مضيت وصل أمانة عربية متأجرة و العربية محتاجة عمرة كاملة !!

اجرت هيونداى النترا 2008 علشان اسافر بيها من اسكندرية

دلوقتى و انا ماشى بيها الحرارة عليت مرة واحدة للاخر خالص وكانت قبلها بخمس دقايق الحرارة عادية جدا
ركنت على جنب بس قبل مالعربية تقف بحوالى 3 ثوانى العربية فصلت لوحدها !!

فتحت الكابوت ملقتش غطاء الريداتير

و مش عايزة تدووور خالص

نزلتها اسكندرية بكساحة و صاحبها وداها لميكانيكى فال البساتم سايحة و عايزة عمرة ماتور كاملة (بساتم و خراطة و خراطة وش سلندر و جوانات و شنابر) هتتكلف 3250




دلوقتى ده كدة يعتبر عيب سواق ولا عربية يعنى مين الى المفروض يتحمل التكلفة ديه ؟؟؟
و لو مش انا ايه نظام الايام الى كنت دافعها و مستفدتش بيها (كنت مأجرها 5 ايام)


و لو حبيت اكبر الموضوع مين الى ممكن يحكم اذا كان انا الى اتحملها ولا صاحب العربية لجنة من التوكيل ولا اعمل محضر ؟؟

و صاحبى ماضى على بياض بدون تاريخ و معاه عقد ايجار و لسة مكملش 21 سنة




يا ريت حد عنده خبرة يرد عليا بسرعة

أولا قلبي مع حضرتك
ثانيا الغلط كل الغلط علي حضرتك لأن حضرتك ما عاينتش و فحصت العربيه بشكل كاف ساعة الإستلام

يبقي العيب مش عيب سواق هو عيب مستأجر و أكيد حضرتك كاتب في العقد إن حضرتك إستلمت و العربيه في حالتها الطبيعيه و سليمه
يبقي العقد ملزم لحضرتك إنك تصلح التلفيات و تعيد الشئ لأصله ساعة غستلامه

الحل في وجهة نظري بدون شوشره و توسيع للموضوع
حضرتك ممكن تفاوض المؤجر و تحاول إن حضرتك تتحمل جزء و هو جزء بطريقة وديه أو أي شئ من ذلك القبيل

لكن لي سؤال : العربيه دي حالتها كانت أيه ساعة الإستلام كانت بتسحب و تشد و موتورها كان فايق .. و هل حضرتك كنت بتمم علي الميه و سوائل العربيه قبل إستخدامها و لا لأ؟؟؟

ربنا معاك وحاول تحلها ودى مع صاحب العربيه ومش مشكله ال5 ايام الل دفعتهم

اقتباس:

---

المشاركة الأصلية كتبت بواسطة hossam99

لكن لي سؤال : العربيه دي حالتها كانت أيه ساعة الإستلام كانت بتسحب و تشد و موتورها كان فايق .. و هل حضرتك كنت بتمم علي الميه و سوائل العربيه قبل إستخدامها و لا لأ؟؟؟

---

اولا شكرا لاهتمام حضرتك

ثانيا العربية مش كويسة لانها مجبتش اكتر من 140
و انا مبصتش على المياة
و انا فعلا غلطان فى كدة بس انا قلت ديه عربية جديدة و اكيد مظبوطة

بس فيه حاجة دلوقتى ايه معنى ان غطا الريداتير طار و طلع الى جواه ؟؟ .. اكيد ده عيب من العربية (مشكلة سخونية او تسريب)

انا ايه زنبى انا ماشى عادى بصيت على الحرارة لقيتها زادت ركنت على جنب

اقتباس:

---

المشاركة الأصلية كتبت بواسطة moustafa_saad

ربنا معاك وحاول تحلها ودى مع صاحب العربيه ومش مشكله ال5 ايام الل دفعتهم

---

لو جت على ال 5 ايام مش مشكلة بس المشكلة فى العمرة

للاسف مافيش حل غير انك تحاول تحل الموضوع بشكل ودي مع المكان اللى اجرت منه العربية

وبنسبة كبيرة هيقولك انا مديلك العربية سليمة وانت السبب وصلح على حسابك !

وربنا ينتقم من اصحاب شركات التأجير اللى بنسبة كبيرة بيكونو عارفين عيوب العربية وبيحاولو يلبسوها في الناس اللى مالهاش ذنب !

حصل مع ناس زمايلي من كام سنة حاجة زي كدة

اجرو عربية دايو لانوس وهما على الصحراوي فجاءة ريحة شياط يركن على جمب يبص يلاقي العربية بتولع

المهم بعد ماطفو الحريقة الماتور طبعا راح اكتشفو فيما بعد ان الماتور تقريبا كان مخروم او فيه حاجة الله واعلم

وبعد محاولات مع المستاجر اللى صمم على انه مسلملهم العربية سليمة ماكنش فيه اي مجال غير انهم يشترو ماتور استيراد على حسابهم الشخصي وده كلفهم حوالي خمس الاف جنيه !

قدر الله وماشاء فعل ....
مافيش غير إنك تحاول تتفاهم وديا معاه علي إن التكاليف تكون مناصفة ...
لو وافق كتر خيره ماوافقش هو وضميره بقي وأمرك لله ...

العفو يا فندم
لكن قل الحمد لله علي كل حال
و إعتبرها قضاء أخف من أي قضاء ثاني
و حضرتك أكيد عرفت إن أي تعامل مع مكتب إجار يبقي العربيه تتفحص فحص دقيق بقدر اللإمكان
و عليك بالحل الودي


و أخيرا أنا هاقول لحضرتك حاجه لكن أتمني إن حضرتك متحطهاش في حسباتك و تفاوض مع المكتب و عدي الموضوع و متتعاملش معاه
(العربيه دي كانت خلصانه قبل الإستلام و جت في حضرتك (ده إحساس))

انت منتش ضامن الراجل وخصوصا لو نصاب ممكن لو روحت ليه يقولك عايز ماتور جديد من التوكيل
اتنت تتطلع علي الراجل بتاع العمرة ومتجبش سيرة للراجل خالص وتعملها والله يعوض عليك

لو صاحب العربية لسة معرفش يبقى هقولك على حاجة
بما ان العربية اصلا خلصانة من قبل ماتستلمها وحب يلبسها فيك تعمل الاتي
تتصل بيه تقله العربية مالها وتعمل نفسك مش عارف اي حاجة
قوله كمان ان العربية مش بتسحب والتكييف تعبان وانك عايز ترجعها وتاخد عربية غيرها
لو قالك ماشي هاتها وخد غيرها يبقى بعدها بشوية تقوله ان العربية مش عايزة تدور وتعالى خدها انت واخلي مسؤليتك
قوله كمان ان العربية من اول ماستلمتها وهيا كدة

ربنا معاك و تقدر تحل الموضوع على خير

اقتباس:

---

المشاركة الأصلية كتبت بواسطة a_hmed

و صاحبى ماضى على بياض بدون تاريخ و معاه عقد ايجار و لسة مكملش 21 سنة

يا ريت حد عنده خبرة يرد عليا بسرعة

---

2faster ممكن تسال العضو
لانه تقريبا يعرف واحد مر بتجربه شبه بتاعتك خصوصا موضوع ان واحد اقل من 21 سنه و يمضى على وصل امانه على بياض

الموضوع لا يعنيك باى شىء بس خلى فى الاعتبار ان الراجل مش هايسكت بسهوله وهايحاول ياخد منك تكاليف السياره
الموضوع وما فيه ان المستاجر غير مسئول على اى شىء فى السياره غير الصاج والصالون فقط وتلف الموتور لا يعنيك بشىء اتكلم بقلب جامد وحسسه انك ممكن تعمل معاه واجب انك تسيب قيمه ال5 ايام كواجب منك على اساس انها هاتقف تعمل العمره وهو اللى يتكفل بكل المصاريف

اقل من 21 سنه ويمضى على بياض لو اترفع الوصل دا يتحبس اللى رافعو عشان مضى قاصر ملوش لازمه على فكرة الوصل.......بالنسبه لحوار العمرة انت كده كده لبسها لان العربيه كانت معاك على طريق سفر وحتى لو العربيه كانت فيها عيب انت هتلبسها وكويس انو ما جبلكش سيره الموتور الجديد ولا قالك الايام اللى العربيه هتقف تتصلح فيها على حسابك خدها منى نصيحه انا راجل باجر بقالى سنتين وشوفت العجب.........الراجل دا تمام حاول تربط معاه على كده او تفاصل معاه شويه على الاقل تشيلو المصنعيه وانت قطع الغيار..

بص يا باشا العربيه دي تترفع علي كساحه وتترمي تحت البيت وتركب غطا الريدراتير

وتاكد علي سوايلها(ميه/ زيت)

وتتصل بيه تقوله انا ماجر العربيه علشان اقضي بيها مشاوير مش علشان اوقفها تحت البيت اتمنظر بيها

والعربيه مش راضيه تدور

(كوله قبل ما ياكلك)

وعلشان الحوار يبقي محبوك صح قوله انا عايز تمن الايجار اللي ما استفدتش بيه

وتبت فيه

ولو قالك العربيه باظت وهي معاك قوله اول مره اشوف عربيه تعطل وهي مبطله

لا حول ولا قوة إلا بالله

قضاء أخف من قضاء

ربنا معاك

بس انا شايف ان عليك نسبة كبيرة من الخطأ
واللى أجرلك العربيه غلطان والله اعلم بنيته هوه لبسهالك ولا كانت سليمة

أولا : لم تتمم على العربيه وعلى ابسط شيئ فيها مياه الرادتير بالذات انك طالع على طريق سفر
واحنا فى عز الحر والصيف

ثانيا : واضح انك قرصت عليها .... بدليل انك بتقول انها مجبتش غير 140 كم/س وطبعا ده غلط قانونا وشرعا كمان وتعتبر سرعه كبيره جدا وبسيارة انت مش عارف ايه ظروفها بالظبط

الناس اللى بتحرض على الكذب والإفتراء !!!!! ... إتقو الله

الواضح من كلامك ان العربية لما وديتها للميكانيكى كانت خلصانة من وقت طويل لان لو كانت العربية سليمة وانت سهيت على المياة بس كانت هتضرب جوان وش سلندر لكن كانت هتمشى بردة حتى لو ثلتت يعنى الجوان يقطع من ناحية بوجية من الاربعة ويفصله لكن انت بتقول الميكانيكى قال البساتم بايظة والمكنة عايزة خرط فى الفارغة وشغل تانى ممكن يكون سببة نقص زيت فى الماكينة لمدة طويلة وشغل تخميس وفرك واهانة للعربية وخلافة من المستاجرين اللى قبلك وغطاء الريداتير لو كان موجود ساعة استلامك للعربية يبقى طار لسببين يا اما مكنش مربوط كويس او ضغط هواء زيادة فى الماكينة نتيجة ضرب جوان وش السلندر العمل كلاتى لازم تبينلة انك فاهم فى العربيات كويس وتقوله العيب ده من كذا وكذا وتخش فيه شمال شوية علشان ميعرفش يضحك عليك او يلبسهالك وكده هيعرف انه مش هيقدر ياخدك بكلمتين وخلاص لما يلاقيك فاهم وتحاولوا تحلوا الموضوع ودى حتى لو هتقسموا التكلفة عليكم انتوا الاثنين علشان الوصل اللى انت ماضى عليه بس حاول بعد كده لو اتاجرت عربية تبقى عينك فى وسط راسك وانت بتستلمها ان شالله تاخد معاك ميكانيكى تعرفة يعاينها قبل ما تستلمها ومش هياخد اكتر من 20 جنية بس هيأمنك من بلاوى كتير ممكن تحصل

اقتباس:

---

المشاركة الأصلية كتبت بواسطة elawany13

ثانيا : واضح انك قرصت عليها .... بدليل انك بتقول انها مجبتش غير 140 كم/س وطبعا ده غلط قانونا وشرعا كمان وتعتبر سرعه كبيره جدا وبسيارة انت مش عارف ايه ظروفها بالظبط

الناس اللى بتحرض على الكذب والإفتراء !!!!! ... إتقو الله

---

140 بالنسبه لالنترا لا يعني شئ لان الالنترا بتجيب لحد 210 مستريح

يعني ده ميعتبرش قرص

ومين اللي يتقي الله؟؟؟


ما دام وقعت مع نصاب اعلمه النصب الصح بقي علشان يعرف ان الله حق

هو ال 140 بقت حرام شرعا

لا حول ولا قوه الا بالله

ممكن اعرف ايه دليل حضرتك على الكلام ده

وممكن بالمره اعرف كفارتها ايه

اقتباس:

---

المشاركة الأصلية كتبت بواسطة wesam_salom

هو ال 140 بقت حرام شرعا

لا حول ولا قوه الا بالله

ممكن اعرف ايه دليل حضرتك على الكلام ده

وممكن بالمره اعرف كفارتها ايه

---

غرزتين على الدائري
علي
90
:satelite:

140 قرص ...............ده انا عربيتي حوت علي كده

الوصل ملوش لزمه
لان اللى ماضى عليه قاصر
يعنى يبله و يشرب ميته

ده يا راجل اهبل
يا فاكركوا انتو مش فاهمين

و العربيه باين طبعا انها شوربه
و جت فيك انت

حاول تحل الموضوع ودى معاه
و شوف ميته ايه
لو لقيته نصاب اقلبها عليه

اقتباس:

---

المشاركة الأصلية كتبت بواسطة smsm_cato

الواضح من كلامك ان العربية لما وديتها للميكانيكى كانت خلصانة من وقت طويل لان لو كانت العربية سليمة وانت سهيت على المياة بس كانت هتضرب جوان وش سلندر لكن كانت هتمشى بردة حتى لو ثلتت يعنى الجوان يقطع من ناحية بوجية من الاربعة ويفصله لكن انت بتقول الميكانيكى قال البساتم بايظة والمكنة عايزة خرط فى الفارغة وشغل تانى ممكن يكون سببة نقص زيت فى الماكينة لمدة طويلة وشغل تخميس وفرك واهانة للعربية وخلافة من المستاجرين اللى قبلك وغطاء الريداتير لو كان موجود ساعة استلامك للعربية يبقى طار لسببين يا اما مكنش مربوط كويس او ضغط هواء زيادة فى الماكينة نتيجة ضرب جوان وش السلندر العمل كلاتى لازم تبينلة انك فاهم فى العربيات كويس وتقوله العيب ده من كذا وكذا وتخش فيه شمال شوية علشان ميعرفش يضحك عليك او يلبسهالك وكده هيعرف انه مش هيقدر ياخدك بكلمتين وخلاص لما يلاقيك فاهم وتحاولوا تحلوا الموضوع ودى حتى لو هتقسموا التكلفة عليكم انتوا الاثنين علشان الوصل اللى انت ماضى عليه بس حاول بعد كده لو اتاجرت عربية تبقى عينك فى وسط راسك وانت بتستلمها ان شالله تاخد معاك ميكانيكى تعرفة يعاينها قبل ما تستلمها ومش هياخد اكتر من 20 جنية بس هيأمنك من بلاوى كتير ممكن تحصل

---

الكلام مضبوط و العربيه دى مكنتها كانت خلصانه
بس الجديد ان غطا الردتير يطير
لو ترموستات الكوعه كان قافش و دى الحاجه الوحيده اللى ممكن تزود الضغط فى مجرى المياه هتلاقى ان الكوعه نفسها بتضرب( حصلت معايا شخصيا) او خرطوم يضرب او فبر الردتير يضرب و لو فيه نفخ هيطلع على القربه
انما ان غطا ردتير يطير من الضغط دى اول مره اسمع عليها ياريت لو حد حصلت معاه يعرفنى
و لو الغطا مكانش راكب كويس برضه كنت هتلاقيه مكانه
و لو الغطا نفسه ضرب من الضغط هتلاقى الغطا موجود مكانه بس مخروم من فوق
على فكره لو فعلا غطا الردتير طار من الضغط هتلاقيه عامل خبطه فى الكبوت فوقه بالضبط و المكان اللى بيركب فبه فى الردتير منحول او متاكل
عندك خبطه فى الكبوت فوق غطا الردتير او اى حاجه من اللى انا قلت عليه؟؟
لو مش مفيش يبقى الراجل ده بينصب عليك و مكانش مركب غطا الردتير اساسا عشان حضرتك تشيل تصليح المكنه

اقتباس:

---

المشاركة الأصلية كتبت بواسطة wesam_salom

هو ال 140 بقت حرام شرعا

لا حول ولا قوه الا بالله

ممكن اعرف ايه دليل حضرتك على الكلام ده

وممكن بالمره اعرف كفارتها ايه

---

دليل حضرتى ياوسام باشا
انك بتعرض حياتك وحياة غيرك للخطر
وبتلقى بنفسك الى التهلكة
وكل يوم بنشوف مآسى بسبب السرعه
التى لا تتناسب مع الطرق فى مصرنا الحبيبة
ومخالفة للقانون الموضوع من ولى الأمر
واحنا ملزمين شرعا بالإلتزام به
:satelite:

الحل الوحيد قدامك ةانك تحاول مع صاحب العربية ودى الاول انت جزء وهو جزء ومتكلموش فى حوار الخمس ايام اللى انت دافعهم

وشوف وربنا معاك ويسرللك الامور

صاحبك دوة لسة قاصر لانة اقل من 21 سنة وبالتالى اى مشكلة هتبقى على الولى الطبيعى لية يعنى والدة والدتة لو موجودين او على الوصى علية

على فكرة موضوع ك دة سبوبة لمالك العربية و اى حوادث برضة مصلحة لية انا اعرف ناس كتير عندهم عربيات ايجار بيتمنوا اللى ياخد العربية يعمل حادث او يجرحها علشان دة المكسب الرئيسى لهم اسالنى انا كونت شغال مع العالم دى و طبعا ياما مر عليا حورات ذى دى

ودى العربية عند ميكانيكى تانى ممكن الاولانى مربك مع صاحب العربية و هى حاجة بسيطة

اولا بما ان صحبك مكملش 21 سنة يبقا الجراء دة باطل بالكامل ملوش اى لزمة يبلة ويشرب ميتة القانون بليقول انة لازم يأجر لشخص بالغ اكثر من 21 سنة ويوم وفى القانون اى اجراء قبل سن الرشد لو صحيح يتخذ بية اما اذا كان خطاء لا يلتزم بية القاصر بس وطبعا دة عطل مكنيكى انت غير مسؤل عنة وطبعا رجعهالة وهو المسؤل عنها

بس مشكلتك هتكون مع مكتب التاجير لان الناس دية وراها بلطجية وهيخدو حقهم بدرعهم وممكن يعملو فيك حاجة اسالنى عنهم بلاوى بجد

اقتباس:

---

المشاركة الأصلية كتبت بواسطة ahmedesmat1987

اقل من 21 سنه ويمضى على بياض لو اترفع الوصل دا يتحبس اللى رافعو عشان مضى قاصر ملوش لازمه على فكرة الوصل.......بالنسبه لحوار العمرة انت كده كده لبسها لان العربيه كانت معاك على طريق سفر وحتى لو العربيه كانت فيها عيب انت هتلبسها وكويس انو ما جبلكش سيره الموتور الجديد ولا قالك الايام اللى العربيه هتقف تتصلح فيها على حسابك خدها منى نصيحه انا راجل باجر بقالى سنتين وشوفت العجب.........الراجل دا تمام حاول تربط معاه على كده او تفاصل معاه شويه على الاقل تشيلو المصنعيه وانت قطع الغيار..

---

للتوضيح و ليس التعديل
...ما دام هو ماضي و هو أكبر من 18 سنه يبقي مسؤال عما أؤتمن عليه مسؤليه كامله
أصغر من ذلك لا يعتد بإمضاءه

مادام العربية ايجار وطبعا معاملة العربية الايجار غير الملاكى فى الهلك يبقى انت تشيل نص التكلفة وهو النص وطبعا بالتراضى

عمري ما امضي على وصل على بياض و لو على رقبتي

علشان كده عمري ما اأجر عربية

لو عربيتي بايظة او بتتصلح يا اما استلف عربية يا اما اخد تاكس ان شاء الله ادفع 200 جنيه في اليوم بس زي الباشا

الاول
السلام عليكم
الموضوع ليه طرفيين
الطرف الاول هوحضرتك
لطرف الثانى هو المعرض او قلى اجرلك العربية
اولا يقع على حضرتك عاتق المسئولية وهو انتا خدالعربية معملتيش عليها شيك اب اوكنت كلفت نفسك 20 جنية وجيبت ميكانيكى يفحصلك العربية وده حقك ومحدش يقدر يتكلم معاك وهما ليهم نظرة
الطرف الثانى
قلى اجرلك العربية
هنا بقى فى نقطتين
النقطة الاولى ياما يكون راجل محترم وادلك العربية من غير ما يعرف قلى فيها
النقطة الثانية ياما يكون الراجل عمالك كميين و لبسك العربية وفى كذا طريقة

طيب عاوزين نعرف الراجل ده كان صادق معانا وله لبسنا العربية
هتعمل ايه سياتك هتتصل بيه وشوف هتقبله بس من غير العربية واوعى تصلح فيها حاجة لانك ممكن تصرف عليها و هو يكون عارف انى هى هتخرب منك يجى يقولك ماليش دعوة انا عاوزموتور جديد يبقى اتكلفة تصليح وشراء موتورجديد او استيراد
واحكيلة على الموضوع وعلى كل قلى حصل و شوف رد فعله ايه
لو قالك انا ماليش دعوة وزعق خد بعضك وامشى ويكون معاك ناس ويكونو منتظر ينك بعيد علشان لوعمل قلة
و قولو انتا معاك ورق وانا معايا الحديدة قلى هى العربية ومتخفش و ميهدكش بالورق هتعمل بقى محضر فى قسم الشرطة ويفضل محامى يكون معاك واثبت الكلام بالظبط وموضوع الورق وكل حاجة قبل ماتدخل القسم وتعمل محضر قوله انا هسلم العربية فى القسم شوف رده ايه هنتفهم تمام ركب دماغه سلم العربية فى القسم بمذكرة ويثبتهالك فى المحضر هوهيجى يرفع الورق بعد منك طبعا هتكون انتا مامن نفسك ويجرى هو بقى وره عربيته و يفضل يكون فية شهود على الموضوع
بس اهم شىء تكون صادق مع نفسك وفى الكلام قلى انتا هتقولة

ده منواقع خبرتى فى ايجار العربيات
دة انا مرة لبست عربية هيونداى فيرنا جابت واش سليندر 2 مرات و المقص قلى ورا اتكسر وكنت هموت فى اليوم ده على طريق مصر الاسكندرية عرفة انوالعربية كانت عند الميكانيكى وكانو منتظرين الزبون قلى يلبس طبعا كنت انا المحظوظ لانى عاملت تحريات عنه وعرفة من ناس انى هى كانت عند الميكانيكى قبل ماناخدها وقصة كده اتصلة بيه كانه منتظر اتصلى بقولو العربية و قبل ما اكمل كلامى قلى موتور جديد
قولتالو وانتا عارفة منين سكت روحت قافل معاه الموبيل قعد يتصل بيه وخد العربية ورفعتها على ونش ورميتها عند واحد صحيبى خبيتها عنده
روحت عنده ومعايا ناس كبيرة اتكلمت معاه عمل هليلة وقعد يتنطط قلى انا هرفع الوصل الامانة هحبسك انتا والضامن قولتالو امين سلام قلى العربية فين قوالتالو انتا مش معاك ورق وانا معايا الحديدة وهفكها النهاردة حتة حتة و هبيعها فى وكالة البلح ومن ثمنها هصرف على المحامين وابقى قابلنى لوخد حاجة و له فلوس وله الحديدة انتا كنت هتموتنى ددة اخرى سلام
اتصل بية بعد يومين قلى عاوزين نحل قولتالو انا معنديش مانع اتقابلنا انا و الناس الكبيرة والناس الكبيرة اتفقة انى ادفع 1000 جنية وهو يشيل الباقى لية بقى عاملت كدة هو كدة هيتزنق و لازم يدفع فلوس لصاحب العربية قلى واخدها منه ويشغلها و هو كمان ماضى على ورق ووصل امانة وهيتخرب بيته هو كمان يبقى خراب بخراب يبقى على الكل عارفة بقى القصة
بس جمد قلبك شوية

والله معظمهم عالم تيييييت
واعرف منهم نااس في قمة الاحترااام

اسم المكتب اللي اجرت منه ايه ؟؟
ومكانه فين ؟؟

اقتباس:

---

المشاركة الأصلية كتبت بواسطة HOSSAM99

العفو يا فندم
لكن قل الحمد لله علي كل حال
و إعتبرها قضاء أخف من أي قضاء ثاني
و حضرتك أكيد عرفت إن أي تعامل مع مكتب إجار يبقي العربيه تتفحص فحص دقيق بقدر اللإمكان
و عليك بالحل الودي


و أخيرا أنا هاقول لحضرتك حاجه لكن أتمني إن حضرتك متحطهاش في حسباتك و تفاوض مع المكتب و عدي الموضوع و متتعاملش معاه
(العربيه دي كانت خلصانه قبل الإستلام و جت في حضرتك (ده إحساس))

---