تقيم جين 2 من الاسكندرية - حيادى وعادل
الشرف لى بان اكون عضو للمنتدى ، وواحد من المستفيدين من المعلومات اللى فيه
واللى دفعتنى لشراء جين 2 ..
انا بقالى اقل من شهر شارى العربية وعملت صيانة اول الف من اسبوع تقريبا
للمعلومة انا كنت راكب BMW دبانة 316 يعنى تقيميى حيكون من مرجع كويس مش موحش
سيارتى 2008 ذهبى (على بيستاج ) اوتوماتك
اولا : الحقيقة احب ان اشيد بالاخ / هانى والاخ / احمد من عز العرب اسكندرية وهما متواجدين مساءا فى معرض الدوان تاون - وللامانة الجماعه لم ياخذوا مليم لا شاى ولا قهوة عند بيع العربية على العلم ان واحد قالى ان فرع القاهرة اخدوا منه 400 جنيه قهوة
ثانيا : عزب العرب - الاسكندرية :
لما رحت لعز العرب اسكندرية لصيانة اول الف كانوا ناس كويسين الحقيقة وسألت المهندس على بعض الامور اللى عاوز افهمها وكان متعاون والعربية مااخدتش اكثر من ساعه تقريبا ( الحقيقة انا سبتها ورحت افطر فى جرين بلازا ) لانه جنب الصيانة فى سموحة
وكانت ملاحظاتى للمهندس كالتالى :-
1- سحب العربية ضعيف شوية وكان رده ان السحب حيتغير بعد صيانة اول الف وحيبقى ممتاز بعد كل 5000 - وده حصل فعلا
2- كان مشكلتى فى الزمارة تقيلة شوية فى الضغط ويجد جزء من الطارة تقريبا مافهموش الزمارة ( يعنى تضغط عليه ولا يصدر صوت ) او تقيل جدا جدا وكان رد المهندس محمد صلاح : ان تصميم السيارة كده وليس عيب فى عربيتى بالذات وذلك لوجود الاير باج تحت الكلاكس واكد كلامه برضه مسئول البيع
3- وانا بالف الدرسكسون ايمع صوت خفيف جدا زى خربشة خفيفة تحت الدريكسيون وكان رده ان دى اسنان الجزء الذى يقوم بتوصيل اسلاك الزمارة وزرار الكاسيت اللى فى الدركسيون وانه عادى برضه ولا يكون مشكلة
4- كان فيه تزيق بسيط باسمع من خلفى عند الدخول فى المطبات - العجيب ان الصوت ساعات اسمعه وساعات لأ ومش عارف هو غالبا من الكرسى اللى جنبى او ن ظهره مش عارف احدد بالظبك
ثالثا : رأيى الشخصى :
الحقيقة التسارع اتحسن جدا بعد الصيانة ولكن برضه يوجد فجوة فى التسارع بين 2 و 3 rpm زى ما كثير قاولا بس انا شارى العربية وانا عارف ان مواتير الكام برو بتاعت لوتس دى مصممة على rpm عالى وبالتالى التسارع بيتم بعد 3 rpm
بس الحقيقة انا مش متضايق قوى بس كلى امل ان التسارع حيفرق بعد صيانة ال 5000 زى كثير من الناس ما قالوا ان التوكيل بيفتح حاجة فى الموتور تقريبا
بس الحقيقة العربية ممتازة وربنا يبارك فيها يارب
رابعا : تقييمى بعد ركوب الدبانة :
1- انا سعيد بالسيارة جدا مشكلتى الشخصية تنبع من ان السيارة من الخلف من جوة ( الزجاج الخلفى ) ضيق عن البى ام طبعا كثير وعلشان كده باتعب نفسيا فى الركنة - الحقيقة الجماعه الماليزين دول محترمين جدا لانهم مركبين سينسور رجوع للخلف وهو عملى جدا جدا فى الركنة لانك مستحيل تشوف وراك من الزجاج الخلفى لان السيارة هاتش باك وطبعا عالية من الخلف
بس دى طبعا مشكلتى الشخصية وحتروح بالتعودى
2- الحقيقة والغربية ان كل اللى ركب العربية معايا زى والدى ووالدتى وزوحتى اكدوا ان العربية اوسع من البى ام ( مش عارف ازاى ) وبالتاكيد اوسع فى الطول - يعنى اللى قدام واللى ورا قاعد فارد رجليه مش تانيها قوى ودى حاجة جميلة
خامسا : السفر مع جين 2
لو كنتم بتاسفروا يبقى الجين 2 عربيتكم المنشودة
الحقيقة موضوع الكروز كنترول ( مثبت السرعه ) اللى فى الدريكسيون ( طبعا فى الاوتوماتيك بس ) فوق الرائع بكثير
الحقيقة انا سافرت بورسعيد بيها ورجعت اسكندرية تانى وطبعا شغلت مثبت السرعه ( على فكرة الدبانة بتاعتى ماكانش فيها ) الموضوع رائع جدا جدا - عاوز اقولكم انى كنت فارد رجليه الاثنين جنبد بعض بالكامل بالطول زى ما اكون قاعد فى الصاون بتاع بيتنا - والعربية ماشية لوحدها
طبعا الموضوع ده مفيد جدا كمان علشان الرادار لانك مش محتاج تبص كل شوية على عداد السرعه لو خايف من الرادار لانك حتظبط تحت ال100 بسنة صغيرة وتنام شوية تلاقى نفسك وصلن بسلامة الله وامنه
سادسا : الامان مع جين 2
نظرا لانى لم اعمل طوال حياتى ولا حادثة الحمد لله ماعدا واحدة فقط كانت معايا هيونداى ولفيت بيها فى طريق بورسعيد الدولى وانا راجع اسكندرية 360 درجة وبعدين طرت ونزلت فى مصرف ماء بحر عمقه 3 متر ( الحمد لله لم اصب الا بخدش فى ايدى الشمال - حتى النظارة لم تخلع من عينيى ) الحمد والمنه والفضل لله ربنا ماكنش كاتب انى اموت فى الحادثة دى رغم انى شفت الموت بعينى - المهم جبت بعدها الدبانة علشان طبعا امامها عالى جدا ولكنى اقتنعت جدا بامان الجين تو فعلا
1- صاج محمل بشكل عجيب ( اول يوم ركنتها امام مدرسة ولما نزلت الصبح لقيت ولد فى ثالثة اعدادى نايم على الكبوت بظهره ورجليه على العربية اللى قدامى وبيزق العربية اللى قدامى وهى فعلا بتتحرك ( تخيلوا قد ايه كان ضغطه على الكبوت من النصف ) انا لما شفت كده ثلت ايه الحلاوة دى خلاض الكبوت اتطبق - ولكن الشهادة لله لم اخ شئ يذكر بعد هذا المضووع
2- التسليح العالى الامان من الجوانب
3- الاثنين ايرباج - دول مهمين جدا وفيه ناس بتقول انت ممكن ماتحتجهمش فى حياتك ولا مرة - ولكن رأىى انك لو لا قدر الله احتجتهم وهما مش موجودين فى لحظة ممكن قوى تعرف قيمتهم -( فى وقت لا ينفع فيه الندم )
4- الفرامل ABS وكمان EBD يعنى الفرامل فعلا ممكن تقول انها بتحس انها بتمسك بالراحة بس فعلا بتمسك بدقة شديدة وبدون ماتحس انك بتتزحلق من الكرسى
الهم .. انا حابعت لكم بالتقرير الدورى عن التقيمي واجدده لكم كل فترة
ياسر رسمى
الاكاديمية البحرية