ندائي موجه الي العضو احمدhxpx
الكائن بقسم شيفروليه
عملت ايه في النتيجه يا ريت تطمنا وتفرحنا
عرض للطباعة
ندائي موجه الي العضو احمدhxpx
الكائن بقسم شيفروليه
عملت ايه في النتيجه يا ريت تطمنا وتفرحنا
بضم صوتى ليك
اين انت يا احمد
اية اخبار النتيجة؟
احمد شكله عايز يهرب من دور الحاجه الساقعه
.. الشعب يريد معرفة النتيجه ..
يا ريت فعلا تطمنا
الواحد صحيح ساب الثانوية من كتير بس سماع ان النتيجة ظهرت خلت الواحد بطنه توجعه
80% والحمد لله وشكرا جدا علي السوال
يا واد عمي محدش عارف الخير فيين
الف الف مبروك وربنا يفرحك ويفرح اهلك ويكرمك ان شاء الله
مبروك يا احمد عقبال البكلوريوس ان شاء الله
اهم حاجه تجتهد اكتر عشان ربنا يكرمك
الف الف مبروك ياباشا ربنا يكرمك ويوفقك وعقبال شهادة التخرج ان شاء الله
مرحلة اولى
يعنى عندة فرصة يعوض ان شاء الله
الف مبروووك يابوحميد
وعقبال السنة الجاية يكون احسن و احسن
الف مبروك يا ابوحميد..وإن شاء الله بالخير في المستقبل
الف مبرووووووووووووك
تعرف يا ابوحميد...على ايامي كان 80% بيبقى من الأوائل..انا فاكر واحد صاحبي جاب بتاع 92% علمي رياضة طلع من التلاتين الأوائل على الجمهورية ولف اوروبا على حساب الوزارة (او جريدة الجمهورية مش فاكر) وصاحبي دا دلوقت دكتور في هندسة عين شمس
واعرف واحد من الشلة جاب مجموع ضعيف لدرجة إنه ماعرفش يخش تجارة او اداب، دخل تربية نوعية!!! عارف، هو تفوق في الكلية وعينوه معيد وخد منحة وعمل دكتوراه في امريكا ورجع دكتور قد الدنيا وبيشرف على رسائل جامعية في مصر والدول العربية..وفي يوم من الأيام ممكن يبقى عميد كلية او رئيس جامعة
نجاحك بأيد ربنا بعد اجتهادك..نجاحك مش بيد الثانوية العامة..المهم الإرادة..انا مش بأفلم عليك على فكرة..انا قلت لك وقائع حقيقية مرت علي في حياتي
فى واحد أعرفه برضه جاب 78 % فى ثانويه عامه وكان متشائم زيك ، وكان حاسس إنها نهاية الدنيا .
وكان حلم حياته يدخل فنون جميله ويبقى مهندس ديكور .
بس للأسف مجموعه يادوب دخله تجاره عربى ، ومكانش طايق حاجه إسمها تجاره .
وبفضل ربنا نجح أول سنه وكرت معاه الـ 3 سنين اللى بعديهم بنجاح صافى بس بتقدير مقبول بس .
وإتخرج وحب يشتغل أى حاجه إلا إنه يكون محاسب ، بس برضه للأسف إتدبس وإشتغل فى مكتب محاسبه .
والشغل جاب بعضه وبقى بعد 3 سنين محاسب قانونى ، وكان ضميره وأمانته فى الشغل هى المحرك ليه .
وإكتسب خبره كبيره فى الحسابات وعمل علاقات حلوه من خلال مكتب المحاسبه .
بس مكاتب المحاسبه للأسف مرتبها مش بيأكل عيش ، فقرر يستقيل بعد ما دور على شغل بره .
وبعدها بسنتين بقى مدير مالى محترم وهو عنده 27 سنه بس ، ومن خلال خبرته بالحسابات بقى ماسك كذا شغلانه غير شغله الأساسى ، وكل مدى بيتوسع فى شغله وخبراته ، لدرجة إنه يوم من الأيام كان ماسك حسابات معرض موبيليا مشهور وكان فى وقت فراغه بيصمم ديكورات لنفس المعرض ( هوايته اللى كان حاببها ) .
والحمد لله هو مرتاح جداً دلوقتى فى مجاله .
المفيد ... متعرفش ربنا رايدلك إيه ، عليك إنك تسعى بجهد وضمير وأمانه وتحب ما تعمل حتى يحبك عملك وتسيب الباقى على الله .
الف مبروك يا باشا وعقبال السنة الجاية
وخلى بالك العبرة مش بالمجموع العبرة انك تحاول تتفوق فى المجال اللى انت فيه
اسمحلى اقولك انا معايا اعلى شهادات باحسن تقديرات فى البلد دى
انا محتفظ بكرتونة فيها جوايز التفوق من ايام ابتدائى واعدادى وثانوى ( فى الكلية على ماذكر كنت باخد 70 جنية فى السنة حافز تفوق :)) - يمكن قبل مانت تتولد -
بس مش هاقدر اقولك غير طز فكل دة
ولغاية دلوقت قلبى مش مطاوعنى ارمى الكرتونة بااللى فيها فى الزبالة غير بس شوية زكريات الواحد بيحنلها
الف مبروك يا ابوحميد والانسان لا يعرف ايه الدور المقدر له بالحياة فالمجموع وسيلة للمكان المقدر لك فاحمد الله ولا تتشائم واجتهد فى السنة التالية وان شاء الله ربنا حبكرمك بالخير
شكرا ليك يادوكتر هشام والله شجعتني تاني وفعلا والله محدش يعرف الخبر فييييييييين
يعني مثلا والدي دخل صيدله وعندنا صيدليتن ودكاترة في نفس الوقت عمي دخل معاه تجارة دلوقتي عمي مدير شركه المغربي حاجه كده وجه عمل نظام باركود وفر للشركه بتاع 3 مليون جنيه دلوقتي بسم الله مشاء الله
حاجه تانيه خالص فيلا في الرحاب و مرسيدس فا فعلا الرزق بايد ربنا مش بادينا