استفسار من خبراء الكيا ريو

**ScOrPiOnE** · 05-05-2008 03:40 AM

ياجماعه انا قدامى كيا ريو موديل 2003 بس انا الصراحه خايف فيما بعد
من الصيانه وقطع الغيار أحسن تكون غاليه ويارترى هيا موتورها 1300 ولا 1400
فهل ممكن حد يفيدنى عن السعر الى اخد بيه العربيه دى
وهيا حالتها ممتازه باستثناء انه تم تغيير شنطة العربيه فى التأمين
يعنى اتقطعت واتلحمت واحده تانيه وهل قطع الغيار متوفره ومممكن
اى ميكانيكي يصلحها لى ولا ايه النظام , ياريت تفيدونى

**amr_elrashidy** · 06-05-2008 12:45 PM

بص ياباشا..انا اسمع ناس بتشكر كتير فى العربية دى..انا معايا بيكانتو..كنت بفكر فى الريو لكن لما جربتها غيرت رايى لانى بصراحة بحب العربيات الهادية جدا..و الريو صوتها مش هادى بس مش مزعج قطع الغيار موجودة و سعرها معقول بس طبعا مش زى السيفيا لان برضو العربية مش كتيرة زى السيفيا و منزل منها مصرى..اذا كنت ناوى عليها متجيبش اقل من 2003 عشان كان فى مشاكل فى الموديلات اللى قبل كده..السعر بيبدا من 44 لحد 48 للحالة الممتازة جدا...الموتور 1300..الميكانيكية بتوع الكيا موجودين بس هى مش معقدة ..ممكن ناس كتير كويسة تشتغل فيها

**ScOrPiOnE** · 10-05-2008 05:02 AM

ألف شكر أخى الحبيب وربنا يبارك فيك ويجزاك خير الجزاء

**amr_elrashidy** · 10-05-2008 01:04 PM

عفوا ياريس..

**د.أحمد سمير** · 11-05-2008 03:46 AM

يا راجل يا طيب .. عايز تشتري عربية مغيرة شنطة .. يعني اتفرتكت قبل كدة في حادثة مريعة من الخلف ..
دي سعرها لا يزيد عن 35 ألف بالكتير .. لأن رينج الريو 2003 يعني من 42 لحد 48 .
وخلي بالك الموديل ده بياكل طنابير ، وبتعوم بعد 120 يعني مش ثابتة قوي ، وفرملها ضعيفة شويتين .. زي فرامل اللانوس كدة .

وربنا يوفقك للصالح

**Chicco** · 11-05-2008 03:52 AM

وهيا حالتها ممتازه باستثناء انه تم تغيير شنطة العربيه فى التأمين
يعنى اتقطعت واتلحمت واحده تانيه

أخي الفاضل ابعد عن العربية ديه تماما ....دور على ريو تانية لو عجباك بس عربية معيوبة بالشكل ده ما تضمنش سلامة الأساسيات و الشاسيه
ربنا يوفقك

**engahmed29** · 11-05-2008 04:02 AM

سؤال لخبراء الكيا ،

فى صديق اشترى بيكانتو ، بس ملاحظ ان العربية بتترعش عند سرعة 70 كدة بس لو زود السرعة عن كدة الرعشة دى بتروح ده ممكن يبقى عيب كاوتش او ترصيص ؟
مع العلم ان العربية عاملة 100 كم بس و لسة بتتلين

**amr_elrashidy** · 11-05-2008 09:55 AM

اعتقد انه ترصيص

**ScOrPiOnE** · 11-05-2008 05:35 PM

ألف شكر أحبائي فى الله د.أحمد سمير و Chicco
فعلا انا ناس كتير حذرتنى من الكيا ريو بوجه عام خصوصا الموديل ده
وخلاص انا كده صرفت نظر عنها تماما بعد ما عرفت ان قطع غيارها غاليه
ومش متوفره الا فى التوكيل وان سوق الكيا بوجه عام نايم ومش بتتباع بسهوله

**Migo123** · 19-05-2008 03:01 PM

وخلي بالك الموديل ده بياكل طنابير ، وبتعوم بعد 120 يعني مش ثابتة قوي ، وفرملها ضعيفة شويتين .. زي فرامل اللانوس كدة

معلش يا دكتور ........ انا معايا العربيه من الزيرو وعامله دلوقتي 100 الف

الطنابير اتغيرت مره في الضمان عند 30 الف والوكيل غيرها على حسابه لاني كنت ملتزم بجميع الصيانات عندهم وقالو ان الطنابير اتاكلت بسبب ان التيل خلص .... وشالوها والحمد لله------ المره التانيه عند 90 الف وكان ممكن تتمسح عند الخراط بس انا فضلت اغيرها مع التيل بالمره والقصه دي اتكلفت 800 جنيه بالمصنعيه والضريبة (اعتقد ان تغيير الطنابير بعد 60 الف مش عيب في العربيه)
الفرامل ممتازه وعمرها ما قلت بأصلها معايا و مريت معاها بتجارب كتيير جدا

العومان بعد 120 دي بقه غلط 100% انا العربيه بسافر فيها كتييير والطبيعي بتاعي بمشي 140 - 160 والثبات ممتاز ويكاد يكون افضل من اللانسر
ممكن العربية اللي حضرتك جربتها كان فيها مشكله في العفشة او الكاوتش هي اللي مسببه العومان ده

عيوبها

صوت الماتور عالي شويه وده لاحظته بعد ما العربيه عملت حوالي 70- 80 الف قبل كده كان هادي والتوكيل بيقول هو كده وطبيعي ومالوش حل

الماتور 1300 خنيق في السواقه في الزحمه وخصوا مع التكييف ..... لكن لو في طريق سريع العربيه بتجمع كويس

العفشه محتاجه تربيط دايما .....

بعد 100 الف العربيه ما غيرتش اي حاجه جوهريه (الحمد لله)
ومحتاجه حاليا حاجات بسيطه جدا
ومعتقدش ان في عربيه كوري بتعمل كده
عن خبره مع اللانوس والنوبيرا و الفيرنا كلها بتغير مليون حاجه قبل ما بتوصل للرقم ده اصلا

الموضوع: استفسار من خبراء الكيا ريو

LinkBack

أدوات الموضوع

عرض

-

-

-

-

-

المواضيع المتشابهه

خبراء الكيا

الي كل خبراء الكيا

إلى خبراء الكيا

يا خبراء الكيا برايد هاتش باك

الى خبراء الكيا سبكترا

الكلمات الدلالية لهذا الموضوع

المفضلات

المفضلات

ضوابط المشاركة