يا رجاله دلوقتى انا عايز احدث عربيتى هى 132 و بصرحه مش عايز اجييب عربيات من الحديث علشان مشاكله فانا عايز احتفظ بالعربيه و اسقط عليها موتور تانى ينفع اسقط موتو bmw ? و انهى موديل؟ و ايه الاضرار بتاعته؟ و ياربت لو شرح بسيط
عرض للطباعة
يا رجاله دلوقتى انا عايز احدث عربيتى هى 132 و بصرحه مش عايز اجييب عربيات من الحديث علشان مشاكله فانا عايز احتفظ بالعربيه و اسقط عليها موتور تانى ينفع اسقط موتو bmw ? و انهى موديل؟ و ايه الاضرار بتاعته؟ و ياربت لو شرح بسيط
أول حاجه مش هينفع تترخص بماتور ال بي أم :policeman:
طب انا عايز ماتور جامد يستحمل جرى و لعب
لو عربيتك 1600 يبقى اللى هيظبطك موتور 2000 132 بردة لان تغيير ماركة موتور العربية هيعملك مشاكل فى المرور غير تغيير القواعد انا اللى عايز اسئل علية فعلا بقى غير الموتور تغيير التابلوة بتاع البى ام 316 ينفع يركب عندنا ولا لا
سقطلها 2000 و جنط 17 و عدة صوت و في فوانيس عدسات للزينون مع و احد صاحبي مظبتها اخر حاجة
طيب مينفعش اسقطلها موتور ارجينتا 2200 سى سى ؟
شوف يا باشا لو طالبه معاك تسقط مكنة bmw هو هينفع بس هتتسحل فلوس وشقا يعني
1-تطلع المرور ترخص العربيه 3 سنين
2-تنزل تشوف مكنه عدله يعني (لو ينفع)عات e25 ابيض ودي هتقع عليك في الحنين
3-عفشه من الالف للياء من اول وجديد
4-شدادات شاسيه وممكن تحتاج صب رصاص في الحوض علشان ميتشرخش
5-تسيب العربيه عند واحد عل في الحرفيين علي قد 30 يوم و يفضل عادل وجدي بس مش عارف يرضي ولا لأ
قلب علي اليوتيوب في واحد اسمه كتكوت في القاهره معاه 132 واحد باب
مسقط فيها مكنه bmw انهي مكنه مش عارف ومقطع الدنيا دريفتات
الحوار هيصرف جامد يعني لو مخانتنيش الذاكره حوالي 9 مكنه بالضفيره واحسب بقي العفشه واليله كلها
يسقطلك مكن فيات لانشيا 2000 ،، و الفا روميو كمان ،، تربو !!
بس المشاكل هي الشاسيه ،، حيفتح ،، و علشان تتفادى دي ،، حتصب رصاص و حتجيب سترات بارز من كل حته !!
تاني مشكلة الفرامل ،، حتضطر تغيؤ الفرامل كلها بنظام فرامل سبور ،، "إيي بي سي"أو بريمبو ،، و يفيدك في دي الأخ يوكو في قسم الفيات
حتضطر تغير العفشة بواحدة سبور
و بعد كده مبروك عليك الوحش :)
التكلفة مش حتعدي 20 الف بالكتير 25 بجنوطها بمصنعيتها بسلاطاتها ب بابا غنوجها :))
معلش يعني عايز اقول حاجه العربيه دي سعرها دلوقتي بيلعب في ال15 الف يقوم هوا يصرف عليها 20 الف
وفي الاخر 132 حرام
من رأي لو معاك الفلوس دي حاول تبيع العربيه وتشوفلك بي امايه
لو مش معاك يبقى الحل الواقعي ولا تسقط موتور ولا حاجه زنقت قوي وعايز تسقط هاتلك الموتور ال2000 بتاعها او بتاع الارجينتا
وشويه سمكره ودوكو حلوين كده وهبط العربيه وجنوط 15 او 16 بالكتير وعيش عشان حتى لو جيت تبيع متخسرش بس برضو متحطش في دماغك ان ال2000 بتاع العربيه دي قوي وهيطلعك من اي عربيه جديده لا عشان تبقى عارف اه صحيح وهاتلك ديفل بس يكون صوته واطي وشكرا على كده
مهوا علشان يجيبلو بي اماية و يعدلها علشان تبقى وحش معاه ،، حيضرف كتييييير !!
غير لما يعدل في العربية الي معاه و تبقى وحش بردوا !!
=))
صدقني العربيه مش هتوصل للمستوى اللي هوه متخيلو برضو وغير القرف بتاع العربيه بعد كل اللي هيصرفه لان بالعربي كده هيتألفلها حاجات وهيركبلها حاجات موش بتاعتها يعني عندك مثلا ال كرونه بتاعه العربيه مفيش ليها كرونه لوك طيب غير بقا يبقا انته كده هتضطر تغير في جسم العربيه وتشيل وتلحم حاجات عشان تركب اللوك اللي هيا موش بتاعه العربيه عندك الموتور هيشيل الموتور وهيحط موتور بي ام مثلا يبقا هيغير في القواعد بتاعه العربيه وهيلحم برضو وعك الصنايعيه انا ضربت مثل...... في التعديل بقا هيقابل حاجات زي دي
اما في البي ام التعديل فيها سهل جدا وهتوصل بالعربيه لمستوى عالي جدا لانك قدامك اختيارات كتير متاحه وتركب بمنتهى السهوله في المواتير و ترخيص العربيه مش هيكون فيه مشاكل لان المواتير من نفس نوع الشركه
بالنسبه لاعاده البيع بعد اللي هيصرفو دا كلو لو جه يبيع العربيه هيخسر فيها كتير لان اللي بيشتري 132 كبيره 20000 جنيه وهيشوف ان اللي معمول في العربيه ده عك والعربيه ملعوب فيها وكده هيكون قدامه حلين يا يبيع بخساره يا تقعد العربيه في ارابيزو (مش عارف ايه ارابيزو دي بس هيا بتتقال كده) :d
بعكس البي ام لانها عربيه شبابيه جدا وفي شباب كتير جدا بتشتريها وتعدلها وبالتالي العربيه سهل جدا انها تتباع وبسعر مرضي
انا مش قصدي احبطه بس انا قصدي انو ميخسرش
وانا برضو كنت بفكر اعدل عربيتي 132 بس وصلت للنتيجه دي
يا غادنم ،، في حاجات بتنزل في عربيات فيات لانشيا و كده ، بتتاخد تتحط على طول في ال 132 ،، بدون تعديلات كتيرة اوي كده !!
بس المشكلة ان مفيش ناس كتير بتفهم فيها !! ده بس العقبة ،، على عكس البي ام زي حضرتك مقولت ،، فطع غيارها متوفرة و سهل التعديل فيها أوي !!
دي ليسته لمواتير قواعدها بظبط نفس قواعد لال 132 و تركب بدون تعديل في القواعد
Fiat 132/Argenta (The 1592cc model described earlier was also used)
132A.000, 132B.000..........1592................98
132C.600....................1585................90 ..............- 1600 ('75...82)
132C.000....................1585................98
132A1.000...................1756................10 5
132B1.000...................1756................10 7 / 111.......- 1800 ('75...78)
132CB.0A0....................?...................?
132C2.000...................1995................11 2.............- 2000 ('77...82)
132D.000....................1585................98 ..............- Argenta 1600 ('82->)
132D1.000...................1995................11 3.............- Argenta ('82->)
132D4.000, 132C3.000........1995................122.......... ...- Argenta 120 ie (132 2000ie)
132D7.000, 132E.000.........1995................135.......... ...- Argenta VX supercharged
وده برضو سبب من الاسباب
وقائمه المواتير اللي انته حاتطها تلات اربعها بتاعه ال132 اصلا
وعندك موتور الArgenta VX supercharged ده يعتبر اقوى موتور فيهم 135 حصان بس
supercharged و 2000 cc يعني صباح البنزين وقوه مش عاليه قوي عادي وموتور قديم جدا
وتصليح الsupercharged اكيد هيكون مقرف لانه اكيد نادر
انا اتعرفت على صاحب ال132 اللي انته حاتط صورها على facebook واتكلمت معاه شويه قالي انو مسقط موتور لانشيا 2000 توربو ومركبه على نفس الفتيس الاصلي ومش مغير الطنابير الاصليه بتاعه العربيه بس هوه وداها للخراط وعملها جوايط عشان يركب عليها الجنط الخمسه مسمار ده متهيألي ان هوه ده انسب تعديل لو حد عايز يعدل في 32 بس شوف انهي موتور لانشيا بقى اللي يناسبها
تاـرجنت ده أنجيكشان :) علشان كده مش حيستهلك بنزين زي كحضرتك ما فاكر ،، غلا في حالة الجري و كده طبعاً لكن على المشي العادي ،، حيكون احسن و اكفأ من ال 2000 سي سي العادي الكاربراتير بتاع ال 132 الأصلية !!
بالنسبة للمواتير اللانشيا ،، انا كنت لصحاب الموضوع ان فيه مواتير لانشيا و ألفا رويو !! "مش فاكر اذا كنت قلت في الموضوع ده ولا واحد تاني ،، علشان كان فيه موضوع زي كده برده بس للشاهين !!!! "
عامةً المواتير كتير !!
بس في حاجات بيتجي على حساب حاجات !! للأسف :(
=======================
عامةً ربنا يوفق صاحب الموضوع ،، هو طلب التعديلات على ال 132 !! و احنا بنحاول نساعده على طلبه ،، و حضرتك مشكوراً قلت نصيحة مفيدة فعلاً بس أحياناً الواحد مبيكونش مستعد يدفع فلوس كتير كده بحيث انه يشتري عربية الماني و يعدل فيها كمان !! و احياناً اخرى بيكون عنده عريبة معفنة "زيي كده :))))) " و معاه فلوس و مستعد يدفع عليها قد تمن الي بي ام دي 3 مرات ،، فقط لاعتزازه بعربيته دي !!
الله يحفظك ،، أبداً والله !! ده كفاية على عربيتك أن راكبها واحد ذوق و خلوق زيك يا أخي في الله !!
بس بجد الشاهين دي عربية كلبة بالنسبة لل 132 من حيث الصاج ،، و المتانة ، و الثبات ،، و الباور :((
ال 132 على الأقل فيها باور ،، "اي نعم موديلات أه و تانية لا،، بس بيركبلها لو عايز"
على عكس الشاهين ،، هيا ال 1600 الجديدة بس الي نازله ب باور !!
طب ممكن تعرفلى يا باشا هو مسقط انهى موتور لانشيا ؟
فى رأيي المتواضع متتعبش نفسك شرى العبد ولا تربيته بيع وكمل باللى هتوضب بيه وهات حاجه اصلها يكون متوحش زى اللانشيا او بى ام او جولف تسعينات
جولف التسعيينااااااااااات !! ،، انت جبت من الاخر بس برده حنلف نلف و نرجع لنفس النقطة ،،
كونه أنه يلاقي عربية من دول تكون بنت بنود !! دي حاجة صعبة ،، فحيصرف عليها ،،في الشراء و التصليح و التعديل ،، حتعتبر هيا هيا و يمكن أكيد أقل من تكلفة تعديل ال 132 بس !!
لاحظ ان ال 132 وحش ،،بس برا !! لأنها هنا الناس كانت بتستعملها أستعمال وييححييييييش أويييييي !! :)))))) :ma:
كلامك سليم 100% والله يا سمسم بس انا كل فكرتى ان موتور الانشيا مش غالى و تربو و مش بيحتاج تعديلات يعنى موفر و ليه قطع غيار
بمناسبه الكلام ده شوف الفيديو ده
http://www.youtube.com/watch?v=EqJxExRXHpc&feature=related
بص أنا الي اعرفه ان في موتور فيات لانشيا بينزل لل 132 و هوا هوا بينزل للشاهين !! و هو طبعاً بيكون تيربو و أنجيكشان !!
بس مش فاكر للأسف ال id بتاعته !! أنا فاكر اني قريتها على موقع أجنبي ،، بس مش لاقي ،، والله عمال أبحث على الجوجل و مش لاقي الموقع خالص !
و حتى نسيت اذا كان الموتور سينجيل بوينت أنجيكشان ولا فول أنجيكشان !!
بس أنت لما تروح تسأل الناس الي بيستوردوا في الحرفين !! و تقولهم بدور على موتور فيات لانشيا أنجيكشان يسقط لل132 و الشاهين !! هما حيعرفوه على طول !! لأن دي شغليهم أساساً ،، و هو حيبجيبهولك !! :)
عاش يا رجاله الفيات هى دى ال132 الوحش القديم
خد عندك ،،
lacnia thema 2.0 16v 153 hp ،، بس ده مشكلته في قطع الغيار
fiat tipo 2.0 16v 148 hp ،، جميل اوي ،،
fiat coupe 2.0 16v 137 hp ،، بردو المشكلة في قطع الغيار !! :((
fiat croma 2.0 16v 137 hp ،، ده جميل بردو !!
==============
شوف أعفى واحد منهم !! و حطه على جير بوكس "أبارث" و عييييييييييييييش !!!
تسلم ايدك يا باشا بس هى المواتير دى انجكشن ولا لاء و فى مشكله عليها فى المرور؟
لا طبعاً ، مفيش اي مشكلة عليها في المرور،، و المواتير دي كلها أنجيكشان :)
فول أنجيكشان كمان ،، مش أحادي البؤرة "سينجال بوينت"
صباح الخير على وحوش ال132
انا بقى عربيتى ال132ال2000سىسى البنزين هايجننى وعايز اجيب ماتور اقل يكون 1600 وكامة واحدة ياترى ينفع وهايكلفنى اد اية؟وشكرا
متابع ومستنى
بص يا حديده موضوع البنوين ده من البيكات فى الكاربتير ممكن تغيرو عند حد بتاع كاربتيير بيفهم علشان ميحطلكش بيك ضيق يقللك السحب و كل مواتير ال 132 2 كامه
ويعما كام ماتور الشاهين ال1600ده يا اخ سمسم