نيو اكسنت ولا كيا ريو 2012

**mu3** · 15-07-2011 03:28 AM

السلام عليكم ورحمه الله وبركاته

انا اول يوم ليا في المنتدي بعد ما حوشت فلوس العربيه وبما اني بعيد عن مجال السيارات ياريت تنصحوني اشتري كيا ريو ولا نيو اكسنت ولا اشتري مستعمل وعامتا الملغ الي معايا 80000

وجزاكم الله خير ا

**mohamedgamall** · 15-07-2011 12:16 PM

الاتنين عربية واحدة مفيش بنهم فرق جايز انت لو هتجيب مانيول يبقى الاكسنت 1600 و فى الريو 1400 لو اوتوماتيك الاتنين 1600
الاكسنت مننتشرة اكتر بس الكيا بتدى ضمان خمس سنين و توكيلهم سمعتة احسن من غبور

**mu3** · 15-07-2011 04:16 PM

بعد عربيه 504 طلعت عيني وعين الي خلفوني 15 سنه
وبعد تحويشه جامده جداااااااااا قدرت اجمع 80 الف وبصراحه نفسي في عربيه محترمه وقويه وحبه رياضيه وفيها حبه فخامه بحب السفر وكثير التنقل وبحافظ علي حاجتي بكره الانوس والفيرنا ومحتار حيره الدنيا وممكن استلف واجمع 90 ودي العربيات الي انا بفكر فيها واتمني مساعدتكم
قدامي في الجديد

نيسان 2011 اتوماتك ب 92

لانسر 2007 اتوماتك ب75

كيا ريو ب90

نيو اكسنت ب 93

المستعمل

سكودا اوكتافيا a4 اتوماتك ب 88
سوبارو امبريزا 2008 اتوماتك ب 80
جولف 3 فول ابوشن اتوماتك 1999 ب 53

منتظر ردكم بفارغ الصبر ونصايحكم الغاليه جدا يرجاله والله

**mohamedgamall** · 16-07-2011 02:14 AM

انت عايز اوتو ولا مانيول لان لو انت وصلت لل 93 اعتقد ممكن تجيب ال الاكسنت rb
عموما العربيات من الحاجات اللى بتعد مع الواحد كتير فانت هات احسن حاجة تقدر عليها
و ربنا بوفقك للصواب و اللى فية مصلحتك

**raedegypt** · 16-07-2011 02:48 AM

المشاركة الأصلية كتبت بواسطة mu3

السلام عليكم ورحمه الله وبركاته

انا اول يوم ليا في المنتدي بعد ما حوشت فلوس العربيه وبما اني بعيد عن مجال السيارات ياريت تنصحوني اشتري كيا ريو ولا نيو اكسنت ولا اشتري مستعمل وعامتا الملغ الي معايا 80000

وجزاكم الله خير ا

شوف يابرنس

اكسنت ار بى لو تقدر تزود شويه عربيه تصميم جديد وروعه او النيو اكسنت طبعآ ...

**Ghosts** · 17-07-2011 10:39 AM

المشاركة الأصلية كتبت بواسطة mohamedgamall

انت عايز اوتو ولا مانيول لان لو انت وصلت لل 93 اعتقد ممكن تجيب ال الاكسنت rb
عموما العربيات من الحاجات اللى بتعد مع الواحد كتير فانت هات احسن حاجة تقدر عليها
و ربنا بوفقك للصواب و اللى فية مصلحتك

لو عوامل الأمان والفرامل ال Abs & Ebd مش فارقة بالنسبة لك يبقى هات ال RB ....
لكن لو الحاجات دى تفرق معاك يبقى هات الجين2 ....
أنا أنصحك أنك ماتشتريش عربية ميكونش فيها عوامل أمان ....

حضرتك عارف أن الطرق فى بلدنا ما يعلم بيها الا ربنا ....
وربنا يوفقك ....

**م/محمد** · 17-07-2011 11:13 AM

لازم زيرو
وانضف حاجه في الي انت حاططهم الصني طبعا
لو مستعمل يبقي اكتافيا بس موديل عالي شويه

**mu3** · 17-07-2011 08:36 PM

جزاكم الله خيرا علي الردود المفيده جدا
انا بدور بأيدي وسناني علي اوكتافيا a5

بس مشلااااااقي حاجه عدله خالص والمنافسه في الجديد قدامي بين الصني وبين الهيونداي ار بي نيو اكسنت و الانسر الكلاسك وطبعا لو ملقتش الاوكتافيا لازم اخد قرار في الثلاث عربيات دول ايه رأيكو

**raedegypt** · 17-07-2011 09:24 PM

المشاركة الأصلية كتبت بواسطة mu3

جزاكم الله خيرا علي الردود المفيده جدا
انا بدور بأيدي وسناني علي اوكتافيا a5

بس مشلااااااقي حاجه عدله خالص والمنافسه في الجديد قدامي بين الصني وبين الهيونداي ار بي نيو اكسنت و الانسر الكلاسك وطبعا لو ملقتش الاوكتافيا لازم اخد قرار في الثلاث عربيات دول ايه رأيكو

الصنى مصرى وموديل قديم من 2002 وعندك الاحدث نيسان صنى الكورى ال بتتصدر للخليج احسن لك ال هى اسكالا بعلامه رينو 95 الف فيها كل الكماليات هاى لاين. اللانسر موديل قديم يابانى . ار بى شكل حديث حلو . عوامل الامان كماليات والموصفات المصريه لم تحددها كمعيار امان للسيارات بس شغل تسويق ودفع فلوس فى كماليات انت مش محتاجها فى مصر لان السرعه بطيئه والشوارع لم تساعد على الجرى

**SonaSteel** · 17-07-2011 09:36 PM

المشاركة الأصلية كتبت بواسطة raedegypt

عوامل الامان كماليات والموصفات المصريه لم تحددها كمعيار امان للسيارات بس شغل تسويق ودفع فلوس فى كماليات انت مش محتاجها فى مصر لان السرعه بطيئه والشوارع لم تساعد على الجرى

والله انت 100 100 ........... اصل احنا مش بني ادمين
لو بني ادمين كانت المواصفات المصرية خافت علينا وعلي ارواحنا ... وكل ده علشان وكيل (.... ) عايز يشفط فلوس في كرشه وعمال يكبر يكبر وياكل السوق بعربيات مالهاش علاقة بالسيارات اللي بتتباع في اي حتة غير بلدنا الغالية .
لكن احنا خلاص بقينا ببلاش :((((
حسبي الله ونعم الوكيل