اخيراااااااااااااا استلمت :) و عندى شوية اسئله بقى :((
الحمدلله اخيرا و بعد طووول انتظار
المصرية عطفت عليا و سلمنتى عربيتى اللوجان:E_braces[1]: : بترولى فول اوبشن بعد ما كنت خلاص فقدت الامل و كنت هاجيب حاجة تانيه
انا اصلا كنت حاجز هاف اوبشن بس قالوا لى ان الشحنة كلها جايه فول ومش عارفين الهاف هتنزل امتى و انا بصراحة كنت خللت من الانتظار فا قولت مش مهم .. قايس يا واد و ادفع الخمس بواكى الزيادة ... والحمد لله بقيت على الجنط والله العظيم دلوقتى:Copy of majd(4): ... وانا واخد العربية مكنش معايا فلوس احط بنزين حتى والله
المهم انا اصلا معايا 27 بقالي سايقها من 12 سنه فا طبعا كانت نقله كبيرة
اول لما استلمت العربية فضلت واقف قدمها مش عارف اعمل ايه :11:و كلمت واحد صاحبى يجيلي عشان بصراحة كنت قلقان قوى انى اسوقها لوحدى
صاحبى جه و ركبت العربية و قولت بسم الله الرحمن الرحيم و رحت طالع .. طبعا حسيت ان ديه اول مرة اسوق فيها عربية و كأنى لسه بتعلم :O_stupid[1]:
احساس الدواسات غير الى متعود عليه بقالى 12 سنه طبعا غير ابعاد العربية و الكبود الى مش باين منه حاجة و مش عارف فين اول العربية من اخرها ده غير الشنطة :ma:
شويه شويه ابتديت اخد على العربية
والله كنت حاسس انى راكب عربية 4X4 عشان حاسس انها عاليه قوى ,,, بجد عربية جميله جدا و ربنا يكفينا كولنا شرورها و يدينا خيرها و يبارك لينا فيها
طبعا عندى شوية اسئله كده زى اى حد لسه جايب عربيه جديدة :
1- بالنسبة لل ار بي ام ... انا فى ال27 كنت بدوس نص الدواسه عشان اجيب 2000 دلوقتى انا رجلى يا دوب لامسه الاقيه وصل 3000 !!! الموضوع ده كده عادى ولا ايه ؟؟ لان كمان لما بيوصل 3000 كده بحس العربية لسه مخدتش سرعة حتى عشان انقل على التانى
2- تقريبا مفروض انقل على التانى و ال ار بي ام كام ؟؟؟ يعنى ايه اكتر حاجة ممكن اجيبها على الاول من غير ما تعب الموتور ؟
3- كنت سامع بيقولوا ان الكرسيى فى الفول اوبشن بيترفع .. فا ده بجد ؟؟
4- حاسس بزنة فى دواسة البنزين كده مش عارف ده عادى و لا بيتهيئلى برضه
5- الراجل اللى سلمنى العربية قالى متشغلش التكييف قبل 1000 كيلو و هنا فى المنتدى فى اعضاء بيقولوا ان المهندسين اللى سلموهم قالو ليهم شغلوه عادى .. اشغل ولا مشغلش خصوصا انى على ما اجيب ال 1000 كيلو هيكون الصيف خلص :stink[1]:
5- انا عايز اودى العربية جراج بس خايف فى الحر ده طبعا السايس يجي بليل يدخل ينام فى العربية و يشغل التكييف .. عشان ده عادى فى عرف السياس:Oc_sun1[1]: .. فا مفيش حاجة ممكن اضمن بها ان التكييف ميشتغلش ؟؟؟
و اخيرا احب اشكر اعضاء المنتدى اللى فعلا كانوا سبب اساسى انى اجيب اللوجان
