بص حضرتك انا تعاملاتى البنكيه قليله جدا يعنى حتى مش بستخدم كارت ال ATM
بس استخدامى لكارت الانترنت كبير يعنى كل اول شهر بدفع فواتير كتير
والاساسى بتاعى اللى بعمل منه كل الشغل هو بتاع الاهلى المصرى ممكن عشان انا كنت عامله الاول فبحبه ..
اولا الزحمه :
طبعا بتعتمد على حجم و مكان الفرع هل فى منطقه حيويه ولا لأ
بالنسبه ل NSGB الفرع اللى جنب بيتى
فرع مش كبير ودايما زحمه الفرع فيه 3 شبابيك فقط
شباكين للعملاء العاديين وشباك لعملاء خدمه " صفوه " طبعا لما تروح وفيه ناس كتير
هتستنى وقت طويل لحد ما يجى الدور بتاعك
وبرده نفس النظام فى خدمه العملاء 3 مكاتب فقط
بالنسبه للاهلى المصرى طبعا عدد العملاء مهول فشيء طبيعى انك تلاقى البنك زحمه
وخصوصا فى الايام اللى بتكون قبل اجازه او بعد اجازه العدد بيبقى فى اللمون
الفرع اللى جنب بيتى فرع كبير
يعنى حوالى 11 شباك و 7 مكاتب خدمه عملاء
بس احلى حاجه فى البنك الاهلى ان الفروع بتفتح لحد الساعه 5 ودى ميزه كويسه
انا دايما بروح بعد الساعه 4 بلاقى البنك فاضى خالص .. وكمان فروع البنك الاهلى كتير جدا
ثانيا خدمه الاونلاين بانكينكج :
بالنسبه ل NSGB الخدمه اسمها NetaBank
من خلالها بتقدر تشوف الرصيد الحالى فى حساباتك او كروتك والتعاملات اللى تمت فيها
تقدر كمان تحول فلوس بين الحسابات او من الحساب لكارت الانترنت
بس التحويل لازم بين حسابين بنفس العمله .. يعنى مش ينفع تحول فلوس من حساب دولار لحساب مصرى و العكس
تقدر كمان تحول فلوس من حسابك لحساب شخص اخر
بس على شرط انك اول مره لازم تروح البنك وتقدم طلب لاضافه حساب هذا الشخص للقايمه عندك
بعد كدا هتلاقيه نزل عندك على الموقع تحوله زى ما انت عايز
يعيب خدمه ال Netabank انك لما بتعمل عمليه تحويل من خلالها بتاخد 48 ساعه عشان تتم
بالنسبه للاهلى المصرى
فيه خدمتين اول واحد اسمها الاهلى نت
دى زى ال netbank بالزبط بس لايتم اى تحويلات من خلالها
يعنى تقدر تقول للاطلاع فقط بتشوف كل حساباتك وكروتك وودايعك والعمليات اللى تمت كل حاجه ..
انما التحويلات بتكون عن طريق خدمه تانيه اسمها اهلى فون
بتتصل برقم معين وتتدخل رقمك السرى هتسمع قايمه بكل حياباتك وكروتك وممكن تعمل التحويلات من خلالها
مش عارف ليه عاملين لكل حاجه خدمه لوحدها
يميزها انك لما بتعمل تحويل من حساب لحساب او حساب لكارت
العمليه بتتم فى نفس اليوم يعنى على الساعه 1 او 2 بالليل بيتم تحديث البيانات
يعيبها انك مش تقدر تحول لطرف ثالث خالص
معلش انا مقولتش معلومات كفايه عن البنكين
عشان زى ما قلت انى تعاملاتى البنكيه بسيطه جدا .. كل اللى يهمنى هو تعاملات النت وكارت الانترنت .
المفضلات