الموضوع: اخيراااااااااااااا استلمت :) و عندى شوية اسئله بقى :((

الف مبروك وربنا يديك خيرها ويكفيك شرها

المشاركة الأصلية كتبت بواسطة dr_mohamed16

1- بالنسبة لل ار بي ام ... انا فى ال27 كنت بدوس نص الدواسه عشان اجيب 2000 دلوقتى انا رجلى يا دوب لامسه الاقيه وصل 3000 !!! الموضوع ده كده عادى ولا ايه ؟؟ لان كمان لما بيوصل 3000 كده بحس العربية لسه مخدتش سرعة حتى عشان انقل على التانى

انقل الغيارات على اربى ام من 2500 الى 3000 خصوصا وانت لسه بتلين

2- تقريبا مفروض انقل على التانى و ال ار بي ام كام ؟؟؟ يعنى ايه اكتر حاجة ممكن اجيبها على الاول من غير ما تعب الموتور ؟

2500 الى 3000 فى مرحلة التلين وممكن تزود بعد كده

3- كنت سامع بيقولوا ان الكرسيى فى الفول اوبشن بيترفع .. فا ده بجد ؟؟

ايوه بجد فيه دراع تحت الكرسى بتتحكم فيه فى الموضوع ده وكمان الدركسيون بيترفع وينزل

4- حاسس بزنة فى دواسة البنزين كده مش عارف ده عادى و لا بيتهيئلى برضه

عادى و حتروح مع الوقت

5- الراجل اللى سلمنى العربية قالى متشغلش التكييف قبل 1000 كيلو و هنا فى المنتدى فى اعضاء بيقولوا ان المهندسين اللى سلموهم قالو ليهم شغلوه عادى .. اشغل ولا مشغلش خصوصا انى على ما اجيب ال 1000 كيلو هيكون الصيف خلص

شغل التكييف عادى مفيش مشكله بس يفضل او لما تدور تصبر لما العربيه تسخن وبعدين تشغله

5- انا عايز اودى العربية جراج بس خايف فى الحر ده طبعا السايس يجي بليل يدخل ينام فى العربية و يشغل التكييف .. عشان ده عادى فى عرف السياس:oc_sun1[1]: .. فا مفيش حاجة ممكن اضمن بها ان التكييف ميشتغلش ؟؟؟

و اخيرا احب اشكر اعضاء المنتدى اللى فعلا كانوا سبب اساسى انى اجيب اللوجان

العفو تحت امرك

المشاركة الأصلية كتبت بواسطة dr_mohamed16

الحمدلله اخيرا و بعد طووول انتظار
المصرية عطفت عليا و سلمنتى عربيتى اللوجان : بترولى فول اوبشن بعد ما كنت خلاص فقدت الامل و كنت هاجيب حاجة تانيه

انا اصلا كنت حاجز هاف اوبشن بس قالوا لى ان الشحنة كلها جايه فول ومش عارفين الهاف هتنزل امتى و انا بصراحة كنت خللت من الانتظار فا قولت مش مهم .. قايس يا واد و ادفع الخمس بواكى الزيادة ... والحمد لله بقيت على الجنط والله العظيم دلوقتى ... وانا واخد العربية مكنش معايا فلوس احط بنزين حتى والله
الف الف مبروك يا فندم ربنا يديك خيرها و يكفيك شرها :) بس بينى و بينيك الفرق يستاهل ان حضرتك تجيب الفل اوبشن..الحمد لله على كل شىء
المهم انا اصلا معايا 27 بقالي سايقها من 12 سنه فا طبعا كانت نقله كبيرة
اول لما استلمت العربية فضلت واقف قدمها مش عارف اعمل ايه و كلمت واحد صاحبى يجيلي عشان بصراحة كنت قلقان قوى انى اسوقها لوحدى

صاحبى جه و ركبت العربية و قولت بسم الله الرحمن الرحيم و رحت طالع .. طبعا حسيت ان ديه اول مرة اسوق فيها عربية و كأنى لسه بتعلم

احساس الدواسات غير الى متعود عليه بقالى 12 سنه طبعا غير ابعاد العربية و الكبود الى مش باين منه حاجة و مش عارف فين اول العربية من اخرها ده غير الشنطة
كل ده طبيعى هههههههه

شويه شويه ابتديت اخد على العربية
والله كنت حاسس انى راكب عربية 4X4 عشان حاسس انها عاليه قوى ,,, بجد عربية جميله جدا و ربنا يكفينا كولنا شرورها و يدينا خيرها و يبارك لينا فيها

يارب :)
طبعا عندى شوية اسئله كده زى اى حد لسه جايب عربيه جديدة :

1- بالنسبة لل ار بي ام ... انا فى ال27 كنت بدوس نص الدواسه عشان اجيب 2000 دلوقتى انا رجلى يا دوب لامسه الاقيه وصل 3000 !!! الموضوع ده كده عادى ولا ايه ؟؟ لان كمان لما بيوصل 3000 كده بحس العربية لسه مخدتش سرعة حتى عشان انقل على التانى

مممممم هو مش طبيعى بس ده اكيد راجع ان حضرتك لسه حساسيتك ماتزبتطش مع العربية خد بس فتره كده 3 4 ايام و كل حاجة ههتزبط ان شاء الله :)
2- تقريبا مفروض انقل على التانى و ال ار بي ام كام ؟؟؟ يعنى ايه اكتر حاجة ممكن اجيبها على الاول من غير ما تعب الموتور ؟

من 2500 ل 3000 RPM
3- كنت سامع بيقولوا ان الكرسيى فى الفول اوبشن بيترفع .. فا ده بجد ؟؟
ده حقيقى يا فندم هتلاقى زى دراع تحت الكرسى السواق نحية الشمال ارفعه
لفوق هتلاقى الكرسى اتنطر لقدام هههههه بس لازم تكون بره العربية و انت بتعمل كده و لما تركب نزل زى م انت عايز بقى :)
4- حاسس بزنة فى دواسة البنزين كده مش عارف ده عادى و لا بيتهيئلى برضه

عادى جدا و هتتعود عليها و هتنساها كمان مع الوقت ان شاء الله
5- الراجل اللى سلمنى العربية قالى متشغلش التكييف قبل 1000 كيلو و هنا فى المنتدى فى اعضاء بيقولوا ان المهندسين اللى سلموهم قالو ليهم شغلوه عادى .. اشغل ولا مشغلش خصوصا انى على ما اجيب ال 1000 كيلو هيكون الصيف خلص

شغلو عادى :)

5- انا عايز اودى العربية جراج بس خايف فى الحر ده طبعا السايس يجي بليل يدخل ينام فى العربية و يشغل التكييف .. عشان ده عادى فى عرف السياس .. فا مفيش حاجة ممكن اضمن بها ان التكييف ميشتغلش ؟؟؟
لا معرفشى بصراحة انا بركن العربية فى جراج العمارة ههههههههه
و اخيرا احب اشكر اعضاء المنتدى اللى فعلا كانوا سبب اساسى انى اجيب اللوجان

مبروك لحضرتك العربية و ربنا يحفظهالك

و مش لاقي كلام بعد اللي اتقال ردود وافية و كافية من الاخوة ربنا يبارك لهم