ده شىء طبيعي جداً هذه الأيام........دعهم يسفقون ويطبلون لبعضهم البعض
عرض للطباعة
يعني دا اللي حضرتك شايفه ؟!
اقول لحضرتك من الآخر .. لو هي دي فعلا رؤيتك .. فأنا مش متوقع من حضرتك انك تقول كلمة كويسة في اي شيخ
ولا متوقع ان حضرتك يعجبك اي حاجة
ومتوقع ان حضرتك ممكن تعلق حتى على لوجو القناة
وبجد انا اكثر ما ضايقني .. اتهام النوايا
يقول تعالى
"يا أيها الذين امنواغ اجتنبوا كثير من الظن إن بعض الظن اثم"
أما موضوع ان حضرتك مش شايف اي تأثير.. يمكن بس يمكن انا واحد فعلا من اللي تأثروا بهذه القنوات واتعلمت منها حجات .. في وقت اللي انت لو عايز تتعلم في الأزهر .. ياريت تقلي اعمل ايه ؟
عايز غيري .. مستعد اقلك 100 شخص حواليا .. ومستعد اقلك انظر في خطب الشيوخ الناس اللي بتروح وبتحبهم (اكيد مش عشان شكلهم)
وممكن حضرتك تشوف احصائيئات مشاهد القنوات وشوف كدا ترتيب قناة الرحمة مثلا الكام ؟
ويا سيدي لو الناس حتى بتسمع ومبتتعلمش .. سيدنا نوح دعى قومه قرابة الألف سنة لم يؤمن معه الا قليل يقال حوالي 9 وفي قول 80
ويا سيدي .. الأب بيعلم في ابنه ويربي فيه وبيتطلع في الآخر فاشل او فاسد .. عشان بتدخل عوامل تانية .. متنساش كمان امن الدولة كان مقيدة حرية الشيوخ ازاي وكانت مبتخلهمش يتكلموا غير في الي هما عايزينه ومتراقبين 24 ساعة - انا ممكن احكيلك قصص وتقلي ايه رأيك_
حاجة سريعة كدا .. شارعي من 4 سنين مكنش في واحد ملتحي ومعظمه مبيصليش وكان عندنا ناس فعلا الدين غير معلومله ملامح في حياتهم
وكان عندنا 5 مساجد في الشارع .. بيلصي في كل مسجد 2 او 3 واكبر مسجد بيلصي فيه عشرة وسعات بيلصي الأمام لوحده
اتفتح مسجد سلفي جمبينا من 4 سنين
الآن عندنا حوالي 60 واحد خاتموا القرآن ..
ووقت الصلاة ممكن تشوف المساجد عندنا .. الحمد لله بقيت معمرة بالناس
الدروس شغاله في المسجد يوميا ..
عقيدة اهل السنة ورياض الصالحين ومصطلح و متون عقيدة ومصطلح .. وفقه وتفسير
يعني شتى العلوم الحمد لله موجودة
معندناش حد بيتعارك مع التاني .. الجيران قمة في التعاون .. معظم المشاكل اللي بيحلها الشيوخ سواء فردية اوجماعية
حضرتك لما تأتي وتنكر كل ذلك .. اعتقد الموضوع صعب
حتى ان ملهاش اي اثر لا .. وللعلم حضرتك انا دارس علوم شرعية .. واقدر اقلك ان القنوات دي مش قناوات دعوية .. يعني اقرأ مثلا قناة دعوية .. لكن القنوات دي منهجية وفرق كبير بين القناة الدعوية والدراسة المنهجية
وللعلم لو القنوات دي مفيهاش دراسة ومنهج صحيح .. -واكيد كل شيء في اخطاء بس احنا بنأخذ بالغالب- مكنش فعلا الأزهر سمحلها بالوجود .. ومكنش شيخ ال.هر استقبل الشيخ محمد حسان عنده
ولا كان اتسمح له بالخطبة في مسجد عمرو ابن العاص ..
ولا كانت مساجد الأوقاف سمحت ان السلفيين يدوا دروس فيها
دا غير معلومة بسيطة كدا بردو
قناة الناس فيها اصلا 48 شيخ .. 44 شيخ منهم ازهري .....!
وتعليقا على "البعض القليل جدا من تبعي هذه القنوات نهجوا المنهج الصحيح"
الجملة دي دليل على ان القنوات دي فيها منهج صحيح .. لإن لو منهجها مش صحيح .. يبقى مكنش حد هيعرف ينتهجوا من نفسه
يبقى المشكلة في الاستجابة ..
وانا بدعوا حضرتك .. تتابع هذه القنوات .. وتقلي ما هو المنهج الغير الصحيح ..؟
في الأصل لا طبعاً .. ولكن للأسف اللي حاصل دلوقتي من بعض الناس أنهم بيتخذوا الدين ستارة لهم لأفعال معينة ولخداع الناس (أنا أقصد أشخاص وليس شيوخ البرامج والمساجد) والله أعلم بنيات الجميع .. وأنا حديك مثل على ذلك داخل نطاق الموضوع .. زي الاعلانات بتاعة الكمبيوتر .. يطلعلك واحد من شركة كذا (ومربي دقنة .. الزبيبة في دماغه أد كدة) ويقولك أقوى العروض وأقوى الكمبيوترات هارد 20 جيجا .. رامات 256 يعني تقدر تنزل عليه كل البرامج الدينية اللي أنت عاوزها ...إلخ هل أنا كمشاهد عادي معنديش خبرة في الكمبيوتر حقدر أفرق إذا كان الكلام ده صحيح ولا غلط .. ولا ممكن أعتمد على المظاهر وأشتري لمجرد المصداقية في القناة ومظهر المعلن .
بس دعنا نتفق مع الرأي القائل بعدم تقديس الشيوخ لأنهم في الأول والأخر ليسوا رسل ولا أنبياء ومعرضون للخطأ (وهو شيء وارد جداً وليسوا منزهين عنه) .. والدفاع المطلق عنهم بدافع حبهم الشخصي أو حب العلم الذي يلقونه ليس مبرر كافي للتغاضي عن بعض أخطائهم (والتي ليس شرطاً أن تكون أخطاء دينية بحته) .
تعليق على السريع قبل الفخفخينا بقى
يعني .. حضرتك شايف ان اللي وصلناله دلوقتي بسبب الشيوخ ؟!
وبرده تعليق بسيط .. زمان كان في حاجة اسمها حشمة بس مش حجاب .. والحشمة كانت تشمل معنى ان الميني جيب حشمة .. والشعب كان مرتاح عن دلوقتي .. وكانت الناس قليلة والحياة كريمة .. وبيخافوا على بعض
يكفي ان احنا زمان كان عندنا تراخيص بيوت البغاء .. واللي وقف قدام الموضوع دا كان الأخوان .. على حسب اخر ما قرأته
وكان عندنا تفشي في موضوع القبورر والنذور والتوسل ..
الآن انا شايف ان اصبح فيه دعوة وعلم عن زمان .. بس الإستجابة مع العدد مع العوامل الخارجية هي المختلفة.
احترام الراي الاخر عند كل الدول وكل الناس المثقفة لكن لناس المغيبة والمجهلة متلاقيش
الناس الي طلعو الفترة الاخيرة دول لا عندهم ديمقراطية ولا بتاع
ولا عندهم جزور اصلا لان عمر فكرهم ميزيدش عن 100 سنة ولو قارنتة بعمر حضارة مصر الوسطية هتلاقي ولا ولا اي حاجة ولة لة قيمة
والدليل اساسا عدم تقبل الاخر زي ما واضح من تعامل الفئة دي مع الشعب كلة
مسلمين مبيفكروش بعقليتهم وعندهم فكر مستنير فا يبقو كفرة وملحدين
او مسيحيين فا يطلعو اشاعات عشان يبق في مبرر للحرق والهدم والقتل
فا حضرتك متتوقعش من الناس دي انها تقبل كلامك ابدا حتي لو شايفين شيخ قتل واحد قدامهم وقالهم دا شرع ربنا هيمشو ورا كلامة وهما ميعرفوش الحجات دي ظهرت في الفترة الاخيرة لية ولا بتتمول من مين
بس شعبنا غلبان ولما بيزعل غضبة زي الطوفان ومظنش انة هيستحمل ديكتاتوريتهم كتير
واضح إن صاحب الموضوع حاد عن هدف الموضوع ألا وهو الإعلانات وأظهر السبب الرئيسي ألا وهو الهجوم على المشايخ وأهل العلم وعلى مظاهر الدين عامة
أما عن استهزائك بأهل العلم وسخريتك منهم فأقول لك {يَا أَيُّهَا الَّذِينَ آمَنُوا لَا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ} [الحجرات: 11].
قال تعالى: (( إن الذين أجرموا كانوا من الذين آمنوا يضحكون * وإذا مروا بهم يتغامزون وإذا أنقلبوا إلى أهلهم أنقلبوا فكهين * وإذا رأوهم قالوا إن هؤلاء لضالون * وما أرسلوا عليهم حافظين )) سورة المطففين ، آية : 29 ، 33
أما عن الإستهزاء باللحية :
(( يا أيها الإنسان ما غرك بربك الكريم * الذي خلقك فسواك فعدلك * في أي صورة ما شاء ركبك )) سورة الإنفطار ، آية 6 ، 8 .
أتهزأ باللحية وأنت تتجاهل أنها خلق الله وفطرته التي فطر الناس عليها ووهي تنبت للرجال وهي سنة رسول الله صلى الله عليه وسلم الواجبة ، فقد قال نبينا صلى الله عليه وسلم : ( خالفوا المشركين ، أحفوا الشوارب وأوفروا اللحى )
ولا أدري ما سر هذا الهجوم على المظهر ، نعم المظهر ليس كل شيء ولكنه جزء من الهوية الإسلامية التي نفخر بها ، بل هي جزء من ديننا فحري بك أن تنصح لا تفضح
وأبشرك:
‫ط§ظ„ط´ظٹط® ظ…ط.ظ…ط¯ ط.ط³ط§ظ†: ظ„ظ† ظٹط³طھط·ظٹط¹ ط£ط.ط¯ ط£ظ† ظٹط³ظ‚ط·ظ†ط§ ط£ظˆ ظٹط³ظƒطھظ†ط§‬‎ - YouTube
أتعلم لماذا ؟؟
لأننا بالله استعنا وهو الركن الشديد
إعلم أن حب أهل الدين من الإيمان (ولا نغلوا فيهم ولا نقدسهم فهم بشر مثلنا)
ولا يدفعك بغضك لشخص أخطأ وكلنا يخطئ أن تسقطه بالكليه فمن ذا الذي لا يخطئ قط
وأسأل الله لي ولك الهدى والتقى
وأن نرى الحق حقا وأن يرزقنا اتباعه
وأن يرينا الباطل باطل وأن يرزقنا اجتنابه
سترني الله وإياك بستره الجميل
وتقبل مروري
لأ طبعا يا أسامة ...... ما حدش يقدر يقول كده ان الحال اللى وصلناله ده ..... بسبب الشيوخ
و لا أنا عمرى قلت كده ...... ولا أقصدى كده
بس زمان كان عندنا مؤسسة دينية بحق ...... مرجعية واحدة لكل المسلمين فى مصر و برة مصر كمان
لكن بص حالنا دلوقتى ...... انتشار القنوات و ظهور العديد من الشيوخ اللى بيمثلوا اتجاهات و مذاهب مختلفة مع التضليل الأعلامى و القهر و الظلم الأمنى ...... أدى لنتيجة واحده
فصلنا عن الواقع ...... وأصبح المظهر أهم من الجوهر
الناس زمان ..... جوهرها كان حلو بجد ..... يمكن المظهر عليه تحفظات ماشى
الناس دلوقتى ...... جوهرها زفت و أطران ...... و ممكن كتير تلاقى مظهرها حلو
مين أسهل فى التغيير ...... الى جوهره حلو و مظهره عليه تحفظات ..... ولا العكس
بالنسبة لأيه اللى حصل فى المجتمع من تغيير ...... ده موضوع كبير اوى
للاسف الإجتماعي فيه تيار متطرف بزيادة و مش عارف دول مالهم
ولكن احنا معندناش قدسية ولا عصمة للشيوخ
واجب احترامهم لكن الشيخ يخطئ ويذنب ويتوب زيه زي غيره
كفاية تقديس للشيوخ
----
ده عشان بس في ناس واخداها على نفسها قوي وكانهم (أي الدعاه ازهرين أو لا) ملائكة تمشي على الأرض