تكييف غريب

**loaytotti** · 14-07-2011 09:48 PM

يا جماعة إبمارح عملنا الكومبروسر و ركبنا كومبروسر جديد و شحنا فريون و كشفنا على الدورة و الدنيا تمام و التكييف شغال امبارح زى الفل و النهارده الصبح برده زى الفل بس النهاردة الضهر التكييف كفائته بقت سيئة حد يعرف ليييه

**loaytotti** · 15-07-2011 06:22 PM

إيه يا حماعة مفيش حل ولا إيه

**sonaeg** · 15-07-2011 08:57 PM

مبروك علي الكومبريسور الجديد اولا ...وان شاء الله حاجة بسيطة....بس اعتقد والله اعلم مادام مرة واحدة كفائته قلت تكون حاجة سربت الغاز ....او بلف الاكسبينشن مثلا....وهل بعد ماركب الكومبريسور الجديد جرب كبسه وكده ....اصل انا زمان كنت بشحن التكييف زي الفل تاني يوم الاقي الكومبريسور جاب زيت والبرودة قلت مرة واحدة فحضرتك بص علي الكومبريسور برده كده لو لاحظت حاجة وروح للراجل تاني مادام انت دافع فلوس او روح لواحد ثقة.....هذا والله اعلم وان شاء الله بسيطة

**exact** · 15-07-2011 09:10 PM

ممكن لو الموضوع ده بيحصل الضهر بس يبقى كفاءة المروحة بتاع السربنتينة اللي في صدر العربية مش كويسة...والاحتمال الاكبر ان السربنتينة متوسخة جامد فمش بتفقد الحرارة كويس...حضرتك ممكن تغسلها بميه وخل هتنضف كويس

**loaytotti** · 15-07-2011 09:14 PM

أولاً الله يبارك فيك
ثانيا أنا رايحلوا بكره و هخليه يبص على بلف الإكسبنشن و يشيك على كل حاجه و على فكره هو كشف على كبس الكمبروسر و سعتها من كتر قوته قلى ده إنتا هتتكيف بجد

**loaytotti** · 15-07-2011 09:15 PM

و فى الأخر شكرااااااااا ليك جدا

**sonaeg** · 16-07-2011 12:00 AM

ربنا يهديك للسبب ان شاء الله والشكر لله وابقي طمنا :)

**loaytotti** · 17-07-2011 12:55 AM

يارب أعرف الحل و لما أعرف هبقى أطمنكوا و بردوا شكرااااااا ليك

**loaytotti** · 22-07-2011 11:53 PM

يا جماعة أنا لحظت حاجة هو دلوقتى التكييف فى وسط النهار بيبقى على 4 و بردو مش الكفائة بتعته بس بليل بيبقى على 1 و تلج و الصبح بدرى نفس الكلام بردو فهو شكلو بقى الحر الجامد هو اللى بيعمل كده

**sonaeg** · 25-07-2011 01:36 AM

المشاركة الأصلية كتبت بواسطة loaytotti

يا جماعة أنا لحظت حاجة هو دلوقتى التكييف فى وسط النهار بيبقى على 4 و بردو مش الكفائة بتعته بس بليل بيبقى على 1 و تلج و الصبح بدرى نفس الكلام بردو فهو شكلو بقى الحر الجامد هو اللى بيعمل كده

نفس الحكاية دي بتحصل معايا بالتحديد فعلا.....هوا انا غسلت السربنتينه ونضفت الرادياتير وغيرت المروحة اللي علي السربنتينه والموضوع قل شوية الحمد لله.....المشكلة ان التكييف عايز العربية تكون ماشية بسرعة شوية وهنا اغلب الاوقات الواحد ماشي عالاول وواقف كتير في عز الظهر فطبيعي العربية تسخن وكفائة التبريد تقل......ربنا يرحمنا برحمته وكل عام وانتم بخير :)