هى الفكره دى موجوده؟ مراوح بجد بدل تكييف العربيه

**mazagngi2010** · 15-07-2011 02:58 AM

باختصار جميع اللى عربيته مفيهاش تكييف بيعانى فى الصيف ده غير اعطال التكييف وسحبه من الموتور وزياده الاستهلاك والكلام ده كله
فجت لى فكره من واقع شغلى ويعتبر تعديل على المراوح العقيمه اللى بتتحط على التابلوه
عندنا فى معظم الكباين الجديده عملوا الحل ده لتبريدها فى عز الحر ومن غير تكييف
ببساطه شديده heat think متوصل بمروحه زى الكومبيوتر بس معقدينها شويه بكونترول وكده ودايما درجه الحراره بتكون بارده لما افتح الكباين دى لان السخونيه بتنطرد اول باول و ال heat think بتكون متلجه والمروحه اللى قدامها بتوزع البروده دى بشرط تكون الكابينه متقفله
شويه ملاحيظ
-لو هتتنفذ لازم الجهد 12
-نلغى الكونترول لاننا عايزين اقصى تبريد
-الوضع فى الاعتبار انها هتاخد وقت للتبريد الله اعلم قد ايه
-توفير مساحه للمروحه لانها كبيره شويه

ده الضهر مروحه برضه لطرد الهوا السخن

**mazagngi2010** · 15-07-2011 03:20 AM

المشاركة الأصلية كتبت بواسطة loklok

خواطر

؟ ؟

**jotime** · 15-07-2011 03:22 AM

تصدق يامزجانجى الموضوع داخل دماغى وفكر حلوة بجد انا فهمت شوية منها ياريت تبسطها اكتر شوية الله يباركلك وقىل هاتتركب ازاى فى العربية

**amrelsaqqa** · 15-07-2011 03:48 AM

دى مش هيت سنك عادية
دى فيها فكرة
فكرة لطرد الحرارة غير الفكرة العادية بتاعت زيادة المساحة المعرضة للهوا والمادة الموصلة للحرارة ..

اللى فهمته انها بتعتمد على ثنائيات اشباه الموصلات p n زي اللى في الديود والترنزستور
ولما بتطبق جهد ، حركة الالكترونات بتنقل الحرارة من جوة لبرة

صح كدة ولا ايه ؟

لو كدة الهيت سنك دى بتتباع فين وسعرها كام
وهل فعلا بتبرد تبريد معقول ولا تعبان

**zAzU** · 15-07-2011 03:57 AM

انا مش فاهم اى حاجه التبريد هيجى منييين ؟؟

**mazagngi2010** · 15-07-2011 03:59 AM

المشاركة الأصلية كتبت بواسطة amrelsaqqa

دى مش هيت سنك عادية
دى فيها فكرة
فكرة لطرد الحرارة غير الفكرة العادية بتاعت زيادة المساحة المعرضة للهوا والمادة الموصلة للحرارة ..

اللى فهمته انها بتعتمد على ثنائيات اشباه الموصلات p n زي اللى في الديود والترنزستور
ولما بتطبق جهد ، حركة الالكترونات بتنقل الحرارة من جوة لبرة

صح كدة ولا ايه ؟

لو كدة الهيت سنك دى بتتباع فين وسعرها كام
وهل فعلا بتبرد تبريد معقول ولا تعبان

صح يامعلم

وتبريدها معقول جدا كفايه ان الكابينه بتكون بارده مش درجه حراره الهوا العاديه رغم ان الكروت والبطاريات المفروض تسخن الليله
تتباع فين بقى ده اللى معرفوش لانها بتيجى لنا من بره الكباين دى
عايز اسال عن الحاجات دى عند النخيلى يمكن يكون عنده فكره رغم انى اشك فى كده
لكنها تبقى مجرد فكره واخر ما ازهق هطلع افكها من كابينه

(بهزر طبعا)