.. فين الناس دى !! ..

**Bassem Raafat** · 13-07-2011 11:17 PM

أعضاء قسم شيفروليه الكرام .....

بالإتفاق مع عمدتنا ومنسق قسمنا العزيز ( الأستاذ / أيمن على ) .... إتفقنا إنى أعمل موضوع جديد شامل ومفصل لكل مواضيع الأوبترا ، وكنت بقلب فى صفحات القسم علشان أجمع أكبر عدد من المواضيع المهمه والمفيده .

لاحظت وجود أعضاء كتير معانا فى القسم ، وإكتشفت إن ملاك الكروز والسبارك كتير مش زى ما إحنا فاهمين ، وإكتشفت أعضاء كتيــــــــــــــــــــــ ر معاهم أوبترا .... وللأسف فى منهم كتير لسه شاريين عربياتهم قريب من شهور ومنهم من تعدى السنه بحاجات بسيطه .

إكتشفت إن فى ناس كتير بقت بتاعة مصلحتها .... بمعنى ( أعمل الموضوع ---> أشارك كام مشاركه ---> آخد مصلحتى ---> مرجعش أحكى للناس إيه اللى حصل وأفيدهم ---> مقولش حتى شكراً ) .

فى ناس كتير معانا عارفين إن عندهم ظروف سفر أو باعوا العربيه ، والحمدلله إننا بنراعى هذه الظروف ... لكن وجود ناس معانا هنا لمجرد مصلحتها بصراحه شيئ محزن .

.
.
.
.
.
.
.
.

مش عارف أقول حاجه تانى بصراحه لإنى بجد زعلان على المجهود المعمول هنا فى القسم وتكون النتيجه والشعار هو ( مصلحتك ونفض ) .... وفعلاً دلوقتى حسيت بأحمد مصطفى ( منسق قسم نيسان ) لما كان بيحكيلى على نفس القصه عنده فى قسم نيسان ، وقد إيه كان زعلان .

وشكراً

**Usama Nagi** · 14-07-2011 01:02 AM

المشاركة الأصلية كتبت بواسطة Bassem Raafat

أعضاء قسم شيفروليه الكرام .....

بالإتفاق مع عمدتنا ومنسق قسمنا العزيز ( الأستاذ / أيمن على ) .... إتفقنا إنى أعمل موضوع جديد شامل ومفصل لكل مواضيع الأوبترا ، وكنت بقلب فى صفحات القسم علشان أجمع أكبر عدد من المواضيع المهمه والمفيده .

كويس يا بسوم المجهود القوي ده

لاحظت وجود أعضاء كتير معانا فى القسم ، وإكتشفت إن ملاك الكروز والسبارك كتير مش زى ما إحنا فاهمين ، وإكتشفت أعضاء كتيــــــــــــــــــــــ ر معاهم أوبترا .... وللأسف فى منهم كتير لسه شاريين عربياتهم قريب من شهور ومنهم من تعدى السنه بحاجات بسيطه .

إكتشفت إن فى ناس كتير بقت بتاعة مصلحتها .... بمعنى ( أعمل الموضوع ---> أشارك كام مشاركه ---> آخد مصلحتى ---> مرجعش أحكى للناس إيه اللى حصل وأفيدهم ---> مقولش حتى شكراً ) .

فى ناس كتير معانا عارفين إن عندهم ظروف سفر أو باعوا العربيه ، والحمدلله إننا بنراعى هذه الظروف ... لكن وجود ناس معانا هنا لمجرد مصلحتها بصراحه شيئ محزن .

انت لسه فاكر الموضوع دا من مده كبيرة

وهو شئ محزن فعلا بس ده بسبب ان شيفروليه في مصر منتشرة زي ما بتقول انتشار هادئ يعني المعظم شايفها عربية عملية و مزاياها حلوة و اهي ركوبة و السلام

ناس قليلة في مصر عندها انتماء لماركة شيفروليه و تحب عربياتها و هو ده سبب قلة المشاركات الا في المشاكل و اغلبها في نفس الحاجات مش مكلف نفسه يدور الأول

.
.
.
.
.
.
.
.

مش عارف أقول حاجه تانى بصراحه لإنى بجد زعلان على المجهود المعمول هنا فى القسم وتكون النتيجه والشعار هو ( مصلحتك ونفض ) .... وفعلاً دلوقتى حسيت بأحمد مصطفى ( منسق قسم نيسان ) لما كان بيحكيلى على نفس القصه عنده فى قسم نيسان ، وقد إيه كان زعلان .

هل لسه الشعور دا عنده ولا خلاص خلص

معلشي يا بسوم دورنا اننا ننشر حب الماركة دي غصب عن منصور و الست امينة بتاعته دي اللي ضيعتنا

وشكراً

العفو يا سيدي اقعد انت بس اعملنا مواضيع و اتعب ايديا معاك

حبيبي يا بسوم

**Dr_ahmedrady** · 14-07-2011 05:11 AM

معاكم يا ريس والله
بس هو فى اوقات كدة المنتدى بيريح
بدخل الاقى المواضيع هى هى و الردود زى ما هى
و فجاه واحدة تلاقى فيض مواضيع نزل فجاة
ساعتها الواحد بيفرح اوى

ده والواحد بيتلكك للعربية عشان يعمل هنا موضوع يا عم باسم

**mhmdalsaadany** · 14-07-2011 07:56 AM

والله يا بسوم عندك حق والله الموضوع دا محزن جدا جدا وكمان بصراحه مافيش اي نشاط ملاحظ في القسم يعني تقدر تقول كدا بيات شتوي مع اننا في عز الحر هههههههههههههههه

**M.Yahia** · 14-07-2011 08:07 AM

دا العادى فى القسم هنا على مدار السنة بيبقى فى اوقات نشط و حبة نايم و متغطى بس اهم حاجة ان لو حد احتاج معلومة او خدمة محدش بيتاخر عليه و دايما الكل بيساعد و ان شاء الله تفرج قريب برضه احوال البلد مخليه الواحد قرفان من نفسه و من كل حاجة و مش طايق نفسه على العموم ان شاء الله الفرج قريب .

**ecybrarian** · 14-07-2011 11:43 AM

بص يا باشا، الحمد لله إن في ناس بتقدر تفيد الناس..حتى لو كانوا بتوع مصلحة

**aymanmaly** · 14-07-2011 12:24 PM

بص يا حريف
احنا لو بنشارك فى المنتدى يبقى بنشارك لوجة الله يعنى مش منتظرين حاجة من حد
و ندعى ربنا انة يكتبلنا دة فى ميزان حسناتنا
و دة عمل اجتماعى
و الناس مقتنعة ان المواقع الحياة فيها افتراضية
على عكس تجربتنا احنا مع النت و هى اننا اتنقلنا من عالم افتراضى الى العالم الواقعى
و دة طبعا اغلب المتعاملين مع المواقع ميعرفهوش
دة مش معناة انى مع عدم التجاوب بالعكس دة بيضايقنى جدا انا كمان

نيجى بقى لحاجة مهمة
بحكم المهنة :-)
انا عاملت تحليل لارقام بعض الاقسام

القسم نيسان المواضيع 3128 المشاركات 41499
القسم شيفورلية المواضيع 2808 المشاركات 36402
القسم كيا المواضيع 5471المشاركات 78241
القسم ميتسوبيشى المواضيع 4791 المشاركات 58604
القسم هوندا المواضيع 2104 المشاركات 25474
القسم تويوتا المواضيع 2961 المشاركات 36632
القسم مازدا المواضيع 788 المشاركات 9448

يعنى نسبة المشاركات من المواضيع لكل قسم كالتالى

نيسان 7.54%
شيفورلية 7.71%
كيا 6.99 %
ميتسبوشى 8.18%
هوندا 8.26%
تويوتا 8.08%
مازدا 8.34%
و طبعا لو وصلنا للمشاهدة لمواضيع القسم هاتلاقية رقم فلكى

نفهم من كدة اية ؟

منتظر الاجابات :-)))))

**ahmedaglan** · 14-07-2011 12:46 PM

دة كلام في محلة وبجد الواحد مستاء جدا ان في اعضاء كتير بشوفهم علي الاجتماعى والصوتيات وخلافة معاهم ماركة شيفورلية ومع ذلك ومتلقلهمش وجود ف القسم خااااااالص
بس عادى احنا نعمل الي علينا والباقي علي ست اشهر

**joe_techno** · 14-07-2011 12:47 PM

يا جماعة طبعا انا متفق مع وجهة نظر حضراتكوا بس زي ما في ناس مابتشاركش غير عشان مصلحتها في ناس برضة مبتشاركش عشان خبرتها قليلة شوية في العربيات و متقدرش تفيد الناس اللي بتسأل فبتكتفي بقراءة المواضيع

**Usama Nagi** · 14-07-2011 01:24 PM

المشاركة الأصلية كتبت بواسطة joe_techno

يا جماعة طبعا انا متفق مع وجهة نظر حضراتكوا بس زي ما في ناس مابتشاركش غير عشان مصلحتها في ناس برضة مبتشاركش عشان خبرتها قليلة شوية في العربيات و متقدرش تفيد الناس اللي بتسأل فبتكتفي بقراءة المواضيع

بص الأكتفاء بتفقد المواضيع بس بيضيع جزء من تعب اللي وضع الموضوع

المشاركة حتي بكلمة مشكور او سؤال عن حاجة غامضة في الموضوع او التفاعل معه بصفة عامة بيشجع صاحب الموضوع و بيفيدك انت

غير ان في مواضيع زي التقارير و استعراض الموديلات الجديدة مش محتاجة قراءة بس لازم تقول رأيك في التقرير و رأيك في السيارة سواء كانت جديدة او سيارة منتشرة فعلا

يعني صعب ان واحد يتفرج بس علي المواضيع و ايده ما تاكلوش يكتب اي رد

انا كمثال ما عنديش خبرة في الميكانيكا بس بجتهد واللي بعرفوا بقولوا واللي معرفوش بسأل فيه في نفس الموضوع المفتوح علشان اخد الخبرة

الموضوع: .. فين الناس دى !! ..

LinkBack

أدوات الموضوع

عرض

.. فين الناس دى !! .. - انشر الموضوع فى :

-

-

-

-

-

-

المواضيع المتشابهه

فين الناس دي

الناس اللى بتسال ليه الناس لسه بتنزل التحرير , هما فاضيين و لا ايه

شوفو الناس المحترمة الى بتحترم انسانية الناس عندهم سحب جيتا 977

ليه كل الناس ؟

الناس دى صيع

الكلمات الدلالية لهذا الموضوع

المفضلات

المفضلات

ضوابط المشاركة