ينفع الكورسات دي كلها تبقا self study

**TIMODAX** · 18-07-2011 12:32 AM

السلام عليكم
صلوا عالنبي الأول
بما أن فاضي أوي الشغل بقا 4 أيام في الأسبوع و شكلي بقا وحش أوي أوي الصراحه
و نفسي أغير المجال كله اللي بيتأثر بأي شويه تراب في الجو فيضيّعنا معاه
فبأفكر التالي

1- مذاكره مناهج TOEFL IELTS لوحدي أو عالنت مش فارقه :-)و مش هامتحنهم مع العلم أني بأتكلم لغه أوروبيه تانيه و الشغل ضيع الانجليزي يعني عندي خلفيه أكاديميه في الانجليزي أسااسا

2-مذاكره منهج icdl وده برضه سهل جدااا و هامتحنه في أي حته بعد المذاكره وحدي.. أو عالنت :-)
3-أنا بأحب اللينوكس لله في لله - نفسّي أبقا CERTIFIED فيه فبرضك هأذاكره مناهجه المتوافره عالنت
4- برضه لما بصيّت علي مناهج MCSE و CCNA والهي شكلهم سهّل برضك

حاولت ألاقي مراكز رخيصه مافيش .......... حتي اللي كاتبه كورسات مجانااا بتقولك
كورس icdl ب 150غير الامتحان والكتب و مواعيد ه ماتنفعش شغلي
مش عارف هو الحاجات ديه أأٍساسا ليها ثقل في سوق العمل والوظايف مع العلم اني باتكلم ألماني ...

و هل أهدافي ديه واقعيه ممكنه ولا أنا بأحلم

و ميرسي انك وصلت لأخر الموضوع و قريته معلش أسلوبي ملخبط عشان الأفكار مش مرتبه بس ...
و رمضان كريم

**x512** · 18-07-2011 12:53 AM

ال icdl ممكن انما التويفل اعتقد هيبقي تقيل شويه...وهيحتاج وقت..يعني ف اعتقادي لو ركزت ف التويفل ممكن متلاقيش وقت لل icdl اما عن باقي الكورسات ف انا معرفش هي بتاعه ايه اصلا

**Nistelrooy** · 18-07-2011 01:00 AM

وعليكم السلام ورحمة الله وبركاته
اللهم صل على محمد وعلى آله وصحبه أجمعين

انا واخد كورس الايلتس في الـ british council وبصراحة حاسس ان الكورس ممكن يدرس لوحدك بس هي الميزة الوحيدة اننا كنا بنحل وبنعرف اية الغلط الي عملناها .. غير كدا فية كتب بتتباع كتير للايلتس وفية مواقع كنت واخدها لو عايزها ابعت لي ايميلك وانا ابعتها لك ... وفية كتب معينة للايلتس كذا سلسلة هما cambridge practice tests for ielts ممكن تنزلهم من النت او تشتريهم اعتقد من العتبة بثمن زهيد وتنزل السي دي من النت ..

لو عايز اي حاجة في الايلتس قولي .. ده اقوي امتحان انجليش ممكن يحدد مستوي الواحد ..

والتويفل نفس الحكاية لية مواقع كتير ممكن تدرب عليها .

واعتقد الـ ICDL سهل لو انتا بتعرف كمبيوتر كويس .. ولية حاجات اونلاين كتير .. برامج وتوتريالز

ماليش في الشبكات واللينوكس :)

والله اكرم :)

**TIMODAX** · 18-07-2011 01:06 AM

THANXXXXXXX
MY EMAIL : tmrxbx@gmail.com

**al_manara** · 18-07-2011 01:31 AM

بالنسبة لل ccna هاتحتاج تطبقها ومش هاتلاقي حاجة تطبق عليها .
ال MCSE مش سهلة انك تذاكرها لواحدك خصوصا انها هاتاخد منك وقت كبير جدا جدا . كل الي ممكن تعرفة منها وتتعلمة بسرعة الحاجات الي بيحتاجها السوق عشان تتعلمها زي مثلا domain controller

وكمان ال CCNA وال MCSE كل واحد في مجال مختلف

**kar!m** · 18-07-2011 01:34 AM

ممكن تذاكر أى حاجة دلوقتى self study خصوصا مؤخرا مع كثرة المنتديات اللى فيها مشاكل قابلت الناس و وجود case studies كتيرة ممكن تديك خبرة عملية حتى لو ماشتغلتش بايدك.

المشكلة اللى هتقابلك انك هتذاكر الحاجات دى على الكمبيوتر .. و الكمبيوتر فيه نايل موتورز و فيس بوك و اللذى منه .. مش هتعرف تذاكر نص ساعة على بعض.

**matrix_it** · 18-07-2011 02:21 AM

هو ايه الايليتس دة ؟؟؟؟؟؟؟؟؟؟ وينفع فى جميع اللغلت ولا المانى و انجليزى بس؟؟؟؟؟ وسعره كام الكورس و ياريت كل التفاصيل
شكرا

**AshTurbo** · 18-07-2011 04:34 AM

بما أنك أسكندراني هقولك على الخلاصة في الأيلتس والآي سي دي ال ... الأيلتس والتويفل معروف أن من أقوى المراكز وأحسنهم وأنظفهم البريتش كونسيل بس للأسف مفيش ليها فرع في أسكندرية بيدي كورسات .. الفرع اللي في أسكندرية فرع أمتحانات بس .. بالنسبة للأيلتس أنظف حتة تاخد فيها الكورس الأكاديمية العربية مدة الدراسة شهر والتكلفة 650 جنيه بتضيف عليها تكلفة الأمتحان حوالي 150 دولار بتحجز أونلاين أو من البريتش كونسيل نفسها .

بالنسبة للتويفل أحسن مكان تاخده في أسكندرية الأميدإيست التكلفة حوالي 800 جنيه على ما أتذكر بالأضافة لفلوس الأمتحان ودول قوتهم أن المحاضرين غالباً أجانب أو مصريين بيتكلموا ناتيف أمريكان فدي هتساعدك جداً على العكس في الأكاديمية المحاضرين مصريين ودة مش مفيد علشان ساعات كانوا بيتكلموا عربي في نص الكلام مفروض المحاضر يقول مفيش كلمة عربي في الكورس يعني مفيش كلمة عربي طبعاً هتسألني ليه مأخدتش أيلتس في الأميدإيست هقولك علشان معندهمش أيلتس ................. سر النجاح في كورسات اللغة الممارسة والتدريب على الأمتحانات سواء من الكتب اللي ممكن تشتريها أو من الماتيريال اللي على النت وهتلاقي كتير ومجاناً الكورس مش وظيفتة يأسسك في الأنجليزي الكورس وظيفته يأهلك لدخول الأمتحانات يعني أستراتيجيات بتاخدها تساعدك في حل الأمتحان فلازم يكون مستواك أساساً كويس علشان تعرف تتعامل مع الكورسين دول وبتعمل أمتحان تحديد مستوى علشان تعرف مستواك .

http://www.amideast.org/offices/egyp...default.htm‏

بالنسبة للآي سي دي أل أفضل مكان أرشحوهلك الأكاديمية العربية في كورس مكثف شهر تقريباً وفي كورس عادي 3 شهور حسب مستواك أنت لو بتتعامل في الكمبيوتر من زمان أدخل عالمكثف شهر وأنت بتاخد الكورسات أحجز على طول الأمتحانات علشان الحجز بالشلل ومواعيد متأخرة وأنت ونصيبك ومرة يقولك أمتحن مانيوال ومرة أوتوماتيد فأعمل حسابك تخلص كل مادة من السبع مواد وتكون حاجز بعدها على طول بحيث تخلص المادة وتدخل عالأمتحان فريش تكلفة الكورسات بحجز الأمتحان بالسكيل كارد هتدخل في 1200 جنيه وبتستلم كل الكتب مجاناً مع سي دي ............. سر النجاح في الأي سي دي أل نموذج الأمتحانات السيمبل تيست أشتريه وأعتبر نفسك نجحت بأذن الله .

**AshTurbo** · 18-07-2011 04:47 AM

مركز الحاسب الآلي في الأكاديمية :

http://www.aast.edu:8282/en/portal/m...ervice?p=30001

مركز اللغات :

http://www.aast.edu:8282/en/portal/m...ge/ils?p=68012

**MOUSTAFA_SAAD** · 18-07-2011 06:34 AM

المشاركة الأصلية كتبت بواسطة kareemz

ممكن تذاكر أى حاجة دلوقتى self study خصوصا مؤخرا مع كثرة المنتديات اللى فيها مشاكل قابلت الناس و وجود case studies كتيرة ممكن تديك خبرة عملية حتى لو ماشتغلتش بايدك.

المشكلة اللى هتقابلك انك هتذاكر الحاجات دى على الكمبيوتر .. و الكمبيوتر فيه نايل موتورز و فيس بوك و اللذى منه .. مش هتعرف تذاكر نص ساعة على بعض.

+11111111111111111111
هو ده اللى بيحصل معايا فعلا

الموضوع: ينفع الكورسات دي كلها تبقا self study

LinkBack

أدوات الموضوع

عرض

ينفع الكورسات دي كلها تبقا self study - انشر الموضوع فى :

-

-

-

-

-

المواضيع المتشابهه

ممكن تجيب عربية نقل و تبقا هي ديه عربيتك؟؟

لخبراء الكورسات الانجليزي

انا خلاص فاضلي الحاجات دي والعربيه تبقا توب

لانسر 1.3 عوزنها تبقا 120 حصان!!!!

ياه لو التكاتك عندنا تبقا كده

الكلمات الدلالية لهذا الموضوع

المفضلات

المفضلات

ضوابط المشاركة