في حدود 70 الف تركب زيرو ولا مستعمل نضيف و ترشح ايه من العربيات
يعني مثلا باسات 2002 مستعملة ولا لوجان زيرو ولا رينو ميجان 2006 يوزد ولا بروتون ساجا ولا لانسر مستعملة
وايه الخيارات المتاحة في الحدود دي زيرو و مستعمل احدث من 2000
عرض للطباعة
في حدود 70 الف تركب زيرو ولا مستعمل نضيف و ترشح ايه من العربيات
يعني مثلا باسات 2002 مستعملة ولا لوجان زيرو ولا رينو ميجان 2006 يوزد ولا بروتون ساجا ولا لانسر مستعملة
وايه الخيارات المتاحة في الحدود دي زيرو و مستعمل احدث من 2000
انا عن نفسى ارشحلك اللوجان فل اوبشن او بروتون ساجا فل اوبشن انظف عربيتين فى الفئة السعرية دى من ناحية الاعتمادية والشكل
لو زيرو بيقى لوجان
بلاش رينو خالص بي بجد اللي ارشحالك وعارف انك هاتدعيلي اوكتافيا a4 عربيه فوق الممتازه بجد
لو زيرو : رينو لوجان ثم بروتون ساجا بالرغم ان شكلها عائلي اكتر من اللازم و تحس انه قديم ثم شفرولية لانوس ثم هيونداي فيرنا
لو مستعمل : لانسر او بروتون عامة ( جين توو - بيرسونا ) و عامة في حاجات كتيير مستعملة في 70 الف
بس يبقي حرام لو معاك 70 الف و تروح تدفعهم في عربية مستعملة
لأن الزيرو زيرو برده و هتبقي اول ايد و تبتدي معاك الكفاح لمدة 4-5 سنين ان شاء الله عقبال ما تفتح بوقها ع عكس المستعمل اللي لو عدي عليها كام سنة وقعت ده غير الله اعلم بما فيها و صاحبها بايعها ليه ( الحداية مبترميش كتاكيت )
طبعا في كتييييييييييييييييييييييي يييييير وفوق موديل 2000 كمان
معلشى يااستاذ rompo10 للمعلومه فقط والايضاح ممكن توضحلى كل موديل منهم بيبداء من سنة كام ويتنهى بكام
يعنى a4 من سنة كذا لكذا
وال a5 من سنة كذا لكذا
وانا ماسمعتش عن a3 a2 a1 مش عارف موجودين ولا لا
والاوكتافيا عربيه تحفه فعلا
قبل كل شئ
أستخدامات حضرتك وده العربية الوحيدة ولا في غيرها
وال 70 دول أول عن أخر ولا سايب شوية لزوم صيانات ومفاجات ؟
حضرتك الأوكتافيا اول ظهورها كان سنة 1996 بمواتير جولف وصناعة تشيكي
نزلت بمواتير 1400 و 1600 و 1800
والشكل الجديد بتاعها نزل سنة 2004 بردو صناعة تشيكي ويعتمد بردو علي مواتير جولف والأودي a3
ونزلت بمواتير 1400 و 1600 mpi
والأوكتافيا عاما عربية حلوة اوي
زيرو مش قدامك غير الفيرنا -الانوس -لوجان -ال byd -اسبرانزا 516
المستعمل ممكن لانسر 2008 1300 مانيوال او 2007 اوتو
لانسر 1600 2006
صني 2008 اوتو
كورولا 2002 اوتو او 2003 مانيوال
لو استعمال يبقي اوكتافيا اتوماتيك طبعا والمبلغ يجيب واحدة حالتها تمام
لو زيرو اجيب نيو اكسنت اوتوماتيك او اوبترا
والله اركب a4 وهاتدعيلي بس ابقي ادعيلي كويس
انا بصراحة بحب الاسكودا اوي بس بحس ان الميجان افخم منها خصوصا ان بنفس المبلغ ممكن اجيب موديل احدث
وال70 تجيب اوكتافيا موديل كام
وشكرا لكل اللي افادني باقتراحاته ومعلومات الاسعار
ربنا يكرمك هادعيلك طبعا
جزاك الله خيرا
وفعلا انا مجرب الاسكودا
من فورمان 94 وفابيا 2003 هي صحيح الفابيا راحت في حادثة رهيبة مع اخويا بس الحمد لله ربنا حافظ عليهم بيها احترمت العلامة دي اوي بعد الحادثة
بس اظن ان الميجان افضل كمان
ميجاااااااااااااااااااااا اااااان لالالالالالالالالالالالال الالالالالالالالالا هاتدعي علينا وعلي المنتدي انا كنت هاعمل زيك بس قسم رينو رفض
انا عجبانى الاوكتافيا اوى هاتها واتكل على الله بس المهم تكون حالتها كويسه مثلا مرشتش بره وجوه وتكشف عليها فى التوكيل علشان تطمن
توكل علي الله وهات اوكتافيا عمليه اكتر من الرينو ودا مش كلامي دا كلام قسم رينو
رأيى سيتروين بيكاسو سى 4...موديلات 2008...حاجة تانية خالص غير الحاجات المتواضعة دى
اول ما شوفت الموضوع جيه في بالي الاوكتافيا a4 على طوووووووول ولقيت الاعضاء بيقولوا كده برده
القلوب عند بعضها فعلا الاوكتافيا عربية محترمة وانا بحبها جدا وكل التحية ليها :)
هو 70 تجيب اوكتافيا موديل كام نضيفة ويا ريت اوتو
ومتفرقش معايا سيدان او استيشن
ولو حد يعرف ينصحني بمكان اجيب منه
وكنت عايز اعرف هو الاوكتافيا a4 فيها abs
مع واحد صاحى وفيا اى بى اس وان شاء الله ركوبتها هتعجبك اووى وثابتها ع الطريق جميل جدا
الاوكتافيا a4
بودى سميك مش رقيق زى باقى العربيات
ثبات رائع جدا على الطريق
عفشة تستحمل ظروف بلدنا
فيها ABS
وباقى الاوبشن زى كمبيوتر رحلات وباور وزجاج كهربة وكده
اهم حاجة وانت بتشتريها تتاكد انها اتعملها صيانة الستين الف طبعا لو عدادها عدى الستين وخصوصا تغيير زيت الفتيس لانه لو ماتغيرش عند الستين يبقى احتمال الفتيس يبوظ بنسبة عالية ودا نتيجة اهمال صاحبها فى الصيانة فلازم تتاكد من النقطة دى قبل الشراء
قطع الغيار الدورية مناسبة زى تيل الفرامل والفلاتر والسيور
ومتواجدة
وكمان عربية بريستيج
شكرا جزيلا ليكم جميعا
ان شاء الله في واحدة هاروح ابص عليها النهارده
ممكن هيونداى متريكس مستعملة 2008 عندى اتوماتيك
لو بتقارن الميجان بالاوكتافيا a4 يبقى طبعا الميجان أفخم بمراحل..
أما أوكتافيا a5 هي اللى برستيجها عالى لانها فئة الجيتا والسيفيك وتجهيزاتها عالية أوي،
بالنسبة لصاحب الموضوع، مفيش أحسن من الزيرو، اشترى دماغك وقدامك اختيارات كتير زي ما قال الاخوة الزملاء
رينو لوجان - بروتون ساجا - فيرنا.
نفسي أشوف الموضوع اللي حضريتك قريته في قسم الرينو وقالك الكلام ده
وبالنسبه للموضوع نفسه
هو الموضوع رأي شخصي بالنسبالي هتبقي الحيره جامده بين الفخامة وبين إعتمادية وغلو قطع الغيار
والمقارنه هتكون بين الميجان و الأوكتافيا
وأعتقد في سعر قطع الغيار مش هيفرق كتير الفخامه أعتقد الميجان تكسب إعتمادية قطع الغيار أعتقد الفرق مش كبير بين الأتنين
وفي النهايه الموضوع راحه نفسيه وحالة سياره ممكن تجيب ميجان تتعبك جداً وساعتهخا هتبقي أزبل سياره في التاريخ بالنسبالك وممكن تجيبها حاله كويسه وساعتها هتبقي مبسوط بيها جداً ونفس الكلام مع الأوكتافيا
وربنا يوفقك للأختيار الأصلح بالنسبالك
ياباشا مع احترامي للماتريكس بس الراجل عايز عربية ركوبة مش ووقفة
مش عارف ليه لما ركبت الماتريكس حسيت اني واقف مش قاعد وكمان كنت خايف أقع من الشباك لأنه تقريبا كان عندي ركبتي
ياباشا مفيش اي وجه مقارنة خالص بقي احنا بنقارن بين الميجان والأوكتافيا تيجي سعادتك تقول فيرناااااا او ساااااجاااااا او لوجاااااان
حرام
11111111111111++
المسألة نفسية وحالة عربية
المقارنة دي بنعملها في حالة ان العربيتين نمرة واحد
والله المستعان
،
،
الأخ الفاضل SYD
أنا مصر ان الميجان كـ ركوبة وبرسيتج وأوبشنز أعلى من ال A4 بكتير
ٍِِA4:
- مفيهاش غير ايرباج واحدة بس للسائق
- أنظمة فرامل ABS فقط
- مفيش تكييف تتش ولا زجاج كهرباء تتش ولا مخدع فى الكنبة الخلفية وأماكن التخزين فيها قليلة، بس تقريبا فيها مثبت سرعة.
- شكل الكونسول قديم جدا والعربية كلها شكلها كلاسيك.
- موتور 101 حصان، 8 صمامات، فتيس مانيوال ( وفي بعضها أوتو عادي بس مشوفتهاش)
ميجان:
- 6 و 8 إيرباج حسب الفئات، فرامل ABS و ِ EBD
- باور كهرباء، تكييف تتش، زجاج كهرباء تتش، فتحة سقف كهرباء، حساسات مطر وضوء، كمبيوتر رحلات وأعطال، وKey less entry
- مرايات ضم، مثبت سرعة، محدد سرعة، مخدع خلفي ومسند يد بكونسول وسطي، ستائر جانبية وخلفية
- موتور 110 حصان 16 صمام، فتيس ستيبترونيك.
...............................................
بالنسبة للاعتمادية، أكيد الأوكتافيا أكثر اعتمادية لقلة التكنولوجيا فيها وصناعتها الممتازة
الثبات عالي جدا كما هو متوقع، والعربية إجمالا ممتازة ولكن مع أخذ فى الاعتبار انها كلاسيكية
وعربية عادية جدا من ناحية التكنولوجيا،
الميجان كل مشكلتها فى الجانب التكنولوجي بتاعها، بعض الناس بيعتبروه ميزة وبعضهم بيعتبرو عيب.
.............................................
بخصوص استخدام الفيبر فى رفارف الميجان، دي أحد نقاط القوة فى تصميم العربية ، لان الفيبر بيمتص الصدمة
من غير ما يؤذى الأشخاص أو العربية نفسها. اتفرج على الرفرف الصج لما ياخد أي خبطة بيبقى شكله ازاي
وياريت بتعرف ترده ع البارد.
.............................................
أرجو لو في أى معلومة خطأ تصححهالي، وشاكر سعة صدرك.
فعلا حضرتك ذكرت حاجات انا كنت ناسيها في الميجان
انا شخصيا معجب بيها جدا جدا جدا
وخصوصا السقف البانوراما بتاعها
بس للأسف قطع غيارها اغلي بكتير اوي عن الأوكتافيا
انا شوفت حاجات في التوكيل رينو (حاجات تطير العقل) قفل الكبوت ب800 جنيه بتاع العربية كليو وعلبة الشكمان ب 4600 بردو كليو ، تيل امامي كان ب480 الله اعلم بكام دلوقتي طقم الكابلات بتاع البوجيهات 1200 جنيه
اسعار خرافية
انا مش لاقي كلام اقوله
الميجان تكسب ككماليات واوبشنز
بس بردو بحب فولكس
والله المستعان
،
،