتب الصغيره ملازم و ملازم اول و اعلى رتبه فيهم كانت رائد.. يعنى مافيهمشى رتبه واحده كبيره
يا باشا ممكن تعرفني حضرتك بتتكلم عن انهي شرعية؟؟؟
الشرعية الدستورية الي البيان الاخير اتكلم عنها ( في حد زاتها نصيبة لان كدا الدستور القديم لسة شغال)
حضرتك بتتكلم عن احترام القوانين (قوانين حطها نظام فاسد )
حضرتك بتتكلم عن محاكمات الفساد ( كلهم هيطلعو برائة لسبب واحد انهم بيتحاكمو علي اساس قانون هما الي حطوة ومديين نفسهم صلاحيات فية انهم يبيعو ويشترو ويسرقو باسم القانون )
يعني مثال بسيط
لما تيجي تحاكم وزير خصص ارض مثلا بالتخصيص المباشر
هتيجي تحاكمة هتلاقي القانون مديلة صلاحية انة يعمل كدا
علطول القاضي هيديلة برائة
والقانون دة هما الي عاملينة اصلا عشان ميخالفوش القانون
قانون تفصيل يعني فا عشان كدا كلهم هيطلعو برائة
ولو حضرتك بتتكلم عن الديكتاتورية
شوف مين الي بيطلع قوانين من غير ما يسال حد نفس طريقة ما مضي
ولو بتتكلم عن الاستفتاء فا مكانش استفتاء علي مواد اد ما هو كان استفتاء علي الي هيدخل الجنة ولا النار
ولو علي ضباط 8 ابريل
ياريت تقولي عبد الناصر والضباط الاحرار لو كانو اتعاملو كدا كانت الملكية والاحتلال فضلو لحد امتي
ما الجيش ساعتها كان جيش بردو وكان فية فاسدين زي دلوقت بردو
فيديو لتوضيح التهديد والوعيد كان لمين
أحد منافقي الثورة المتلون ممدوح حمزة وعصابته المعروفة للجميع من المطالبين بمجلس رئاسي والدستور أولا والمطالبين بالديمقراطية بشرط......تكون على مقاسهم فقط......قمة الديكتاتورية ......وقمة الوطنية بشرط تخدم مصالحهم وليذهب باقي الشعب الى.........مارينا ههههههه
‫ظ…ظƒط§ظ„ظ…ط© ظ…ط¹ ظ…ظ…ط¯ظˆط. ط.ظ…ط²ط© ظˆطھط¹ظ„ظٹظ‚ ط¹طµط§ظ… ط³ظ„ط·ط§ظ†‬‎ - YouTube
بالنسبه لجزئه الدستور فلغاية دلوقتى الدستور القديم شغال صحيح و ده لفتره مؤقته لغايه لما يحصل انتخابات مجلس شعب و يتعمل دستور جديد ... احنا اصلا لغايه دلوقتى مش قادرين نعدى الخطوه دى لأن انتخابات مجلس الشعب بعد شهرين و ماحدش واخد باله اصلا و ماحدش عارف الدواير الانتخابيه ايه هى بسبب القلق اللى كل شويه بيحصل من 6 ابريل و الـ 400 ائتلاف بتوع الثوره
اللى انتا بتقول عليه ده على مستوى محاكمات الوزراء
و بصراحه انا سمعت من التهم الموجهه للعادلى مثلا "البيع بالامر المباشر " فى قضيه اللوحات المعدنيه و اللى اديب بيها
لكن حفترض صحه اللى بتقوله ده ايه الحل ؟؟؟ عاوز تأجل المحاكمات لغايه لما يبقى عندك دستور جديد و قانون جديد .... ماهو لو أجلنا حتقولو "تواطؤ" و الحكومه قاعده فى بورتو طره بتعمل ايه ... و لو حاكمناهم دلوقتى حتقولى بتحاكموهم على القانون القديم :beatbrick:
الكلام ده بالنسبه للمحاكمات الصف الاول فى الفساد ... و خلينا محقين مش هما دول اللى قلبو الشارع
لكن اللى هيج الشارع حقيقى هما الظباط اللى خدو براءه
و تهمة اطلاق النار دى يأما حياخدو فيها اعدام ياما براءه ... مافيش احكام فى النص
و بالتالى لازم التدقيق اوى فى اصدار الحكم و يكون فى ادله كافيه لأصدار الاعدام اللى انتو عاوزينه ... وده صعب
يعنى مثلا .. شهيد استشهد قدام قسم شرطه "و معظم الشهداء بالفعل ماتو كده مش فى التحرير" ... من وجهة نظر القانون و الادله
الشهيد ده حتثبت ازاى انه ماكنشى بيهاجم القسم ؟؟
هو استشهد قدام القسم و بالتالى ممكن الظابط يدعى بمنتهى البساطه انه كان بيهاجم القسم و بالتالى الظابط كان فى حالة الدفاع عن النفس .. و الكلام ده اصلا لو عرفت تحدد انهو ظابط تحديدا اللى قتل الشهيدد ده بالذات
طيب قولى انتا ايه الحل ... مشكلتكم بتطلعو كم رهيب من المشاكل و مافيش حد بيقول حل
العداله عمياء لاتعرف سوى الادله
[aldl]http://files.blog-city.com/files/A05/141484/p/f/justice_is_blind.jpg[/aldl]
بص انا قولت انى استفتيت ب "لا" و النتيجه طلعت اغلبيه ساحقه ب "نعم" على غير المتوقع و اعترف ان كثير من البسطاء ادحك عليهم و اتصورو ان الاستفتاء على الماده الثانيه فقط ...بس لو كده يبقى ده غلطه مين ؟؟؟ هل هى غلطه الاخوان مثلا انهم عملو حملات للاستفتاء ب "نعم" .. مع العلم ان الاخوان نفسهم ماحولوش الاستفتاء الى جنه و نار زى مابتقول اللى عملو كده كانو بعض السلفيين بتوع غزوة الصناديق
بس ساعتها حتبقى غلطه الائتلافات و 6 ابريل وكل القوى الاخرى لانها ماعرفتشى تعمل حملات توعيه لدفع الناس للتصويت ب "لا"
و برضه تأثير الحملات دى "استحااااااااااله" يخلى نتيجه الاستفتاء الى 77% - الحملات دى ترجح الكفه بنسبة 5 % كبيرها 10% .. لكن نسبة 27% مستحيل
وبشكل عام مادمنا بنتكلم على الديموقراطيه يبقى نتقبل نتيجة الاستفتاء اللى الكل شهد بنزاهتها بصرف النظر عن دور الدعايه فى خداع الناس
يعنى مش العيب فى الاخوان و السلفيين انهم عرفو يتواصلو مع الشارع المصرى البسيط و فازو فى معركه ديموقراطيه شديدة النزاهه
العيب على باقية القوى اللى مش عارفه تتواصل الا مع شباب النت و مش حاسين بالبسطاء فى الشارع العادى ... و كمان مش عاجبهم و بيدعو بتطبيق و جهة نظرهم بالعافيه ... بالله عليك مش ده كان اسلوب الحزب الوطنى
ثوره يوليو لو تفتكر كانو معظمهم برتبة امباشى (مقدم) و كمان كان معاهم لواء محمد نجيب ... علشان ثورتهم تكسب المصداقيه
لكن دول معظهم برتبه ملازم او ملازم اول ... يعنى شباب تحت 25 سنه معدومى الخبره و االاطلاع على ابعاد "الفساد" اللى بيقولو عليه
و في ثورة 52 الجيش كان فى ثكناته لما عمل ثورته يعنى لو كان حصل انشقاق فى صفوف الجيش ماكنشى حيحصل تأثير على امن البلد - لكن دلوقتى البلد بتمر دلوقتى بظروف حساسه بتطلب توحد الجيش لأنه اخر جهه امنيه بتحافظ على البلد
وبصرف النظر عن ده كله واضح انا احترم جدااا تواصل الاخوان و بعض السلفيين مع الشعب ... و ده اسلوب متحضر و ديموقراطى ... و مش مشكلتها
مش هتلاقي أي أدلة غير اقوال أهله و اصحابه و كلها من عينة " ده كان واقف يتفرج" " ده كام معدي قدام القسم" " ده كان بيسعف الجرحي"
عمري ما سمعت ان اهل اي واحد من اللي اتقتلوا قدام الاقسام قال انه ابنه ولا اخوه كان بيهاجم القسم فعلا...كلهم كانوا معدين قدام القسم و اتقتلوا بدون سبب...و كأن الاقسام كانت بتولع لوحدها و مفيش حد هجم عليها
و ادلة الاثبات عند الظابط كثيرة و اولها ان القسم اتحرق او اتدمر ده غير الاقسام اللي اتقتل فيها ظباط و جنود
انا مش قادر افهم يعنى ايه سياده القانون اللى الناس بتطالب بيها انهى فانون بالظبط القانون اللى عمله نظام مبارك لو حتعتمدو على القانون ده ابقوا سلمولى على الثوره
انا شايف ان اهم اسباب نجاح الثوره حرق اقسام الشرطه فحتى لو هاجم الاقسام ديه فعلا بلطجيه فشكرا للبلطجيه