الباب الخلفي يمين بيعلق!!!

**goodwave** · 04-05-2008 10:34 PM

السلام عليكم

النهاردة راجع من مشوار مع الأولاد وبفتح الباب الخلفي يمين مش بيفتح من برة! جربت افتح من جوة فتح..... قلت يمكن قفل الخماية بتاع الاولاد جربت وقفلت وحاولت افتحتاني ما بقاش بيفتح من برة ولا جوة!

المهم ركبت ورحت مشوار وبجرب فتح من برة وبجرب تاني ما فتحش!

الريموت بتاع السنتر شغال زي الفل على الاربع ابواب بس بحس الاوكرة بتتشد على الفاضي!!!!

يا ترى ده إيه؟ السنتر إللي انا مركبه ولا حاجة في الاوكره؟ وهل دي حاجة تبع الضمان؟

افيدوني افادكم الله

**أبو عبدالله** · 04-05-2008 11:56 PM

متهيألي زرار الأمان معلق من الداخل
هو انت حد فتحلك الباب ده من جوه يعني كنت بتركب حاجهع فيه ولا احاجه ؟؟؟

**Karim_Monir** · 05-05-2008 12:01 AM

غالبا السنتر بيعلق يا احمد
واضح ان اللي ركبه عك شوية في الباب

**محمد ابراهيم 1** · 05-05-2008 09:21 AM

يا بسيونى باشا
أمان الأطفال عشان الباب ميفتحش من جوه مش من بره
طيب الباب اللى مبيفتحش من جوه ولا من بره ده يتصلح إزاى ؟
وبعدين مش إنت مركبه فى التوكيل ؟
عموما لو موصلتش لحل كلمنى و نروح سوا عند واحد كويس أعرفه عشان نصلحه

**goodwave** · 05-05-2008 10:28 AM

السلام عليكم

الأخ ابو عبد الله

ببساطة كنت إمبارح في كارفور مع الأولاد وحطيت حاجات في الشنطة وكان معايا عربية البيبي وكدة فقلت أحطها على الكنبة الخلفية..... فبعد المدام ما ركبت جنبي في الكرسي الأمامي.... جيت افتح الباب الخلفي يمين مش بيفتح!!!! اجرب تاني .... مش بيفتح! دخلت العربية من الناحية التانية وفتحت بيفتح وبيقفل .... طلعت برة مش بيفتح!!!!

جربت السنتر شغال والصوابع بتاعت الأوكر بتفتح وبتقفل زي الفل ..... سيبتة ولما وصلت عن البيت المدام بتجرب فتح من برة! قفلت وبجرب تاني علق! النهاردة الصبح بيفتح كويس!!!! حتجنن!

ابو كوكي وبيدو

حبيبي بس زعلااااااان منك قوي .... بس بلتمسلك العذر لأن الأجازة كانت سخرة للاولاد انا عارف. هو أكييييييد عك لأنهم في توكيل الرزق حمييييير!

معاذ باشا

لو كدة يبقى لازم أروح تاني عند الرزق يبصوا علية ولا إية!؟

محمد باشا إبراهيم

يا عم كل مرة تقولى كلمني ولما بكلمك تقولي إنت إبراهيم ولا محروووس ولا مين! انا بهزر!

يا باشا انا ما أستغناش عنك أبدا بس انا لسة في الضمان وخايف اعمل حاجة تخرجني بره الضمان.
انا محتار اروح للرزق الحميييير تاني ويبصوا علية ولا اروح توكيل تويوتا ويبصوا عليها في الضمااان؟؟؟؟ وهل حيرضوا يشوفوا المشكلة ولا حيقولولي روح للي ركبلك السنتر؟؟؟؟

بالمناسبة انا النهاردة الصبح جبت زجاجة Wd-4 ورشيت على مصلات الأوكر وقلت ممكن تكون عاوزة تليييين! انا لاحظت حاجة غريبة لما رشيتة نزل نقط على الصاج وكان فية خربوش.... بمسح السائل من على الخربوش لقيت الخربوش راح!
يا تري ده حاجة كويسة ولا ممكن ياكل البوية؟
معاذ باشا

والله مش عارف.... هو الرزق تويوتا حمييييير وممكن يكون العيب في السنتر!

**Karim_Monir** · 05-05-2008 10:46 AM

حبيب قلبي عارفني ماتاخرش
انا راجع من الاجازة تعبان والله يا احمد
الناس بتاخد اجازة تستجم وانا بتعب من الاجازات من عيالي

ال wd40 بيسيح البوية وماتعملهاش تاني
ولازم تروح لكهربائي نضيف يظبطلك السنتر وما تقلقش مش هايطلع من الضمان ولا حاجة
واللي يقولك يطلع من الضمان حط صباعك في عينة

-

-

الموضوع: الباب الخلفي يمين بيعلق!!!

LinkBack

أدوات الموضوع

عرض

الباب الخلفي يمين بيعلق!!! - انشر الموضوع فى :

-

-

-

-

-

المواضيع المتشابهه

زجاج الباب الخلفي اتكسر

الفانوس الخلفي يمين للافيو

الباب الخلفي 128 رااااااااح !!!!!

النور الابيض الخلفي (بتاع المارشيدير) بيعلق

كم سعر الباب الخلفي للبيرسونا؟

الكلمات الدلالية لهذا الموضوع

المفضلات

المفضلات

ضوابط المشاركة