الموضوع: موضوع لمحبي التاريخ فقط و ربطه بالواقع

المشاركة الأصلية كتبت بواسطة Everlasting

الجيش المصري ممكن تقارنه بالجيش التونسي ... لكن لا يجوز مقارنته بالجيش الليبي المرتزق أو الجيش السوري الطائفي.

المشاركة الأصلية كتبت بواسطة Everlasting

إضافة كمان ... الجيش المصري بجنوده وضباطه .... متربيين كويس ... عائلتي فيها عدد لا بأس من ضباط الجيش في مختلف قطاعاته .. حتى الحرس الجمهوري .. والحمد لله على خلق وبيراعوا ربنا وضميرهم .. وأطمئنك أنه لن يحدث أبداً أن يطلق عسكري أو ضابط (جيش) رصاصة على فرد من أفراد الوطن ... والمجلس الموقر عارف ومتأكد من كده كويس أوي أوي.

العجيب فيك يا Everlasting يا حبيبي انك دائما لا ترد علي اصل الموضوع و تفرع الحكاية
انا لا جبت سيرة الجيش المصري و لا قلت انهم مرتزقة
و العجيب انك لا تقارن ابدا الاحداث
يعني ما حدث في السويس من تصعيد للموقف و قطع طريق السويس و السخنة
و محاولة قطع المجري الملاحي كانت علي وشك ان تحدث مجزرة لو استمر ما يطلقون علي انفسهم بالمعتصمين
و عاوز اذكرك بأن عساكر الامن المركزي دول ( مصريين ) زينا ايضا
و لا ننكر انهم لم ينالو حظا من التعليم و لكن هذا لا ينفي انهم بشر مصريين
و بعضهم ايضا بيصلي و بيصوم و حين تصدر له الاوامر بيتعامل مثله مثل عسكري الجيش ايضا في تنفيذ الاوامر و لو الفرق في القادة و الخلاف كبير بين ضباط الشرطة و ضباط الجيش اقول لك بأن اليومين دول البعض بيحاول استفزاز ضباط الجيش المحترمين و بيتبلو عليهم كمان لمحاولة تسخين الناس عليهم و لا نسينا الشاب ابو ضفيرة بتاع الميدان اللي مسمي نفسه مطرب الثورة و كيف انه ظل يفتري علي الجيش
و نسينا اتهام البنات بتاع لجنة حقوق الانسان و ازاي يكشفو علينا
و غيرها و غيرها من المواقف التي لا يفصل بينها و بين الاحتكاك المباشر مع الجيش الا مجرد زمن لا قدر الله
و العجيب انك في هذه اللحظة فقط
و عند هذا التحذير فقط اجدك تربط بين المجلس الموقر و بين افراد الجيش من قادة و ضباط و عساكر و زي ما فيه قادة محترمين يوجد ايضا اعضاء في المجلس العسكري محترمين و بيعرفو ربنا
و يمكن ان ينجرفو نحو التصدي للبعض ممن لهم اغراض اخري لا انا و لا حضرتك تعلمها
انما هم بحكم عملهم و اجهزتهم يعرفوها جيدا و لو حدث تصعيد و هو علي الابواب لن يستطيعو ان يفرقو بين الحشود بين من هو سئ و من هو وطني
و من هنا جاء ندائي
لماذا لا نستفيد من التاريخ في رطه بواقعنا الحالي
لماذا نكابر و نقول ان ما يحدث حولنا بعيد عنا
بأمارة ايه طيب
يعني لو ان جيوش ليبيا مرتزقة (( طيب و الشعب كمان مرتزقة ))
سوريا ايه اللي يخلينا نبعد عما يحدث فيها
بأمارة ايه طيب و هم اقرب شعب عربي لنا في الطباع و الشخصية و الظروف ايضا
انا هنا لا اجادل و انما اطرح وجهة نظر فقط
لو هذه الخزعبلات التي اكتبها لا ترقي لان تكون وجهة نظر مفيش اي مشكلة يا رب تكون كذلك

م.حاتم السباعي