الموضوع: إستطلاع : أفلام تشوفها كذا مرة وأفلام متقدرش تشوفها بالمرة

المشاركة الأصلية كتبت بواسطة Tyler_Durden

أعتقد توم هانكس هو أعظم ممثل أنجبته البشرية
من الصعب أفتكر له فيلم وحش
BIG مثلا فيلم خفيف لكن ممتع
joe vs the volcano أكثر من رائع
cast away و إزاي ممثل يخليك تتابع فيلم تلات أرباعه مافيهوش كلام

أكيد توم هانكس واحد من أعظم ممثلين العالم لكن مش أعظمهم ....
فى ممثلين فى أمريكا جامدين جدآ بردو ....
عندك مثلآ داستين هوفمان اللى شوفت لة أفلام كتير ....
لكن أفضلهم على الأطلاق كان رجل المطر مع توم كروز ....
من أروع الأفلام اللى شوفتها فى حياتى ....
مفيش أى فيلم تانى لداستين هوفمان عجبنى زى الفيلم دة ....
وأخد فى الفيلم دة أوسكار أحسن ممثل ....
نفس الشىء بالنسبة لتوم هانكس ....
أفضل فيلم لة كان فورست جامب ....
مقدرش أوصف لك الفيلم دة أثر فيا أد أية ....
أنا شفتة وأنا فى أولى جامعة ....
وعايز أقولك أنى فضلت أعيط يومين من بعد ما شفتة ....
دة أحسن فيلم شفتة فى حياتى ....
وماحبتش لتوم هانكس أى فيلم زى الفيلم دة ....
الغريب بقى أن بعد الفيلم دة بالتحديد ....
مبقتش أتفرج على أفلام أمريكانى زى الأول ....
عارف لما تاكل حاجة حلوة أوى أوى ....
بيبقى صعب أنك تاكل حاجة تانية مش فى نفس المستوى ....
ممكن طبعآ أنك تاكلها بس مش هتبقى مبسوط ....
من بعد الفيلم دة مفيش أى فيلم تانى علق معايا ....
فيلم فعلآ متكامل ومفيهوش غلطة ....
القصة , الموسيقى , الأخراج , الملابس , الديكور ....
الخدع , التصوير , التمثيل ....
كل ممثل فى الفيلم دة عمل دورة ببراعة ....
فيلم ملووووووووووش حل ....