جين 2 نعم ام لا

**AutoTycoon** · 17-07-2011 05:17 PM

المشاركة الأصلية كتبت بواسطة sonasteel

التيدا اكبر رقم وصلتله عربية 1600 علي ما اعتقد كان 320 كم / الصفيحة وبوجيهاتها بلاتينيوم
بس انا كده اطمنت الحمد لله ان استهلاك الصني زي اي اعربية 1600 :))
جزاك الله خيرا اخي الكريم :)))))

اكيد حضرتك بتهزر , مش كدا ؟

**SonaSteel** · 17-07-2011 05:19 PM

المشاركة الأصلية كتبت بواسطة ahmed.ali

رابعا و يا سوناستيل عديهالي المرادي الجين2 احلي من الصني بكتيييييييير و فيها اوبشن اكتر منها بكتير اما التيدا فهي عربيه ممتازه بس اغلي كتير من الجين2

ياباشا انت تؤمرني ....... بس كده :))
بس بيني وبينك ..... تدفع كام :))))

**SonaSteel** · 17-07-2011 05:22 PM

المشاركة الأصلية كتبت بواسطة AutoTycoon

اكيد حضرتك بتهزر , مش كدا ؟

اكييييييييييييد مش بهزر ... هزاري بيبان :))))
بتتكلم علي التيدا ولا الصني ؟؟؟
التيدا ومعرفوة استهلاك بنزينها مش بيقل عن 300 كم /الصفيحة و لف منتدي نيسان هتلاقي القرايات ديه واٍال ملاكها
بالنسبة للصني
شوف الينك ده ... وشوف استهلاك الصني عامل ازاي وبتجارب الاعضاء
http://www.nilemotors.net/Nile/227761-180.html
........... واي استفسار المنتدي كله تحت أمرك لو عايز تتأكد من حاجة :))

**Ahmed.Ali** · 17-07-2011 06:08 PM

المشاركة الأصلية كتبت بواسطة sonasteel

اكييييييييييييد مش بهزر ... هزاري بيبان :))))
بتتكلم علي التيدا ولا الصني ؟؟؟
التيدا ومعرفوة استهلاك بنزينها مش بيقل عن 300 كم /الصفيحة و لف منتدي نيسان هتلاقي القرايات ديه واٍال ملاكها
بالنسبة للصني
شوف الينك ده ... وشوف استهلاك الصني عامل ازاي وبتجارب الاعضاء
http://www.nilemotors.net/nile/227761-180.html
........... واي استفسار المنتدي كله تحت أمرك لو عايز تتأكد من حاجة :))

مش مقاوحه في الاستهلاك بتاع التيدا بس للعلم موضوع البوجيهات دا مش هو الفارق دا اداء موتور لان لو انت اشتريت البوجيهات البلاتنيوم واو حتي الاريديوم مش هتحس بالفرق الكبير و عن تجربه

**Ahmed.Ali** · 17-07-2011 06:08 PM

المشاركة الأصلية كتبت بواسطة autotycoon

اصل حضرتك بتقول التيدا اول

حضرتك متحيز جداً لنيسان على فكرة ..

+1111 اه اه اه و انا معاك
بس احنا كلنا متحيزين للعربيات بتاعتنا لاننا اكيد اشتريناها عن قناعه و بعد تفكير كبير

**maxayma** · 17-07-2011 07:18 PM

المشاركة الأصلية كتبت بواسطة ahmed.ali

ردا علي صاحب الموضوع الجين2 من بس عربيه هي تجربه في حد ذاتها انا فعلا بحبها و بحب المجتمع الي دخلت فيه بسببها احنا انشط نادي ملاك للسيارات في الشرق الاوسط

اولا العربيه و الحمد لله جميله جدا و انا فعلا بتبسط من شكلها و ما يحسد المال الا اصحابه مرتين كنت بقول للمدام العربيه دي فعلا حلوه و في المرتين لبست في حديده قدام العربيه
ثانيا ثبات فعلا رائع اكيد هيجيلك يوم و تسافر و تعرف متعت السفر بالجين2
قطع الغيار والله حتي الان موضوع لوز اللوز و مقابلتنيش مشاكل بالمره بشتري تيل من بره الماني بـ 150 جندي و شغال تمام و فعلا في قطع غيار كتير مشتركه و التوكيل مش بطال و مركز الصيانه المعتمد انا بروحه كاني رايح خروجه فعلا

رابعا و يا سوناستيل عديهالي المرادي الجين2 احلي من الصني بكتيييييييير و فيها اوبشن اكتر منها بكتير اما التيدا فهي عربيه ممتازه بس اغلي كتير من الجين2

انا معاك فى موضوع المجتمع و كده كده حتى لو جبت تيدا و لا ايفو مش جين 2 هبرشت عليكوا سواء هنا او فى التحمعات بس اجيب عربية الاول ان شاء الله

**Ahmed.Ali** · 17-07-2011 08:00 PM

المشاركة الأصلية كتبت بواسطة maxayma

انا معاك فى موضوع المجتمع و كده كده حتى لو جبت تيدا و لا ايفو مش جين 2 هبرشت عليكما سواء هنا او فى التحمعات بس اجيب عربية الاول ان شاء الله

يا سيدي البرشطه مضمونه وفطار رمضان بتاع التوكيل محجوزلك مكان فيه
بس لو ايفو يبقي لازم تعلي المبلغ و لو تيدا برضوا لازم تعلي المبلغ
ميزه من مميزات الجين2 الرهيبه هي السعر لو معاك اكتر يبقي مع احترامي اجيب BMW مستعمله و استمتع بالي هتدهوني الجين2 ببرستيج اعلي

انا الحمد لله مقتنع جدا بالعربيه و اتمني انك تختار عربيه و تحبها زي ما احنا بنحب عربيتنا
بس اعمل حسابك في باكويين لما تشتري الجين2 عشان فرش الـCPS يا كبير و اه بقي لو باكوين ونص كمان و تديها DVD, Parking Camera و برضوا هتبقي ضمن الـ 100,000 الف بتوعك

**tamerosman** · 17-07-2011 08:09 PM

المشاركة الأصلية كتبت بواسطة maxayma

انا معاك فى موضوع المجتمع و كده كده حتى لو جبت تيدا و لا ايفو مش جين 2 هبرشت عليكما سواء هنا او فى التحمعات بس اجيب عربية الاول ان شاء الله

مكتوب فى كتالوج الجين ان لمبة الاحتياطى بتنور لما رصيد التنك يوصل 8 لتر و انا لما اللمبة بتنور عندى بمون بنزين 92 بحوالى 70 الى 75 جنيه يبقى سعة التنك من غير الاحتياطى حوالى 38 لتر و بالاحتياطى حوالى 45 لتر و ده ميعتبرش تنك صغير

بالنسبة للمقارنة بين التيدا و الجين 2 :

التيدا الاتومامتيك فول اوبشر معدية 120 الف جنيه يعنى اغلى من الجين 2 بحوالى 30 الف جنيه اى بنسبة 30% زيادة فى السعر عن الجين 2

يبقى مفيش وجه للمقارنة و لو هاشترى عربية فوق 120 الف هيكون فى اختيارات كتيرة جدا و الى عايز يقارن عربية بالجين 2 اتوماتيك يبقى يبص على الصنى - سكالا - اوبترا مانيوال - النترا شكل 2011 مانيوال اقل فئة

لو حضرتك هاتدفع 30 الف زيادة فى التيدا علشان توفر بنزين يبقى احسبها كده :تجيب جين 2 ب 90 الف بس و 30 الف جنيه يتعملو شهادة فى البنك 10 سنين ب 10% ييعماو 250 جنيه فى الشهر و يبقى تجيب الجين 2 و تحط بنزين ببلاش و ترجع لك فلوسك بعد 10 سنين