الموضوع: عفشة داتشيا

فكرة جميلة وتجربة مفيدة
شكرا لنقل التجربة لكن ايه نوع السيارة بالضبط؟
أنا لسة شاري المساعدين بتوع الداتشيا 1310
الأمامي الواحد بـ200 فرنسي
الخلفي الواحد بـ110 على ما أذكر ياباني

ياجماعة هاشارك بمشكلة مش عارف عامل فيها ايه معايا داتشيا نوفا البطارية فيها اسمه هيونداى كورى جافة لقيت العربية مش عايزة تتدور وبتعتل اديتها زقة مشيت وتمام التمام بطلت منى على الكوبرى عملت زقة ومشيت رحت شخنتها عند الراجل الاشارة بتاعتها مدية اخضر يعنى مشحونة اجى ادور مفيش حس ولا خبر ولا كان فى بطارية اصلا وساعات تعتل رحت لبتاع بطاريات وكاوتش عندى فى رابعة قالى الشحن بتاعها كويس جدا فوق الممتاز يعنى البطارية سليمة قالى روح للكهربائى يغير كتاوت دينامو رحت للكهربائى فى السابع ورشة كبيرة طويلة عريضة قعد يقيس الشحن وحاجت كده دور واطفى وشغل قالى البطارية بايظة الدينمو مفيهوش حاجة وهنا كانت الصدمة اصدق مين فيهم روحت وانا ماشى وقفت سواق تاكسى معاه الرينو 9 اديتله سيجارة مارلبورو احمر شحاتها من واحد صاحبى لانى مابشربش طبعا اديتهاله بعد الفطار حكيتله الحكاية قالى صدق بتاع البطاريات لان جهاز الشحن عنده بيكون اصح من عند الكهربائى وقالى خلى الكهربائى يركب الكتاوت الجديدة خارجة ويلغى الداخلى المهم رحت للكهربائى قالى مش فاضى دلوقتى تعالى كمان شوية قلبنى وخد بعضى ومشيت واحد عسكرى اركان حرب لسه مخلص الجيش بتاعه طلع عفشجى وبيعرف شوية فى الكهرباء راح مركب الكتاوت وعلقه فى جسم الحوض بتاع الموتور عملنا زقة ومشيت العربية الحمد الله وطلعت كوبرى اكتوبر من عير ماتبطل ولا زق زلا اى حاجة والشحن تقريبا كان تمام لكن اول ماشغل النور العالى ابص الاقى المؤشر بتاع البطارية نازل على تحت اطفى النور الاقيه رجع تانى رحت البيت التانى فى ارض اللواء ركنت وطلعت نزلت تانى ادور مرضيتش تدور وهنا بقى خلصت الحكاية مش عارف اعمل ايه بقى هل الدينمو نفسه فى مشكلة ولا عايز يتشحن اذا كان يتشحن او بياخد وقت علشان يشحن ولا البطارية بايظة فعلا ولا الكتاوت فيها حاجة ارجو الافادة لانى فعلا اتبهدلت زق فى العربية لحد ماوقعت فى نفق الازهر وجالى الونش ابو وشين وكنت هاترفع العربية اقصد بس الحمد الله ستر ربنا ارجو الافادة

المشاركة الأصلية كتبت بواسطة jotime

ياجماعة هاشارك بمشكلة مش عارف عامل فيها ايه معايا داتشيا نوفا البطارية فيها اسمه هيونداى كورى جافة لقيت العربية مش عايزة تتدور وبتعتل اديتها زقة مشيت وتمام التمام بطلت منى على الكوبرى عملت زقة ومشيت رحت شخنتها عند الراجل الاشارة بتاعتها مدية اخضر يعنى مشحونة اجى ادور مفيش حس ولا خبر ولا كان فى بطارية اصلا وساعات تعتل رحت لبتاع بطاريات وكاوتش عندى فى رابعة قالى الشحن بتاعها كويس جدا فوق الممتاز يعنى البطارية سليمة قالى روح للكهربائى يغير كتاوت دينامو رحت للكهربائى فى السابع ورشة كبيرة طويلة عريضة قعد يقيس الشحن وحاجت كده دور واطفى وشغل قالى البطارية بايظة الدينمو مفيهوش حاجة وهنا كانت الصدمة اصدق مين فيهم روحت وانا ماشى وقفت سواق تاكسى معاه الرينو 9 اديتله سيجارة مارلبورو احمر شحاتها من واحد صاحبى لانى مابشربش طبعا اديتهاله بعد الفطار حكيتله الحكاية قالى صدق بتاع البطاريات لان جهاز الشحن عنده بيكون اصح من عند الكهربائى وقالى خلى الكهربائى يركب الكتاوت الجديدة خارجة ويلغى الداخلى المهم رحت للكهربائى قالى مش فاضى دلوقتى تعالى كمان شوية قلبنى وخد بعضى ومشيت واحد عسكرى اركان حرب لسه مخلص الجيش بتاعه طلع عفشجى وبيعرف شوية فى الكهرباء راح مركب الكتاوت وعلقه فى جسم الحوض بتاع الموتور عملنا زقة ومشيت العربية الحمد الله وطلعت كوبرى اكتوبر من عير ماتبطل ولا زق زلا اى حاجة والشحن تقريبا كان تمام لكن اول ماشغل النور العالى ابص الاقى المؤشر بتاع البطارية نازل على تحت اطفى النور الاقيه رجع تانى رحت البيت التانى فى ارض اللواء ركنت وطلعت نزلت تانى ادور مرضيتش تدور وهنا بقى خلصت الحكاية مش عارف اعمل ايه بقى هل الدينمو نفسه فى مشكلة ولا عايز يتشحن اذا كان يتشحن او بياخد وقت علشان يشحن ولا البطارية بايظة فعلا ولا الكتاوت فيها حاجة ارجو الافادة لانى فعلا اتبهدلت زق فى العربية لحد ماوقعت فى نفق الازهر وجالى الونش ابو وشين وكنت هاترفع العربية اقصد بس الحمد الله ستر ربنا ارجو الافادة

بص يا غالي سيبك من الناس دي كلها وخليك مع نفسك
العيب هيكون حاجة من الحاجات دي

البطارية
الدينامو
المارش

لو تعرف تجرب بطارية أخرى وشوفها عاملة معاك ايه
وتقيس شحن الدينامو عند أي كهربائي أو بتاع بطاريات
وغاليا غالبا هيطلع العيب من المارش الأتوماتيك بتاع المارش أو ترس المارش أو عايز شربون
أهم ما في الموضوع إنك تركب كتاوت خارجية للمارش والله بيفرق جدا جدا جدا
أنا كان المارش عندي بايظ رحت جبت واحد إستيراد طلع محتاج شربون عملته وبعد كل ده كان بيقطع برده
المهم ركبت كتاوت ومن ساعتها وهو زي الفل

يعني إنت تروح لكهربائي أو بتاع بطاريات ومتقولش ايه المشكلة تقولوا إكشف لي على البطارية والدينامو
لقيتهم كويسين إدخل على المارش
وربنا يعينك

شكرا ليك اخى الكريم انا روحت للكهربائى فى الاول قالى البطارية بايظة رحت لبتاع البطاريات وكاوتش قالى البطارية سليمة قالى ركب كتاوت خارجة واكشف على الدينمو ركبت كتاوت خارجى ولسه برده المشكلة روحت لكهربائى تانى قالى الدينمو سليم لما شال كابل البطارية والعربية دايرة روحت لبتاع بطاريات تانى قالى البطارية بايظة فانا دلوقتى بين نارين الراجل بتاع البطاريت الى قالى البطارية سليمة والتلاتة التانين الكهربائية وبتاع البطاريات الاخير الى قالى البطارية بايظة مش عارف اعمل ايه بجد حاجة تحير وخصوصا ان المارش بيشغل العربية من اول تكة لو فى بطارية تانية سايمة ومشحونة افدنى الله يباركلك

طيب الحل دلوقتي إنك تشوف حد صاحبك تأخد بطاريته وتجربها كدة وتشوف إيه النظام

غير الكهربائى وقيس شحن الدينامو والغالب لو الدينامو سليم يبقى البطاريه لازم تغيرها وماتلفش حولين نفسك
بالمناسبه انا عايز فتيس داتشا نوفا ..متعرفش حد عانده فتيس داتشا نوفا للبيع؟؟؟؟؟؟؟؟؟
محمول : 0182977215 - 0111968514

المشاركة الأصلية كتبت بواسطة hazemawad

غير الكهربائى وقيس شحن الدينامو والغالب لو الدينامو سليم يبقى البطاريه لازم تغيرها وماتلفش حولين نفسك
بالمناسبه انا عايز فتيس داتشا نوفا ..متعرفش حد عانده فتيس داتشا نوفا للبيع؟؟؟؟؟؟؟؟؟
محمول : 0182977215 - 0111968514

شكرا ليك خلاص عملتها وطلعت البطارية وغيرتها الحمد الله
بالنسبة للفتيس معرفش حد بصراحة لكن روح للبساطى الى فى اول شارع الترعة واساله يمكن يدلك على حد كويس
وسمعت ان فى واحد فى فم الخليج بس معرفش مكانه بالظبط والعموم لو عرفت هاقولك على طول وربنا معاك