الحوار ده بقى له اسبوعين معايا
صدفت بالليل ماشي من غير تكييف.... بامد ايدي اخد منديل لقيت فتحات التكييف بتطلع نااااااااااار
معنى الكلام ده ان البوابة بتاع المكيف السخن مفتوحة على طول
والمكيف بيبقى شغال سخن على ساقع
وعشان كده اما العربية بتقف حبة بسيطة وتسخن تلاقي الصهد زاد فبيضيع البروده بتاع الكباس
على الرغم من كون الكباس شغال
يبقى الحل ايه...مفيش غير اني استغنيت عن المكيف السخن وفصلت خرطوم الهيتر من صدر العربية
وكانت النتيجة مذهلة....على 4 وعلى طريق الاسماعيلية الصحراوي الساعة 4 العصر وكنت بدات ابرد
واما جريت شوية لقيت المكيف بدا يفصل من البروده
وانخفض استهلاك البنزين طبعا بما انه بيفصل
لو عاوزين الطريقة انا ممكن اشرحها لكم وممكن نعملها كلنا...الميزة فيها انك ممكن ترجعه تاني من غير اي تلفيات