الموضوع: نيسان صني المنحوسه (موتور حاليا + فتيس سابقا)

المشاركة الأصلية كتبت بواسطة walidadel

لا معلش بقي ياباشا معلومه خاطئه
علشان اغير الجوان مش هافك كل ده اكيييييييييييييد
انا هافك المسامير بتاعة الداير بتاع الوش الاسود و بعدين هلاقي علطول مسامير اللي ماسكه الوشك في البلوك و دول هايبقي 8 مسامير تقريبا هايتقرط عليهم نفع التقريط ماشي مانفعش هايتفكوا بسهوله الوش هايطلع كله تشيل الجوان و تحط جوان ثم الوش ثم تربط ال8 مسامير تاني
مش هايحصل انهم هايفكوا كل دا و عمود الكامات و السبايك كل الحاجات دي مالهاش لازمه انها تتفك و اصلا اصلا الموضوع ده مايخدش ساعتين زمن فك و تركيب و تكون العربيه دايره لانه مش هايعمل حاجه تذكر دا هايشيل جوان و يركب جوان بيسطه يعني
انا معلم لحضرتك في الصوره بتاعتك المسامير بتاعة الداير اللي هاتففك في الوش الاسود و المسامير اللي هايتقرط عليها في وش السيلندر و لو الجوان هايتغير هما دول بردوا اللي هايتفكوا و يتشال الجوان القديم و يتركبوا تاني



و اصلا ممكن يكون الوش البلاستيك دا هو اللي الجوان بتاعه وحش و بسيل علي تحت مكان ماحضرتك بتلاقي الزيت كده حصلت معايا في اللانوس مره و كان الجوان نشف بتاع الوش البلاستيك

ارجوا اكون افدتك

هو مش الوش البلاستيك هو جوان وش السلندر ده اولا ثانيا عشان تفك جوان وش السلندر لازم تفك الوش نفسه يعني هاتفك الاتي

عامودين الكامات
جنزير الكاتينه
المانيفولد
الشكمان
و تطلع الوش نفسه عشان توصل للي تحته
الي هو الجوان