الموضوع: مستوى الزيت فى الالنترا؟؟!!

المشاركة الأصلية كتبت بواسطة hossam99

مبروك يا فندم علي الصيانه
طبعا غلط إن الزيت يكون زياده لأن كده ممكن الزيت يدخل حجرة الإحتراق و يتحرق مع البنزين و يبوظ بوجيهات و حريق العربيه ميكنش في أفضل صوره و غيره
لما حضرتك تستني علي العربيه خمس دقايق أبقي أرفع المقياس و أمسحه و قيس تاني

و اللي نقص من الزيت ده للأسف أتحرق مع الحريق و أتبخر
و أخيرا 7 ميلي أو 5ميلي زياده إن شاء الله مش هايأثر علي شئ

لي سؤال هو حضرتك عملت الصيانه فين

شكرا للرد هو انا عملت الصيانة بخدمة اليت فى المنزل و انا اتصلت بيهم و قالوا مافيش مشكلة بس انا شاكك فى الرد بتعهم نفسى حد يقولى مافيش ضرر و ال 7 مللى دول يجو اد ايه ربع لتر و لا حاجة لا تذكر و شكرا

المشاركة الأصلية كتبت بواسطة hossam99

أقل من ربع ليتر . لكن المره الجايه خلي بال حضرتك و تمم علي العربيه قبل ما تستلمها
و يا ريت لو حضرتك تديني تفاصيل عن خدمة اليت و الأسعار

شكرا للرد يعنى اقل من ربع لتر مافيش ضرر و لا لا ياريت تطمنى و هو فعلا انا هخالى بالى المرة القادمة.

بالنسبة لخدمة اليت فهى كالتالى:-

1- خدمة الاعطال المفاجئة طوال ايام الاسبوع 24 ساعة يوميا
2- خدمة الصيانة الدورية طوال ايام الاسبوع فى اطار مواعيد العمل المقررة
3- خصم فورى 7,5 % على قطع الغيار و 15 % على المصنعيات فى حالة ذهاب العميل لمركز الخدمة
4- فى حالة الصيانة عند محل الاقامة او العمل التابع للعميل لا يحصل على اى خصومات بالاضافة الى30 جنيه مصاريف موصلات.
5- نفس السعر عند الصيانة داخل مركز الخدمة
6- مصاريف الاشتراك الف جنية تدفع مرة واحدة و يستخدمها العميل مدى الحياة حتى لو باع السيارة و اشترى سيارة اخرى بس طبعا تكون من هيونداى غبور اى الخدمة خاصة بالسخص فقط و ليس العربية.

7- مزايا اخرى خصومات على سلسة مطاعم و محلات ملابس و نظارات و كوبونات خصم فورى قيمتها 450 جنيه بس المزايا اللى هى هذه الخصومات دى اتلغت من شهر 10 اللى فات و لم يعمل بها

و ارجو انى اكون افدتك