الموضوع: استفسار عن ماتور جامد للكريستالة

ارشحلك ال 1600 مايفك بقوة 170 حصان تقريبا واسمه 4g92
طبعا بيجي العفشة والفتيس ستب ترونك والكنترول وكل حاجة

المواتير دى بتتسقط فى الكرستالة, و ترتيبها من الأقوى للأضعف, كلهم اتعملوا قبل كدة فى مصر.

4g63t - قوتة حواللى 270 حصان و عزمة 370 ن.م - 2000 سى سى + تربو - 4 سلندر (يمشى رباعى او امامى).
4g93t - قوتة حواللى 202 حصان و عزمة 275 ن.م - 1800 سى سى + تربو - 4 سلندر (يمشى رباعى او امامى).
6a12 مايفك - قوتة حواللى 197 حصان و عزمة 200 ن.م - 2000 سى سى - 6 سلندر (امامى فقظ).
4g92 مايفك - قوتة حواللى 172 حصان و عزمة 167 ن.م - 1600 سى سى - 4 سلندر (امامى فقط).

اى استفسار او تصحيح انا موجود :).

فعلا الكل متجه الى المايفك بس احسبها صح يعنى شوف الاستهلاك بتاع البنزين قطع الغيار اكتر من حد متخصص قاللى موجودة ولا مشكلة فيها وفيه كمان المكنة 1500 2 كامة انا مركبه مانيوال الحمد لله يعتبر زى بتاع البومة 1600 حلو وتسارعه حلو ب بس طبعا مش زى المايفك وموفر جدا فى البنزين اوفر من ال1300 وبالتوفيق

المشاركة الأصلية كتبت بواسطة koke_lancer

تقصد اية بموفر بنزين

يعنى استهلاك موتورى الثنين كامة موفر فى البنزين عن الماتور ال1300 بتاعها الاصلى وده يرجع ممكن الى الانجيكشن وكمان وانا مشغل التكييف زى وانا فاصله يعنى مثلا انا دايما بفول لما المؤشر يجى عند النص كده او لما اكسر 200 كيلو جوة البد مثلا مشيت 200 كيلو مرة افول 20 ليتر ومرة 18 ليتر ومرة 21 ليتر ودى اكتر نسبة لما بتكون الدنيا زحمة قوى كل ده استهلاك جوة البلد ولو مرة سهيت عليها ومشيت مثلا 260 كيلو برضوا بحط 26 ليتر اما فى السفر انا اخر مرة كنت راجع من الساحل مشيت لغاية مصر تقريبا 320 ولما جيت افول حطيط تقريبا 24.5 ليتر 25 مش متذكر لكن مش اكتر من كده وكل ده بالتكييف تحياتى

المشاركة الأصلية كتبت بواسطة koke_lancer

انا حاطط المايفك بس هو مش موفر فى البنزين للدرجة الى انت بتقولها دى ثانيا معروف ان المواتير الاتنين كامة دى سفاحة بنزين
لكن ال 1300 بتاعها الاصلى بيوفر بنزين بجد لكن لو هتحرق و هيكون بردوا موفر عن المايفك

انا مركب نفس المكنه 1500 توين كام و تقريبا نفس الاستهلاك عادى جدا و فعلا اوفر من المكنه القديمه ال 1300

المشاركة الأصلية كتبت بواسطة koke_lancer

انا حاطط المايفك بس هو مش موفر فى البنزين للدرجة الى انت بتقولها دى ثانيا معروف ان المواتير الاتنين كامة دى سفاحة بنزين
لكن ال 1300 بتاعها الاصلى بيوفر بنزين بجد لكن لو هتحرق و هيكون بردوا موفر عن المايفك

اولا تسلم على المشاركة الجميلة ثانيا الموتور بتاعى 1500 2 كامة ومش سفاح بنزين ، قولنا بقى لو زى مانا ماشى كده الاستهلاك بتاعك يبقى ايه ولو شد وحرق قصدك طول الطريق والا مع الشد بس يعنى لما بتكون مسافر مسافة طويلة وتمشى 160 ده يعتبر حرق والا لا الفرق بين المايفك ( ربنا يباركلك فيه ويستر طريقك شكله شرانى ) وبين المواتير العادية الانجيكشن الكامة منها او الاثنين فى التسارع الاولى فقط لاغير ولكن السرعة القصوى هتلاقيها واحد او قريبة من بعض وطبعا كلنا عارفين وضع المايفك وتقولنا برضوا موضوع السخونية ايه الاخبار معاك والزيت هل بينقص وجربت تشد مع عربيات ايه ونجحت فعلا وكل سنة وانت طيب