شكرا
انا معرفش اخر الطريق ده هيودينا علي فين
عرض للطباعة
أيوة كان فيه دين و أحسن من دلوقتى ميت مرة
ما كنتش أخلاق الناس بالمنظر ده ...... ما كنش فيه قيم زبالة زى اللى موجوده دلوقتى ..... الفهلوة و النصب و الخداع و الغش وعدم اتقان العمل ......
التسامح و المودة و الرحمة و صلة الرحم ..... كانوا أحسن من دلوقتى بكتييييير
و بعدين مادام حضرتك بتسأل على التاريخ ...... أيوة زمان و مشايخ زمان و أزهر زمان ....... أحسن من دلوقتى ميت مرة
للأسف المشاهد بيثق فى اعلانات القناة ...... اللى شيخه المفضل بيطلع فيها
و فى الأخر يتنصب عليه
يا سلام و سلم ...... يعنى انا من غير لحية ...... يبقى ما عنديش دلالة واضحة على الألتزام ؟؟؟؟؟!!!!!!
و أساسا مال الناس و مال علاقتى بربى ....... عشان أبقى محتاج اوريهم دلالة واضحة على الألتزام
بالراحة شوية يا استاذ ايهاب (بلاش اخ لاحسن تفهمنى غلط :E_braces[1]: )
المهم انا عاوز بس الفت نظرك لحاجة اولا القران والسنة فيها احكام رادعة لحد الزنى والسرقة والفساد الى اخرة.. وكانت طبعا بتطبق على ناس عملوا الحاجات دى..... طبعا الناس دى كانت بدقن اكيد وكانت المرأة الزانية على الاقل مغطية راسها ان لم تكن بنقاب فموضوع التدين ملهمش علاقة بالشكل لكن اللى بيربى دقنة علشان دى سنة فمش معناة ان اخد ختم العصمة وكذلك اللى لابسة نقاب، دى سنن واللى ربنا بيكرمة بينفزها والله اعلم بنيتة...
أما بقى موضوع المشايخ فأنا مش مع حضرتك لانى انا وانت لما نحب ننتقد حد لازم نحدد اية بالظبط اللى مش عاجبنا فية (بصرف النظر عن موضوع الاعلانات) ياعنى لازم ندرس علم شرعى علشان نقول هو صح ولا غلط مابنفعش اقول هو عمال يرغى وخلاص...... وعلى فكرة انا مرة بتناقش مع واحد فى موضوع تقديس المشايخ اللى انا بصراحة شيفها زادت اوى مع انى بحبهم وربنا يعلم ذلك علشان علمهم لكن مش درجة التقديس فلهم ما لهم وعليهم ما عليهم وبنحسن الظن بيهم .. ياعنى لو حد قالى الشيخ الفلانى طلع وقال كذا ماكنش يصح ان يعمل كذا اشوف الاول واسأل وبعدين اقول صح عندك حق ماكنش يصح يقول كدة لكن فية ناس لمجرد انك تتكلم على خطأ شيخ (مع عدم التجريح فى شخصه) يقولك ازاى تتكلم على الشيخ بالشكل دة، بدون اى وعى ....
في الأخر مينفعش نعمم الجزء على الكل .. وبالعكس الكل على الجزء .. وأنا عن تجارب شخصية اتعاملت مع ناس كتير بجلالايب ودقون وكان فيهم الصالح وكان فيهم الطالح .. ومع ذلك مقدرش أقول أن كلهم كويسين أو كلهم وحشين .. إنما الحكم بيكون على كل فرد بذاته بناء على خبرات التعامل السابقة .
تعليقاً على المشاركتين المقتبستين : أوفقكم الرأي أن زمان كان في دين من غير مظاهر الدين (حجاب .. نقاب .. دقن ..إلخ) .. وفي الوقت الحالي مينفعش برضه نعمم ونقول أنه مع انتشار مظاهر الدين في المجتمع ظهر في مقابلها انحراف أخلاقي .. لأن كل عصر كان ليه ظروفه الاقتصادية والاجتماعية والثقافية اللي بتتحكم فيه .. يعني يا فرحتي أن مظاهر الدين منتشرة اليومين دول وفي نفس الوقت مناهج التعليم أو برامج التليفزيون مبتدعوش لكدة وأكيد بيبقى ليها تأثير في ظهور مثل هذه الانحرافات .
الله يفتح عليك .. قلت كلام مكنتش عارف أعبر عنه .
يعني انا واحد من الناس مكنتش بحب اتنين من شيوخ السلفية بسبب تصريحاتهم الأخيرة في الأمور السياسية .. وكنت معترض عليهم لعدم حنكتهم السياسية (بغض النظر عن صدق هذه التصريحات أو تحويرها أو التلاعب بها من قبل الأخرين) وقفلت منهم تماماً .. ولكن بيني وبين نفسي انتقدت نفسي أني حكمت عليهم تماماً من زاوية واحدة .. ولما سمعت أمور دينية منهم وجدتهم ناس بيتكلموا في الدين بشكل مقنع وجميل (رغم أني كنت رافضهم شكلاً وموضوعاً بسبب موقف ما) .. فمينفعش أقفل عقلي وأحدد أرائي وأجعلها كلها منحصرة في زاوية واحدة .
سبحان الله قلة الادب بقت جراءه و لسه العلمانيه يام هنشوف منها انحلال