مصطفى سعد نازل القاهره يامينز
السلام عليكم ورحمة الله وبركاته
مع الاعتذار للفنان سعيد صالح لاقتباس مقولتة الشهيره فى مسرحية مدرسة المشاغبين بدون اذنه http://www.nilemotors.net/Nile/image...ugh[1].gif
ان شاء الله نازل القاهره يوم الحد 24 - 7
اختى عندها تدريب فى الشركة بتاعتها فى المقر الرئيسى فى القاهره وبما انى من المؤيدين لنظرية ان ضل راجل ولا ضل حيطه قولت انزل معاها اوصلها بدل ماتروح لوحدها فى القطر وافضل قلقان عليها http://i167.photobucket.com/albums/u.../th_mood22.gif
التدريب لمدة يوم واحد من الساعه 10 صباحا لغاية تقريبا الساعه 5 مساء يعنى مدة انتظار 7 ساعات كاملين حيبقوا اطول 7 ساعات فى عمرى لانى مابحبش الانتظار ابدا بس اعمل ايه بقى http://i167.photobucket.com/albums/u...n_wallbash.gif
مكان الشركه فى مدينة نصر عند دار الدفاع الجوى
انا اشتغلت فى القاهره فتره وكنت ساكن فى شارع الطيران والمكتب امام سيتى ستارز فى عمارات ميلسا عند مسجد القوات المسلحه الجديد يعنى عارف المنطقه وفاكرها بس مش اوى لان الموضوع ده من 7 سنين http://i167.photobucket.com/albums/u...ES/th_shyy.gif
عاوز اعرف ازاى اوصل لدار الدفاع الجوى لانى لما كنت باسافر بالعربيه زمان كنت باخد الزراعى واطلع تانى طلعه للدائرى لغاية لما اوصل لنفق السلام وادخل يمين وامشى طوالى وتقريبا لغاية الكليه الحربيه بس بعد كده الميمورى خلصت ومش فاكر حاجه من السكه فهل لغاية الكليه الحربيه انا صح ولا كمان فى اخر الطريق مش حلاقى الكليه الحربيه والاقيها اتنقلت وبعد كده ازاى اوصل دار الدفاع الجوى لانى مش فاكر حاجه من السكهhttp://i167.photobucket.com/albums/u...LES/th_doh.gif
وطلب تانى عاوز مكان اقضى فيه السبع ساعات المملين دول يكون قريب من شركتها فمش عارف اروح فين
انا مدخلتش سيتى ستارز قبل كده ايه ظروفه
ايه اخبار الكافتيريات وخلافه و موجود نت واير ليس علشان لو حبيت اخد اللاب توب
ايه اخبار محلات اللبس علشان لو بالمره حبيت اشترى تيشيرت بولو ولا بنطلون جينز ولا جزمه شمواه والاسعار عامله ايه
ولا فيه مكان تانى احسن منه اروحه معلشى انا حاتعبكم معايا بس عاوز حد يحطلى خريطه اقضى بيها اليوم بدون زهق او تعب لانى ناعى هم المشوار جدا ونفسى يتلغى لان مشوار القاهره اساسا دمه تقيل على قلبى اوى خصوصا فى الحر ده فمش عاوز اتفرهد لانى لسه حارجع سايق 3 ساعات على الزراعى وقرفه كمان ده غير انها عاوزه تروح العباسيه تقابل واحده صاحبتها قبل ما نرجع ان شاء الله يعنى يوم مكمل لغاية 12 منتصف الليلhttp://i167.photobucket.com/albums/u...I_ANGR7E11.gif
انا غالبا حاركن العربيه عند الشركه لان هناك تقريبا فيه باركنج وامن وحاخد تاكسى اروح بيه اى مكان اقضى فيه اليوم بدل ماخد العربيه معايا فى حته احتاس فى مكان اركنها فيه وتتسرق منها حاجه او تتسرق كلها وربنا يستر http://i167.photobucket.com/albums/u...779/th_ask.gif اخيرا تحياتى ليكم وشكرا مقدما http://i167.photobucket.com/albums/u...th_SENDIN1.gif