جديد فى عالم الهوندا وعندى شوية اسئلة ؟؟؟؟؟؟؟

الحمدلله مؤخرا اشتريت هوندا سفيك 99 ex لاسف عندى سؤالين :

1-العربية بتسخن بصورة عشوائية ممكن اسافر بيها مشوار طويل جدا بدون سخونة وامشى جوة البلد ربع ساعة تسخن روحت فكت الردياتير وغسلتة وسلكته قعدت خمس ايام زى الفل انا قلت خلاص ظبطت كدة فجاة سخنت تانى
مع العلم كل الى يشوف الغطا الردياتير يقولى وحش وانها ما تسحبش من القربة وحاجة تانية ترموستات الكوعة مش موجودة واضح انها اتشالت لما بزود المية بيطلع هوا فوق فى الردياتير بتاع الردياتير قلى جوان السلندر منفس عايز يتربط كويس واحد تانى قالى الردياتير واخد هوا مع العلم ان انا غيرت دورة المياة كلها

2- مع تغير كل السيور والفلاتر حاسس ان العربية سحبها قل جدا وخصوصا مع التكيف بطة بلدى ممكن يكون سير الكاتينة ركب غلط ؟ مش عارف المفروض ما تمشيش لو ركب غلط

العربية كويسة وانا حاببها بس بصراحة زهقت من عيب الحرارة دة ومش مطمن ممكن تعملها معاى وانا مسافر مؤخرا
بدات اعمل الشغل فى الحرفيين عند واحد اسمة رفعت صبحى وقلتلة على ترموسسات الكوعة قلى يفضل انك تركبة تانى وعايز اتاكد ان السيور راكبة صح مش عارف ازاى ؟؟؟؟؟؟

فى انتظار نصائح العصابة واضح ان الناس هنا متعاونة جدا اتمنى حد يفيدنى فى موضوع الحرارة دى عيب اية هل فعلا جوان وش السلندر فى تنفيس ؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة anyname

الحمدلله مؤخرا اشتريت هوندا سفيك 99 ex لاسف عندى سؤالين :

1-العربية بتسخن بصورة عشوائية ممكن اسافر بيها مشوار طويل جدا بدون سخونة وامشى جوة البلد ربع ساعة تسخن روحت فكت الردياتير وغسلتة وسلكته قعدت خمس ايام زى الفل انا قلت خلاص ظبطت كدة فجاة سخنت تانى
مع العلم كل الى يشوف الغطا الردياتير يقولى وحش وانها ما تسحبش من القربة وحاجة تانية ترموستات الكوعة مش موجودة واضح انها اتشالت لما بزود المية بيطلع هوا فوق فى الردياتير بتاع الردياتير قلى جوان السلندر منفس عايز يتربط كويس واحد تانى قالى الردياتير واخد هوا مع العلم ان انا غيرت دورة المياة كلها

2- مع تغير كل السيور والفلاتر حاسس ان العربية سحبها قل جدا وخصوصا مع التكيف بطة بلدى ممكن يكون سير الكاتينة ركب غلط ؟ مش عارف المفروض ما تمشيش لو ركب غلط

العربية كويسة وانا حاببها بس بصراحة زهقت من عيب الحرارة دة ومش مطمن ممكن تعملها معاى وانا مسافر مؤخرا
بدات اعمل الشغل فى الحرفيين عند واحد اسمة رفعت صبحى وقلتلة على ترموسسات الكوعة قلى يفضل انك تركبة تانى وعايز اتاكد ان السيور راكبة صح مش عارف ازاى ؟؟؟؟؟؟

فى انتظار نصائح العصابة واضح ان الناس هنا متعاونة جدا اتمنى حد يفيدنى فى موضوع الحرارة دى عيب اية هل فعلا جوان وش السلندر فى تنفيس ؟؟؟؟؟؟؟؟؟؟؟

---

أولاً : ألف مبروك العربية وربنا يعطيك خيرها ويكفيك شرها

ثانياً : أنت العربية سخنت منك مرة جامد ومشيت بيها وانت مش واخد بالك؟ وهل عندك المياة بتنقص سواء في القربة او الريداتير خلال مده قصيرة؟ والريداتير اللى راكب فيها الامونيوم ولا نحاس؟

موضوع السخونيه ليه أسباب كثير منها الريداتير وطلمبة المياة و القربه و غطاء الريداتير و مروحة التبريد ومش شرط انك طلما نظفت الريداتير يبقى هيشتغل تمام عشان في حالات مبينفعش فيها تنظيف ولازم يتغير ويفضل تجيب غطاء الريداتير الاصلى وأكيد لازم تشترى وتركب ثرموستات الكوعه

ثالثاً : موضوع ضعف السحب ده برضه ليه اسبابة منها بوجيهات - فلتر بنزين - طلمبه بنزين - فلتر هواء - رشاشات - تقسيمه الكاتينه مش مظبوطة ولو الكاتينه مأخرة أو مقدمة العربية هتمشى عادى بس هتحس انها مخنوقة والسرعة القصوى هتقل - ضبط كهرباء - بنزين مغشوش - طقم دبرياج - فتيس تعبان

عاوز تعرف جوان افتح غطاء الريداتير ودور لو لقيت في فوران وفي فققيع هواء بتخرج ولما تزود بنزين بتزيد يبقى جوان وش السلندر

شكرا يا باشا على سرعة الرد

هو فعلا فى فقاقيع بتطلع وانا بزود المياة و واضحة جدا كمان بس بعد ما يتملى الردياتير بتختفى

الردياتير ارورجينال بتاع العربية وغالبا الومونيوم
بخصوص البطء فى السحب واضح ان الاسباب كتير يا ريت يا باشا ترشحلى حد فى الحرفين كويس اروح اشيك على كل الحاجات دى عندة

سؤال اخير معلش فايدة ثرموثتات الكوعة اية ؟؟؟؟

نسيت اقول ان امياة بتنقص تقريبا ربع لتر كل اربع او خمس ايام ولاسف لازم ازود بنفسى ما بتخدش من القربة

اقتباس:

---

المشاركة الأصلية كتبت بواسطة anyname

شكرا يا باشا على سرعة الرد

هو فعلا فى فقاقيع بتطلع وانا بزود المياة و واضحة جدا كمان بس بعد ما يتملى الردياتير بتختفى

الردياتير ارورجينال بتاع العربية وغالبا الومونيوم
بخصوص البطء فى السحب واضح ان الاسباب كتير يا ريت يا باشا ترشحلى حد فى الحرفين كويس اروح اشيك على كل الحاجات دى عندة

سؤال اخير معلش فايدة ثرموثتات الكوعة اية ؟؟؟؟

---

أنا بتكلم من غير ماتزود مياة هل في فقاقيع واضحة لما بتفتح الغطاء وتدور؟

طلما أنت عارف الباشمهندس رفعت الزول الراجل ده تمام وشغله نظيف بس مصنعيته حراقة شوية روحله وقولة أنك من طرف محمد نبيل اللى معه VTi الزيتى وفى واد اسمه رومانى عندة عيل قرد

وظيفة الثرموستات في الموضوع ده

http://www.nilemotors.net/Nile/222108-a.html

اقتباس:

---

المشاركة الأصلية كتبت بواسطة anyname

نسيت اقول ان امياة بتنقص تقريبا ربع لتر كل اربع او خمس ايام ولاسف لازم ازود بنفسى ما بتخدش من القربة

---

الريداتير هو اللى بينقص يعنى كده هتحتاج تكشف على الريداتير والغطاء ودورة التبريد بالكامل

مبروك ياباشا ربنا يديك خيرها ويكفيك شرها

بالنسبة للعربية اللى معاك هية يأما lxi او lsi او vti حسب الاوبشن لكن مافيش ex

بالنسبة للدينا اللى عندك طالما العربية مش بتاخد من القربة يبقى كدة غطاء الردياتير لا يقوم بوظيفتة وبالتالى المياة هتوصل لدرجة حرارة عالية من غير ماتبرد او تخرج الضغط بتاعها وطبيعى هتقل

فانت اول حاجة غير غطاء الردياتير وبعد كدة تقول على الاخبار وان شاء اله نفيدك بس اهم حاجة ماتعملش حاجة غير لما تقول عشان ماتصرفش على الفاضى وتنجز الوقت وتعمل الحاجة صح

شكرا يا جماعة للرد السريع

1- استاذ محمد هى فعﻻ فى فقاقيع تكاد تكون ملحوظة والعربية دايرة ومؤخرا بدات اﻻحظ ان المية فى الردياتير بتقل جامد بعد مشوار صغير جوة البد فواضح ان الردياتير مخروم او الخراطيم ﻻنى ﻻحظت وجود شوية مية على الكبوت من جوة ﻻسف دة عيب جديد ما كنش بيحصل قبل كدة

2- استاذ سامح شكرا ياباشا على الموضوع الجامد بتاع السخونة انا شفتة ممتاز بصراحة ربنا يباركللك وزى ما انت قولت انا عربيتى lxi بس عند بتوع قطع الغيار بيقولو عليها ex انا المية عندى بتنقص جامد وﻻسف ما تاخدش من القربة فواضح ان فى مشكلة فى الردياتير او الخراطيم فيها تسريب ده طبعا غير ان الغطا عايز يتغير ضرورى علشان موضوع القربة
انا فعىﻻ زهقت وبفكر اروح التوكيل والخص بقى وهما يتصرفوا هناك ممكن اخد معايا ردياتير جديد يغيروا هناك من عند مجدى الدسوقى هو قالى ان فى واحد 400 جنية بس ارخص من التوكيل 1200 كتير اوى

الموضوع دة اى حد بيعملة اهم حاجة تجيب ردياتير كويس وغطاء نظيف وقربة جديدة اصلية او استيراد نظيفة وان شاء الله خير

وخلى بالك لو فية مشكلة فى الخراطيم او تسريب هتلاقي المياة كلها وقعت وانت ماشى

وفية حاجة اسمها كبس دورة التبريد ودية بتبين الخراطيم المنفسة من عند الكوليهات او اللى فيها خروم صغيرة ممكن تتطلع مياة لما الماتور يسخن ويمشى

أكشف وان شاء الله الموضوع يطلع بسيط ولو هتغير الريداتير ممكن تجيب استيراد بس تكون حالته نظيفة 2 ماسورة وبيكون جى معه الغطاء الاصلى مكتوب عليه 1.1 بالاضافه للمروحة كمان و سعره من 375 الى 420 جنية ولو ملقيتش حالة كويسه او الناس بتستهبل في الأسعار ركب ريداتير جديد تايوانى 2 ماسورة سعره 390 جنية تقريباً و أداءه ممتاز بس غير شامل الغطاء ولا المروحه

بالتوفيق وابقى طمنا عليك