الموضوع: نيسان صني المنحوسه (موتور حاليا + فتيس سابقا)

المشاركة الأصلية كتبت بواسطة fbiahmed

هو مش الوش البلاستيك هو جوان وش السلندر ده اولا ثانيا عشان تفك جوان وش السلندر لازم تفك الوش نفسه يعني هاتفك الاتي

عامودين الكامات
جنزير الكاتينه
المانيفولد
الشكمان
و تطلع الوش نفسه عشان توصل للي تحته
الي هو الجوان

والله عارف الجزء اللي هايتفك ايه بالظبط ياباشا
ماحضرتك دلوقتي جايب صوره و بتقول ان كل دا هايتفك وانا رديت عليك و عمود الكامات مش هايتفك لان فكه مش هايفدني في حاجه
جنزير الكاتينه و الشكمان و المانيفولد دول لازم يتفكوا

المشاركة الأصلية كتبت بواسطة ahmed.tv

اسف على التاخير فى الرد نظرا لظروف خاصة

طبعا قلبى معاك .. ومقدر الروف اللى انت فيها لسبب .. اى حد بيقا دافع ولو جنيه .. بيكون تعبان فيه .. والمقابل فيه بيبقا عاوز يكون كل حاجة تمام ومظبوطة .. وخصوصا لو كنت دافع 90 الف وفى عربية زيرو

بخصوص انك ترجع العربية .. او تاخد عربية مكانها .. ده صعب جداا .. ودى مش سياسة نيسان بس .. دى سياسة كل التوكيلات ولو كانت بى ام او مرسيدس

وانا معرفش حظك غريب مع العربية دى فعلا .. لان فى ملاك هنا فى نفس المكان اللى انت فيه العربية معاهم .. وبيشكروا فيها جدا ..

ولو قولنا الناس اللى هنا متحيزين .. وبلاش ناخد منهم نصيحة .. يبقا ننزل الشارع المصرى .. اللى مبدووررر عربيات صنى كتير وسالناهم .. حتلاقى ناس بتعدد فى مميزات العربية ومبسوطة منها

فا اللى حصل معاك ده حالة فردية جدا فى العربية

والعربية الماتور جاى من بره من اليابان .. واليابنين وغيرهم حتى لو كانوا شركات سيارات فى اليابان زى تويوتا او هوندا او حتى فولكس فاجن .. وارد يطلع من عندهم عيب تقفيل وعيب صناعة .. ده وارد عند الناس كلها

فمعلش حظك جه كدا ..

وانا سالت مدير الورشة النهاردة .. وطمنى .. وقالى انه طلع جوان وش التقسيمة واتقرط عليه .. وباذن الله يكون خير

وتتحل كل المشاكل وتتمتع بالعربية
وان شاء الله خير وكل الامور تتحل باذن الله

بعد التقريط و بعد ما استلمتها العربيه جابت زيت من نفس المكان تاني كلمت مدير الصيانه قالي هاتها السبت و لجنه من المصنع هاتشوف هانعمل ايه قولتله تاخد وقت اد ايه قالي معرفش

يا استاذ احمد على الاقل نغير الموتور و نبي خليك معايا و تابعني ربنا يكرمك