سيارة نيو اكسنت 2008 استعمال صيدلى للبيع

**freeman207** · 14-07-2011 01:54 AM

بسم الله الرحمن الرحيم
السيارة نيو اكسنت موديل 2008 اللون اسود ملوكى فابريكة بالكامل وللامانة ربع الباب الخلفى من تحت هو اللى راشش بسبب حكيت فى الرصيف اللى جمب البيت بعد مجبت العربية باسبوع وكان شكلها وحش ومضايقتى فرشيتها
العداد 45000 يعنى من الصيدلية للبيت ومشوار المصيف
الاستبن بحالته بالله منزل الارض
فيها فرش جلد على اعلى مستوى بيج
بها فرش للارضية على اعلى مستوى
طقم دواسات حوض
كاميرا خلفية وشاى دى فى دى
مركب لها فوانيس النيو اكسنت الشبورة الاصلية بالمفتاح الاصلى وبه زينون
مركب لها طقم لمض نيرفا اصلى بلكاتاوت وعمله ضفيرة لوحده
بها حلية نيكل على الشنطة واربع شماسات مزيكا بيج بتنزل وتطلع مع الزجاج
غطاء للطارة جلد
اقسم بالله وحلفان اتحاسب عليه بحط بنزين 92 بقالى 3 سنين ومحطيتش الا 90 الا بتاع 5 الى 6 مرات منهم ايام الثورة والبنزينة مشطبة
شنطة العدة بالكيس بتاعها ماتفتحتش
عدد 2 مفتاح ريموت منهم مفتاح باريموت بكيسه والسولفات بتاع غبور لان بحافظ على حاجتى جدا.
من الاخر عربية بالله ماعايز افرط فيها
كله هيقولى فى نفس واحد عايز تبيع ليه ومنهم مراتى واهلى هقول عايز اشترى شارك هاى لاين وده هتلاقوه فى كل مواضعيى فى المنتدى
المبلغ المطلوب والنهائى 67000 غير قابل للنقاش الرخصة هتنتهى شهر 5/12
والفحص 2014 لان لسة مجدد من شهرين
شرط نهائى ممنوع التجار والوسطاء نهائى نهائى حتى لو سعر اعلى من السعر اللى انا حطه

**ahmed asem** · 14-07-2011 08:44 AM

لو ممكن يا دكتور تنزل صورتين للعربيه وهل السعر نهائي ام قابل للتفاوض ؟

**freeman207** · 14-07-2011 11:41 AM

هو للاسف مش هعرف احط صور للعربية لان مبعرفش امسح الرقم من على الصورة مليش فى الفوتوشوب لكن كل اللى اقدر اقوله المعاينة خير دليل والله على ماقول شهيد والسعر نهائى لان العربية اللى هياخدها ربنا يباركله فيها مش هيحتاج يغير فيها قطعة غيار اوى اكسسورات