الموضوع: لماذا هاجم البعض بيان اللواء محسن الفنجري

المشاركة الأصلية كتبت بواسطة mazagangee

كان لازم الجيش يوري العين الحمرا بعد ما قعد يطبطب على الشعب كل المدة اللي فاتت و حقق أغلب المطالب
لكن القفز زي ما قال و الهجايص دي لازم يكون ده الرد عليها , و ربنا يستر و الشرطة العسكرية متنزلش تلم اللي في التحرير و تفضهم عافية ..

عمر الجيش ما يلم المتظاهرين المحترميين المسالمين ولكنه كان يوجه للقله التي تحاول أن تقود بعض الشباب للوقوع في المحزور وهذا ما حدث عندما قال أحدهم فجأه أننا سنغلق المجمع

المشاركة الأصلية كتبت بواسطة mostafaismail

والله احسن تعليق على البيان ... هو دة الكلام المعقول.

شكراً لحضرتك و أنا سعيد أن معظم الثوار قرروا إعطائهم الفرصه والوقت لتنفيذ الوعود

المشاركة الأصلية كتبت بواسطة ahmed sharaf

بالضبط كدة زي حضرتك ما أشرت بالإضافة ( ودة المهم ) إن الرسالة موجهة تحديداً لبعض القوي المخربة والتي وصلتها الرسالة جيداً.
وهما دول اللي علقوا على صباع اللواء الفنجري ... وأكيد عيعلقوا على غليون

مصر
2011
ع س

يا ريت تقول لي حضرتك أيه هو الغليون المقصود وأشكر حضرتك جداً على التعليق

المشاركة الأصلية كتبت بواسطة nonetta

الشعب المصري عاطفي متسرع حماسي
ما ينسوش ان الراجل دة شالوه فوق الرؤوس عند قيامه بتحية الشهداء
الراجل كان شديد بس لما يفرضه طبيعة الموقف
يعني كانوا عاوزينه يلقي بيان زي دة ازاي يعني
طبيعي انه يقوله بحزم وقوة عشان جديته

على فكرة انا مع الثورة بنسبة 100 % لكني افكر بشكل موضوعي

كلنا مع الثوره 100 % ومع الأعتصام و المليونيه التي لولاها لما تحققت 70 % من المطالب ولكن المطلب الأهم والأساسي الذي نتعشم من المشير و المجلس العسكري أن يحققه هو تنفيذ قانون ( الغدر ) في مبارك وأعوانه
وشكراً لحضرتك على المشاركه الإجابيه

المشاركة الأصلية كتبت بواسطة sharafconsult

شهاده

اللواء محسن الفنجرى من أطيب وأحن وأكثر ضباط الجيش خلقا على الأطلاق

ده بجد مش بهزار

وينطبق عليه قول أشداء على الكفار رحماء بينهم ( طبعا بدون قصد التشبيه على المتظاهرين )



أنتوا عارفين أن بعض الثوار أتفقوا على أنهم يحتلوا مجلس الشعب ورئاسة الوزراء ويعلنوا عن تشكيل مجلس رئاسى مدنى

ولما راحوا هناك لقوا رجالة الصاعقه واقفين قدام مجلس الشعب ( لأن كان معروف المخطط ده ) , هههههه راحوا قايلين سلميه سلميه ولف وأرجع على الميدان , ده حصل بجد

اللى أتمسكوا فى الأسكندريه ليه صاحب توكيل ملاحى يهودى يديهم فلوس علشان يضربوا المتظاهرين

أللى أتمسكوا فى التحرير , ليه ممدوح حمزه رفض يطلعوا على المنصه اللى بفلوسه علشان يقولوا اللى مأجرهم وأتخانق مع الثوار


هما ال 40 مليون دولار دول أتصرفوا علشان أيه , علشان نكون بلد ديمقراطى مثلا ولا علشان ماما أمريكا نفسها تشوفنا فى بيت العدل قبل ما تموت

رسالة اللواء الفنجرى 90 % منها مش موجه للمتظاهرين , لكن موجه لناس تانيه وصلتها الرساله بدليل أن كل اللى أعترضوا شباب متظاهر فى الميادين لكن محدش من المقصودين بالرساله فتح بقه أو نطق بكلمه مدح أو نقد

مفهومه طبعا مش كده

شكراً لحضرتك ولكني أرى أن التهديدات 100 % ليست موجهه للثوار

المشاركة الأصلية كتبت بواسطة amahmed

لكن استغلال وجود عناصر مغرضه وسط الناس مش معناه عدم الاستجابة لطلباتهم و تحويلهم لمحاكمات عسكرية في حين ان رؤوس النظام السابق تعامل معاملة خاصة جدا
احكموا بالعدل

المشاركة الأصلية كتبت بواسطة ahmed sharaf

لو الفاسدين إتحاكموا محاكمة عسكرية يبقى الفلوس اللي برة مش هترجع وبردة لو إتحاكمو محاكمة مدنية متسرعة ممكن يكون فيها ثغرات بردة تؤدي ان الفلوس مش هاترجع.

والعناصر المغرضة لو اتحاكموا مدنياً ممكن جداً يتم تهريبهم من الحجز أو القسم أو التشكيك في محاكمتهم من الأساس لكن المحاكمة العسكرية مش ممكن يحصل فيها كدة.

لذلك نطالب بتنفيذ قانون الغدر في مبارك وأعوانه وهذا القانون هو الوحيد الذي يعطينا الحق في محاكمتهم بتهم الفساد السياسي وتزوير الإنتخابات وإستغلال النفوذ وغير ذلك من التهم التي تتأكد على الواقع ويصعب إثباتها بالمستندات

المشاركة الأصلية كتبت بواسطة sharafconsult

شهاده

اللواء محسن الفنجرى من أطيب وأحن وأكثر ضباط الجيش خلقا على الأطلاق

ده بجد مش بهزار

وينطبق عليه قول أشداء على الكفار رحماء بينهم ( طبعا بدون قصد التشبيه على المتظاهرين )



أنتوا عارفين أن بعض الثوار أتفقوا على أنهم يحتلوا مجلس الشعب ورئاسة الوزراء ويعلنوا عن تشكيل مجلس رئاسى مدنى

ولما راحوا هناك لقوا رجالة الصاعقه واقفين قدام مجلس الشعب ( لأن كان معروف المخطط ده ) , هههههه راحوا قايلين سلميه سلميه ولف وأرجع على الميدان , ده حصل بجد

اللى أتمسكوا فى الأسكندريه ليه صاحب توكيل ملاحى يهودى يديهم فلوس علشان يضربوا المتظاهرين

أللى أتمسكوا فى التحرير , ليه ممدوح حمزه رفض يطلعوا على المنصه اللى بفلوسه علشان يقولوا اللى مأجرهم وأتخانق مع الثوار


هما ال 40 مليون دولار دول أتصرفوا علشان أيه , علشان نكون بلد ديمقراطى مثلا ولا علشان ماما أمريكا نفسها تشوفنا فى بيت العدل قبل ما تموت

رسالة اللواء الفنجرى 90 % منها مش موجه للمتظاهرين , لكن موجه لناس تانيه وصلتها الرساله بدليل أن كل اللى أعترضوا شباب متظاهر فى الميادين لكن محدش من المقصودين بالرساله فتح بقه أو نطق بكلمه مدح أو نقد

مفهومه طبعا مش كده

في كل مشاركة لحضرتك بارتاح شوية

[shfaf2]http://a7.sphotos.ak.fbcdn.net/hphotos-ak-snc6/284396_163337897076661_103622369714881_283179_4088 480_n.jpg[/shfaf2]

المشاركة الأصلية كتبت بواسطة ahmed sharaf

لو الفاسدين إتحاكموا محاكمة عسكرية يبقى الفلوس اللي برة مش هترجع وبردة لو إتحاكمو محاكمة مدنية متسرعة ممكن يكون فيها ثغرات بردة تؤدي ان الفلوس مش هاترجع.

والعناصر المغرضة لو اتحاكموا مدنياً ممكن جداً يتم تهريبهم من الحجز أو القسم أو التشكيك في محاكمتهم من الأساس لكن المحاكمة العسكرية مش ممكن يحصل فيها كدة.

براءة الف ظالم و لا ظلم واحد شريف
و هناك من الآليات ما يضمن الا يحدث مما تتخوف منه لو انعقدت ارادة المسئولين علي ذلك

المشاركة الأصلية كتبت بواسطة amahmed

براءة الف ظالم و لا ظلم واحد شريف
و هناك من الآليات ما يضمن الا يحدث مما تتخوف منه لو انعقدت ارادة المسئولين علي ذلك

وما هي هذه الأليات أستاذنا الفاضل
وعلى فكره والد الأستاذ حازم صلاح أبو إسماعيل اللي في توقيعك كان عضو مجلس الشعب بتاع بلدنا وكان محبوب الملايين رحمة الله عليه فقد وقف ضد الظلم وتحدى ذكي بدر الذي كان أظلم من العادلي ومن عاصره يعرف ذلك ونتمنى أن يكون الشيخ حازم مثله
ولكني للأمانه لا أرى أن هذا زمانه ولو أنه بلدياتي

اشكرك علي المعلومة بخصوص الاستاذ حازم .. و احترم رأيك في ترشحه

اما عن الآليات فعلي سبيل المثال:
- التحفظ عليهم في مدرية الامن او في سجن مؤقت و ليس في الاقسام ضعيفة التأمين
- تطبيق قانون الطوارئ المعمول به حتي الان علي المسجلين خطر منهم و اصحاب السوابق
- الاستعانة بالجيش لتأمين مكان الاحتجاز و المحاكمة - بالرغم من وجود جحافل الامن المركزي التي لا اعلم ما فائدة منها
- تخصيص دوائر قضايا لهم لسرعة الفصل في القضايا

اكيد هناك افكار اخري و هذا الذي خطر علي بالي الان