فئة ال142 الف انا عاجبني شكل ال 2 بس انا رايي مهما كان الفرنساوي فرنساوي و الكوري كوري
عرض للطباعة
فئة ال142 الف انا عاجبني شكل ال 2 بس انا رايي مهما كان الفرنساوي فرنساوي و الكوري كوري
النترا مش بحب الفرنساوى عشان صعوبة التصليح ودة رائى
انا شايف ان الفلوينس لاتقارن بالالينترا ابدا مع كامل احترامى للالينترا
بس منظر الفلوينس بيدى فخامه وبريستج رهيب بصراحه واسمع انها حاجه تانيه غير الميجان خالص بخصوص الاعتماديه وقلة الاعطال
الامان اولا
لا تركب الانترا لانها اقل ف وسائل الامان و بالتالى الرينو تكسب
سيدي الفاضل، لا مجال للمقارنة أصلا.
إنت لو عاوز عربية أسعار صيانتها معقولة وسعر إعادة بيع ما تخسرشي فيه قوي يبقى قدامك الإلنترا
لكن لو عاوز عربية تستمع بيها وبكل لحظة بتسوقها فيها وتحس فيها بالأمان من غير ما يهمك سعر إعادة البيع يبقى الفلونس طبعا
ده رأيي الشخصي، خصوصا إن الكوري لا يقارن بأي حال من الأحوال بالأوروبي......
والسلام ختام
الكورى وسائل الامان ضعيفه جدا ولا تقارن بالالمانى والفرنساوى بس بيبقى شكل واوبشن
فلونس ومفيش وجه مقارنه أصلاً
فلوينس فلوينس فلوينس. ويا ريت ماحدش يقارن كوري بفرنساوي عشان مفيش كلام الكوري يخسر قدام الأوروبي وقدام الياباني كمان. عاوز تقارن الإلانترا قارنها بالسيراتو بنت خالتها مثلا.
فلوينس
فلونس اكييييييييييييييييييييييي ييييييييييييييد
بس متكونش ناوى تبيع قبل 5 سنوات باذن الله
جيب النترا وتوكل على الله سيبك من كلام كورى وفرنساوى .. قارن العربيات وبتجهيزتهم وامكانياتهم مش ببلد المنشأ
أختلف معاك تمامااقتباس:
جيب النترا وتوكل على الله سيبك من كلام كورى وفرنساوى .. قارن العربيات وبتجهيزتهم وامكانياتهم مش ببلد المنشأ
سؤال للناس اللي بتكلم عن بلد المنشأ وخلاص
حد شاف مواضيع قسم رينو اللي اصحاب الفلوينس بيشتكوا ان الدركسيون قشر لوحده في اقل من سنة استخدام ؟
المواضيع موجودة هنا و في منتديات تانية و انا مش بألف
بالنسبة لللينكات انا دورت و مش لاقيها .. واضح ان المواضيع كانت قديمة
عالعموم حضرتك ليك الحرية تصدق او لأ
=========
لأ مقولتش ان كل العربيات الفلونس بتقشر
انا بتكلم على نقطة واضحة جداً ..ان بلد المنشأ مش شرط للجودة ! وبلاش بقى كلام نوعية فرنساوي و بتاع لأن الفلونس بالذات عربية هجينة اساساً مش فرنساوي 100% + مييييييييييين قال لحضرتك اني بدافع عن هيونداي ولا قولتله روح اشتري الانترا ؟
انا قعدت في الإتنين و بصراحة الفلوينس اشيك كتير لكن مش ده بس اللي يحدد مين احسن
انا لو مكان صصاحب الموضوع هشتري مازدا 3
شكراً
+1
واحسن ما يميز المازدا 3 بصراحة ويخلينى اشتريها عشان ثباتها ومتعة السواقة فيها غير كدا لا باردوا
وبصراحة انا مشتريش عربية بموتور اقل وفتيس قديم وكان بيحصل منه مشاكل وكمان كماليات اقل وشكلها مش بحبه .. ومسميها الصابونة (الشكل دا ازواق ودا رأى) .. عشان فرنساوى يعنى وهى هجين فعلا واسمها التانى Samsung SM3
انا مش عارف الكلام ده موجه ليا ولا لمين
بس انا مكدتبتكشى لانى فعلا شوفت الموضوع ده وعارفه وحصل فى عربيه واحده فى المنتدى
بس عربيه واحده مش مقياس اذا كانت اللوجان اللى ب3 مليم دركسيونها مقشرشى مع حد قبل كده
بعدين انا مقولتش ان انت بتدافع عن هيونداى
بس واضح ان الكورى خالى من العيوب نهائيا واى عيب فيه بيبقى فردى ولان صاحب العربيه مفترى لكن الاوروبى ده معيوب ويودى فى داهيه وكله مشاكل
وانا معاك ان الفلوينس عريبه هجينه زى اللوجان برده
ادفع 140 الف فى عربيه مستوى الامان بتاعها ايه ياترى
أختلف فى نقطة ان العربية هجينة
مش عارف دي جت منين! العربية رينو اللى عملاها ولكن رينو بتملك شركة سامسونج موتورز الكورية وبالتالي بتنزل فى بعض البلاد بعلامة سامسونج مع تغييرات فى التجهيزات لتناسب الأجواء دي، زي الخليج مثلا.
زي مثلا دايو وشيفروليه.. هل الدايو لاسيتي زي الشيفروليه كروز فى كل حاجة؟ طبعا لأ، التجهيزات مختلفة لتناسب شريحة مستخدمين معينة للعلامة المملوكة. كذلك اللوجان بتنزل فى أمريكا الجنوبية باسم نيسان أبريو
هل ده معناه ان نيسان شاركت فى انتاجها؟؟ برده لأ.
فى كلا الحالتين الشركة المالكة هى اللى بتحدد أي "براند" تسوق بيه فى المنطقة اللى تشوفها مناسبة، وليها سوق فيه.
بالنسبة للموضوع الأصلى، الالنترا الجديدة لسه متجربتش عشان نحكم عليها. ولكن الفلوينس بالتأكيد أثبتت نفسها فى السوق المصري واختيار موفق لو اخترتها.
أنا برضه مش مع الفلوينس بس لو المقارنة بين الفلوينس والإلانترا يبقى فلوينس وش. بس لو تقدر يبقى الترتيب سيفيك - مازدا 3 وبعد كدة ممكن الفلوينس
الفلوينس مش بتخسر جامد في اعادة البيع - رينو مبقتش زي زمان - دلوقتي اللوجان بتحافظ على سعرها احسن من الفيرنا و الله شهيد على كلامي - و شوفوا على كونتاكت لو مش مصدقين
الفلوينس افضل
بس توضيح بسيط
الفلوينس عمرها ما اتصنعت في فرنسا ولا ليها خطوط انتاج في فرنسا - فرنسا عملت الميجان 3 هاتش باك للاسواق الاوربية و عملت الفلوينس في تركيا للاسواق اللي بتفضل السيدان زي مصر - لكن محرك الميجان 3 الجديد كليا (احسن ميت مرة من ميجان 2 لانه معمول بشراكة مع نيسان - اقل تعقيدا الكيترونيا من القديم و اطول عمرا ان شاء الله لانه تقنية ياباني )
انصحك بالفلونس
انا مش فاهم الناس بتتخانق على إبة الراجل بيسأل ما بين نوعين بس وكل اللى دخلوا ما عندهموش العربيتين وكمان اللى بيزود فى أنواع مش مطلوب مقارنتها .
من رأيى إن اللى يتكلم يكون إمتلك العربيتين .
بس من رأيى أنا عن تجربة أوروبى وأسيوى
أوروبى طبعاً فى دولة زى مصر فيها أعلى نسبة حوداث فى العالم يبقى الأمان رقم واحد فى الإختيار بفرض ثبات المواصفات الأخرى
انا ركبت الفلوينس واشهد لها بجودة التقفيل والخامات المستخدمة وتجهيزات الامان الموجودة بها الماخوذ على الالنترا انها بالسعر دة وبالتجهيزات دة !!! الامان مش حاجة بتشغل بال توكيل هيونداى مصر
سؤال جانبى شاغلنى اية الاختلاف بين الالنترا القديمة والموديل الجديد منها بخلاف الشكل والكماليات ؟؟
عندنا فى الشركة.بنبيع.سيراتو.وفليوا س.الفليونس بتتفارن بالأوكتافيا.والجيتا. والسيفيك.
احب اضيف حاجه ياجماعه ومعلشى استحملونى
انا لما فكرت اجيب اللوجان وده رائى الشخصى وقارنتها باخوانها الكوريين الفيرنا واللانوس وانا من دمنهور مش من القاهره كمان وقطع غيارالكورى موجوده فى كل حته ادامى وانا رايح الشغل حتى سواء جديد او استعمال فى المقابل قطع غيار اللوجان منعدمه فى دمنهور تماما ولسه شارى فانوس امبارح نزلت اسكندريه مخصوص اشتريه من التوكيل وانا مش راجل غنى ولاحاجه والعربيه شارينها عن طريق الشغل بتاع اختى ملهومش دعوه بصيانه ولا اى اصلاح و تعتبر حمل عليا ماديا بدرجه كبيره بص صعب عليا ان اشترى عربيه مفيهاش اى وسيله من وسائل الامان لركابها وموديل انتاجه اتوقف بره من حوالى 5 سنين واكتر وتوكيل مش بييقدر ملاك العربيه فى اى شىء وماصص العربيه مص من كل حاجه وكمان فوق ده كله سعر ازيد من اللوجان
علشان كده اشتريت اللوجان وقررت اخاطر وربنا هو الستار والكلام ده عن عربيه بحاجه وستين الف
لكن اللى انا مستغربه ان فى ناس عندها المقدره انها تدفع 150 الف فى عربيه وبتدور على وفر فى قطع الغيار بمقدار 200 او 300 جنيه مثلا فرق سعر فانوس ولا رفرف ولا مرايا ومش خايف على اهل بيته ومقرر يشترى عربيه مفيش فيها اى وسائل امان فى بلد كلها حوادث علشان يوفر المبلغ البسيط ده
هقول كلام و انا عارف هلاقي هجوم من ناس كتير بعد كدة بس هقوله و خلاص علي المدي البعيد 6 او 7 سنين هتلاقي الالنترا تمنها فيها غير مصاريف صيانتها هتريحك جامد الفرنساوي و عن تجربة البيجو 307 و رينو ميجان سيدان 2006 مصاريف صيانتهم تحرق الدم و لو فكرت تبعها موش هتجيب ربع تمنها باللي صرفته علي صيانتها . 142 الف يا الالنترا يا يتفكر في كورلا 2012
ما هي ديه اصلا سياسة تغريق السوق بالكوري
والتجار مش هايروحوا يشتروا قطع غيار لعربيات ميجان ولوجان وفليونس ولا حتي الماني
بيمشوا مع السوق ... لكن تخيل الكفة لو اتقلبت والاروبي ولا الالماني غرق السوق ... التجار هايشتروا قطع غيار الكوري؟؟؟
اللي شايفه الحمد لله ظابط ميزانه صح ..... الياباني (قطع غيار معمرة +رخيصة الي حد ما نسبة الي عمرها الافتراضي)
وانا زعلان جدا علي الالماني والاروبي في بلدنا ... ليه يحرمونا نركب عربيات جميلة ومحترمة ... وركوووووووبة بجد
والله عربيات تحب تركبها جدا ... ثبات وسرعه وامان ... وفي الاخر سوقها واقع علشان توكيلها و التجار و سياسة السوق المصري .
انا كان نفسي افضل مع البولو ... بس بجد عذاب وقلة ضمير في كله صناعية وقطع غيار .. بحجة انهم متخصصين.
حتي واحد بتاع قطع غيار بيقولي لو الالماني ببلاش قدامي والله ما اشتريه.... وصل بينا الحال لكده ؟؟
عربيات ولا ليها اي مواصفات اصلا هي االي سوقها ماشي والعربيات اللي علي حق ربنا هي اللي متتركبش ... هي ديه بجد كوك زيرووو :)))
الفلوينس تقارن بالجيتا مثلا ..و تتفوق على اليابانى ..مازدا 3 ..هوندا سيفيك و غيرها
فلوينس بدون تفكير كتير ..كفاية التوكيل المحترم ....
و لو ليسة متردد روح اعمل اختبار قيادة للفلوينس و حتفهم قصدى ..
اقتباس:
the k9k is a family of straight-4 automobile engines co-developed by nissan and renault. Renault calls it the k engine.it is a straight-4. It is called 1.5 dci. Fuel injection system is being provided by bosch diesel systems since the beginning of 2011 instead delphi system on the old generation k9k engine.
It is fitted to the following vehicles:
- nissan almera
- nissan micra (86 hp)
- nissan micra c+c (86 hp)
- nissan juke (110 hp)
- nissan note (90 hp)
- nissan cube (110 hp)
- nissan tiida (105 hp)
- nissan qashqai (110 hp)
- nissan nv200 (90 hp)
- renault clio (ii)
- renault clio (iii)
- renault kangoo (70 & 85 hp)
- renault laguna (110 hp)
- renault mégane (ii) (86 & 106 hp)
- renault mégane (iii) (90 & 110 hp)
- renault megane scenic
- renault modus
- dacia logan (70 & 85 hp)
- dacia sandero (70 & 85 hp)
- dacia duster (85 & 110 hp)
- suzuki jimny (86 hp)
الرد للزميل اللي سأل انا عرفت منين ان الرينو ميجان 3 موتورها بالتعاون مع نيسان
للاخوة اللي بيقولوا ان مازدا كوسية هي عربية جميلة ركبتها حلوة تبلوة جميل و اداء كويس بس ماتنفعش عيلة المساحة بين الكنبة و الكرسي بتاع السواق او اللي جنبة صغيرة جدا تقريبا العربية دي معمولة للناس القصيرة مع احترامي للقصيرين (و انا مش طويل قوي يعني 180 سم :) )
[OVERLINE]شكرا يا جماعة علي الردود .. انا الصراحة لما جيت اسال اصحابي قالوا مهما كانت حلوة الهيونداي ديه برده هيونداي و كوري
و لما قلتلهم الفليونس قالوا عربية فخمة و فرنساوي و فعلا برستيج و تحس ان مفيش حد عارف سعرها و طبعا من الداخل فخمة جدا
طب ايه اوروبي في حدود ال 140 الف تاني؟
[/OVERLINE]
شكرا تاني يا جماعة :satelite:
حضرتك عارف ايه اكتر حاجة مصعبا عليك المقارنة دي...أن الالنترا سعرها مبالغ فيه جدا في مصر بالنسبة لكمالياتها و لمتورها (اللي غير الموتور اللي نازل معاها أصلا) و ده دخلها في فئة سعرية أكبر من قيمتها...يعني باختصار هي ممكن تكون افضل اختيار لكن لو كان سعرها أقل من كده ب 15-20 ألف
بالنسبة للفلوانس الموضوع معكوس .. كمالياتها و شكلها و منشأها يخليها تتقارن بعربات أغلى منها زي الجيتا مثلا و لكن نازلة بسعر منافس جدا و خاصة الفئة الي ب 140 ألف
حاجة مهمة جدا عايزك تقارنها و هي و سائل الأمان في و دي في رأيي الشخصي حاجة أساسية جدا في اختيار أي حد .. و هنا الفلوانس و الأوروبي بشكل عام تكسب عن الكوري بمراحل و لو تساوت القيمة السعرية أو حتى زادت